ಶ್ರೀ ಲಕ್ಷ್ಮೀ ವೆಂಕಟೇಶ್ ದೇವಸ್ಥಾನ ತೆಂಕಪೇಟೆ ಉಡುಪಿ ಹಾಂಗಾಚೆ ಜಿ ಎಸ್ ಬಿ ಯುವಕ ಮಂಡಳಿಚೆ ೫೬ ವ್ಯಾ ವಾರ್ಷಿಕೋತ್ಸವ ಆರತಾಂ ದೇವಳಾಚೆ ಕಮಲನಾಥ್ ಮಂಟಪಾಂತು ಚಲ್ಲೆ.
ಶ್ರೀದೇವಾಲೆ ಸನ್ನಿಧಿಂತು ಚೊಲ್ಚೆ ದೇವಳಾಚೆ ವಾರ್ಷಿಕ ಉತ್ಸವ , ಪರಭ-ಪುನ್ಚೆ ಸಮಾರಂಭಾಂತು ಸಬಾರ ವರ್ಷ ಕಾಳ ಪಾಕತಜ್ಞ ಜಾವ್ನು ಸೇವಾ ಪಾವೋನು ಆತ್ತ ನಿವೃತ್ತಿ ಜೀವನ ಚಲಾಯಸುತಾ ಆಸ್ಸುಚೆ ಮರ್ಣೆ ವೆಂಕಟೇಶ್ ಕಾಮತ್ ದಂಪತಿಂಕ ಶಾಲ ಪಾಂಗೂರ್ನು, ಫಲ ಪುಷ್ಪ , ಶ್ರೀದೇವಾಲೆ ಪ್ರಸಾದ ದಿವನು ಗೌರವ ಕೆಲ್ಲೆ.
ಸಮಾರಂಭಾಂತು ಆಡಳಿತ ಮೊಕ್ತೇಸರ ಗುಜ್ಜಾಡಿ ಪ್ರಭಾಕರ್ ನಾಯಕ್ ತಾನ್ನಿ ಅಧ್ಯಕ್ಷಪಣ ಘೆತ್ತಿಲೆ. ಮುಖೇಲ ಸೊಯರೆ ತ್ರಿಷಾ ಸಂಸ್ಥೆಚೆ ಸಿ ಎ ಗೋಪಾಲಕೃಷ್ಣ ಭಟ್ ತಾನ್ನಿ ನವರಾತ್ರಿಂತು ಚಲೀಲೆ ವೆಗವೆಗಳೆ ಸ್ಪರ್ಧೆಂತು ವಿಜೇತ ಜಾಲೀಲೆ ಚರಡುವಾಂಕ ಬಹುಮಾನ ವಾಂಟುನು, ದೇವು ಬರೆ ಕೊರೊ ಮ್ಹಳ್ಳೆ. ಜಿ ಎಸ್ ಬಿ ಯುವಕ ಮಂಡಳಿ ಅಧ್ಯಕ್ಷ ನಿತೇಶ್ ಶೆಣೈ , ಮಾಜಿ ಅಧ್ಯಕ್ಷ ಸುಬ್ರಮಣ್ಯ ಪೈ , ಶ್ರೀಮತಿ ವಿಜಿತಾ ಬಿ ಶೆಣೈ ತಶೀಚಿ ಜಿ ಎಸ್ ಬಿ ಯುವಕ ಮಂಡಳಿ ಪದಾಧಿಕಾರಿ ಲೋಕ ಆನಿ ಸಮಾಜ ಬಾಂದವ ಉಪಸ್ಥಿತ ಆಶ್ಶಿಲೆ.