ಉಡ್ಪಿ ಜಿಲ್ಲೆಂತೂ ಪ್ರತಿಷ್ಠಿತ ಸಹಕಾರಿ ಸಂಸ್ಥೋ ಗಂಗೊಳ್ಳಿ ಟೌನ್ ಸೌಹಾರ್ದ ಕೊ-ಆಪರೇಟಿವ್ ಸೊಸೈಟಿ ಲಿಮಿಟೆಡ್ ೨೦೨೫-೨೬ ವ್ಯಾ ಸಾಲಾಂತು ೧.೪೨ ಕೋಟಿ ರೂಪಯಾಂಚೊ ನಿವ್ವಳ ಮುನಾಪೋ ಜೊಡಲ್ಯಾ. ಸದಸ್ಯಾಂಕ ಶೇ. ೧೭ ಡಿವಿಡೆಂಡ್ ದಿವ್ಚೊ ಘೋಷಣ್ ಕೆಲೀಲೆ ಆಸಾ.
ಗಂಗೊಳ್ಳಿಚ್ಯಾ ಶ್ರೀ ವೀರ ವಿಠಲ ಸಭಾಗೃಹಾಂತು ಆಯ್ತವಾರು ಜಾಲ್ಲ್ಯಾ ಗಂಗೊಳ್ಳಿ ಟೌನ್ ಸೌಹಾರ್ದ ಕೊ-ಆಪರೇಟಿವ್ ಸೊಸೈಟಿಚ್ಯಾ ೧೦೬ ವ್ಯಾ ಸಾಮಾನ್ಯ ಸಭೆಚೆ ಅಧ್ಯಕ್ಷ್ಪದ್ ಸಹಕಾರಿಚೊ ಅಧ್ಯಕ್ಷ್ ಜಿ. ವೆಂಕಟೇಶ ಶೆಣೈ ಹಾಂಣಿ ವಹಿಸಿಲೊ. ಸದಸ್ಯಾಂಚ್ಯಾ ಸಂಮತಿನ ಶೇ. ೧೭ ಡಿವಿಡೆಂಡ್ ದಿವ್ಚೊ ಮ್ಹೊಣು ತಾನ್ನಿ ಘೋಷಣ್ ಕೆಲ್ಲೊ.
ವರದಿ ಸಾಲ್ ಸಂಪ್ಲ್ಯಾ ಉಪರಾಂತ್ ಸಂಘಾಕ್ ೪,೧೧೪ ಸದಸ್ಯ್, ೧೦೪.೩೦ ಕೋಟಿ ರೂಪಯಾಂಚಿ ಠೇವಣಿ, ೮೯.೪೪ ಕೋಟಿ ರೂಪಯಾಂಚೊ ಸದಸ್ಯಾಂಚೊ ಕರ್ಜ್, ೩೦.೯೩ ಕೋಟಿ ರೂಪಯಾಂಚಿ ಗುಂತವಣುಕ್ ಆನಿ ೬.೫೫ ಕೋಟಿ ರೂಪಯಾಂಚಿ ವಿವಿಧ ನಿಧಿ ಆಸಾತ್. ಸೌಹಾರ್ದ ಕಾಯ್ದ್ಯಾಚ್ಯಾ ಆಧಾರಾನ್ ಕಾರವಾಯ್ ಕರಪಾಚ್ಯಾ ರಾಜ್ಯಾಂತ್ಲ್ಯಾ ಸೌಹಾರ್ದ ಸಹಕಾರಿ ಸಂಘಾಂತ್ ಹ್ಯಾ ಸಂಘಾಚೊ ಮುಕಾಮ್ ಮುಕ್ಯ್ ಆಸಾ.
ಘೆಲ್ಲ್ಯಾ ನವಂಬರ್ ಮಯ್ನ್ಯಾಂತ್ ಮಂಗಳೂರಾಂತ್ ಜಾಲ್ಲ್ಯಾ ಸಹಕಾರ ಸಪ್ತಾಹಾಂತ್ ಸಂಘಾಕ್ ಅತ್ಯುತ್ತಮ ಸಹಕಾರ ಸಂಘ ಪ್ರಶಸ್ತಿ ಮೆಳ್ಲ್ಯಾ ಮ್ಹೊಣು ತಾನ್ನಿ ಸಾಂಗ್ಲೊ.
ಉಡುಪಿ ಜಿಲ್ಲೆಚ್ಯಾ ಮರವಂತೆ, ಸಿದ್ದಾಪುರ್ ಆನಿ ಸಾಸ್ತಾನಾಂತ್ ಸಂಘಾಚ್ಯಾ ನವ್ಯಾ ಶಾಖ್ಯೊ ಉಗಡಪಾಚೊ ನಿರ್ಣಯ್ ಘೆತ್ಲ್ಯಾ ಮ್ಹೊಣೂ ಸಾಂಗ್ಲ್ಯೋ, ಗಂಗೊಳ್ಳಿಚ್ಯಾ ರಥಬೀದಿಂತ್ ಹೈಮಾಸ್ಕ್ ದಿವೊ, ಸ್ಥಳೀಯ್ ಗ್ರಾಮ ಪಂಚಾಯತಿಂಕ್ ಬೀದಿ ದಿವ್ಯಾಂಚಿ ದೇಣ್ಗಿ ಹ್ಯಾ ಸಾಂಗಾತ್ ಖೂಬ್ ಜನೋಪಯೋಗಿ ಉಪಕ್ರಮ್ ಸಭೆಂತ್ ಘೋಷಿತ್ ಕೆಲ್ಲ್ಯಾತ್.
ಉಪಾಧ್ಯಕ್ಷ್ ಜಿ. ವಿಶ್ವನಾಥ ಆಚಾರ್ಯ, ನಿರ್ದೇಶಕ್ ಎನ್. ಮಾಧವ ಕಿಣಿ, ಕೆ. ಪರಮೇಶ್ವರ ನಾಯಕ್, ರಾಮನಾಥ ಚಿತ್ತಾಲ್, ಬಿ. ರಾಘವೇಂದ್ರ ಪೈ, ನಗರ ಅಶ್ವಿನ್ ಕುಮಾರ್ ನಾಯಕ್, ಗೀತಾ ಜಿ. ನಾಯಕ್, ದೀಪಾಲಕ್ಷ್ಮೀ ನಾಯಕ್, ಕಿರಣ್ ಪಿಲಿಫ್ ಪಿಂಟೊ, ಮಹಾಬಲ ಪೂಜಾರಿ, ಸುರೇಶ್ ಜಿ. ಹಾನ್ನಿ ಹಾಜರ್ ಆಶ್ಶಿಲೆ.