ಕಾಪು ಶ್ರೀ ವೆಂಕಟರಮಣ ದೇವಾಲೆಂ ಚಾತುರ್ಮಾಸ ಆರಂಭ

Flip Book Link : https://online.flippingbook.com/view/546725594/

ಗೌಡ ಸಾರಸ್ವತ ಬ್ರಾಹ್ಮಣಾಂಗೆಲೆ ಆಡಳಿತಾಚಿ ಕಾಪು ಶ್ರೀ ವೆಂಕಟರಮಣ ದೇವಳಾಂತು ದರ ವರ್ಷಾ ಮ್ಹಣಕೆ ಶ್ರೀ ದೇವಾಲೆ ಚಾತುರ್ಮಾಸ ದಿನಾಂಕ. ೨೪, ಜುಲೈ ೨೦೨೬ ಕ ಆರಂಭ ಜಾಲ್ಲೆ. ತತ್ಸಂಬಂಧ ಸಕ್ಕಾಣಿ ೭ ಘಂಟ್ಯಾಕ ದೇವಮಾಗಣಿ, ಸಕ್ಕಾಣಿ ೧೦.೦೦ ಘಂಟ್ಯಾಕ ಪಂಚಾಮೃತ ಅಭಿಷೇಕ, ದ್ವಾದಶ ಕಲಶಾಭಿಷೇಕ, ಪಟ್ಟ ಕಾಣಿಕಾ ಸಮರ್ಪಣ, ಧೋಂಪಾರಾ ೧೨.೩೦ ಘಂಟ್ಯಾಕ ಮಹಾಪೂಜಾ, ಭಜನ, ಸಮಾರಾಧನ ಆದಿ ಧಾರ್ಮಿಕ ಕಾರ್ಯಾವಳಿ ಚಲ್ಲೆ. ಹೇ ಸಂದರ್ಭಾರಿ ದೇವಾಕ ವೆಗವೆಗಳೆ ಫುಲ್ಲಾನಿ ಆಕರ್ಶಕ ಜಾವ್ನು ಶೃಂಗಾರ ಕೆಲೀಲೆ. ಮಸ್ತ ಶೃದ್ಧಾಳು ಭಕ್ತಾನಿ ಹೇ ಸಂದರ್ಭಾರಿ ದೇವಾಕ ಪಂಚಾಮೃತ ಸಾಹಿತ್ಯ ಅರ್ಪಣ ಕೆಲ್ಲಿ.

ತಾಜ್ಜೆ ಹೆರದಿವಸು ಜುಲೈ ೨೫ಕ ಆಷಾಢ ಏಕಾದಶಿ ಪರ್ವಕಾಲ. ತ್ಯಾ ದಿವಸು ಸಾಂಜವಾಳಾ ೬.೦೦ಘಂಟ್ಯಾಕ ಏಕಾದಶಿ ಭಜನ, ರಾತ್ತಿಕ ೮.೦೦ ಘಂಟ್ಯಾಕ ರಾತ್ರಿ ಪೂಜಾ, ಏಕಾದಶಿ ಪೂಜಾ, ಪ್ರಸಾದ ವಾಂಟಪ ಮಾಗಿರಿ ಫಲಹಾರ ಆದಿ ಕಾರ್ಯಕ್ರಮ ಚಲ್ಲೆ. ಹೇ ಸಂದರ್ಭಾರಿ ದೇವಳಾಚೆ ಆಡಳಿತ ಸಮಿತಿಚಿ ಆನಿ ಕಾಪು ಆನಿ ಅಲ್ಯಾಪೆಲ್ತಾಚೆ ಗಾಂವ್ಚೆ ಶಂಬರ ಬಽರಿ ಸಮಾಜ ಬಾಂದವ ಉಪಸ್ಥಿತ ವ್ಹರ್ನು ಹರಿ ಕೃಪೇಕ ಪಾತ್ರ ಜಾಲ್ಲೆ.