ರಕ್ಷಾ ಶೆಣೈ ಕೆ. ಕಾಪು ಹಾನ್ನಿ ಕಾಪುಚೆ ರೋಹಿದಾಸ್ ಶೆಣೈ ಆನಿ ಶ್ರೀಮತಿ ವಸುದೇವಿ ಆರ್. ಶೆಣೈ ಹಾಂಚಿ ಧೂವ. ತೀಣೆಂ “ಸಹಸ್ರಮಾನಾಂ ಮದಿಂ ಸಾವಯವ ಆಹಾರಾ ಖಾತಿರ ಪ್ರೀಮಿಯಂ ದಿವಚ್ಯಾ ಇಚ್ಛೆರ್ ಆರೋಗ್ಯ ಜಾಣಿವ ಆನಿ ಸಾಮಾಜಿಕ ಜಾಣಿವೆಚೊ ಪ್ರಭಾವ” ಹ್ಯಾ ವಿಷಯಾಚೆರ ವ್ಯಾಪಕ ಸಂಶೋಧನ ಕೆಲೆಂ. ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್, ಮಣಿಪಾಲ್ ಸ್ಕೂಲ್ ಆಫ್ ಕಾಮರ್ಸ್ ಆಂಡ್ ಎಕನಾಮಿಕ್ಸ್ ಚೆ ಪ್ರಾಧ್ಯಾಪಕ ಡಾ. ವಿ. ಕೆ. ರಂಜಿತ ಹಾಂಚ್ಯಾ ಮಾರ್ಗದರ್ಶನಾಂತ್ಲ್ಯಾನ ಆನಿ ಮಣಿಪಾಲ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ, ಮಾಹೆ ಮಣಿಪಾಲಾಚೆ ಸ್ಕೂಲ್ ಆಫ್ ಬೇಸಿಕ್ ಸಾಯನ್ಸಸ್ ಚ್ಯಾ ಹೆಚ್ಚುವರಿ ಪ್ರಾಧ್ಯಾಪಕಿ ಡಾ. ಸ್ಮಿತಾ ನಾಯಕ ಹಾಂಚ್ಯಾ ಸಹ-ಮಾರ್ಗದರ್ಶನಾಂತ್ಲ್ಯಾನ ತಾಂಕಾಂ ಡಾಕ್ಟರ್ ಆಫ್ ಫಿಲಾಸಫಿ (Ph.ಆ.) ಹ್ಯಾ ಪದವೀನ ಸನ್ಮಾನಿತ ಕೆಲೆಂ.
ಹ್ಯಾ ಸಂಶೋಧನಾಂತ್ಲ್ಯಾನ್ ಮಿಲೇನಿಯಲ್ ಪೀಳಿಗೆ ಆರೋಗ್ಯಾ ವಿಶೀಂ ಚಡ ಜಾಗರೂಕ ಆಸಾತ ಆನಿ ಸಾವಯವ ಆಹಾರಾಂತು ಚ್ಹಡ ಕೀಟನಾಶಕಾಂ, ರಾಸಾಯನಿಕ ಮಿಶ್ರಣಾಂ ಚುಕೋಚೆ ವಾಟ ಕಶ್ಶಿ ಪಳಯತಾತಿ ಮ್ಹೊಣು ಕಳಯತಾತಿ . ತ್ಯಾ ಕಾರಣ ತಾನ್ನಿ ಚಡ ಮೊಲ ದಿವಚಾಕ ತಯ್ಯಾರ ಆಸಾತಾತಿ, “ನೈಸರ್ಗಿಕ ಗುಣಧರ್ಮ”, ಗೊತ್ತಾಶ್ಶಿಲೆ ಆಹಾರ ಸುರಕ್ಷಿತ್ಪಣ ಆನಿ ಸಂವೇದನಶೀಲ ರುಚಿ-ಆಕರ್ಷಣ ತಸ್ಸಾಲೆ ಉತ್ಪಾದನ ಗುಣಧರ್ಮಾಂ ಆರೋಗ್ಯ ಜಾಣಿವೆಕ ಬಲ ದಿತಾತ. ಹ್ಯಾ ಸಾವಯವ ಆಹಾರಾ ಖಾತಿರ ಪ್ರೀಮಿಯಂ ದಿವಪಾಚಿ ಇಚ್ಛಾ ಚ್ಹಡ ಕರತಾಂ ಮ್ಹೊಣು ಅಧ್ಯಯನಾಂನಿ ದಾಕಯ್ಲಾಂ.
ಭಾರತಾಸಾರ್ಕ್ಯಾ ಉದಯೋನ್ಮುಖ ಆರ್ಥಿಕ ವ್ಯವಸ್ಥಾಂತ್ಲ್ಯಾನ್ ವಿಷಕಾರಿ ಆಹಾರ ಮೇಳಾವಟ್ಟಾನಿ ದೀರ್ಘಕಾಲೀನ ಆರೋಗ್ಯ ಸಮಸ್ಯಾಂಚೊ ಭಯ ಆಸಾ. ಹ್ಯಾ ಕಾರಣ ಸಾವಯವ ಫಳಾಂ ಆನಿ ತರಕಾರ್ಯಾಂ ಖಾತಿರ ಚಡಾವತ್ ಮೊಲ್ ದಿವಚೊ ಮನ ಲೋಕಾಂತ್ಲ್ಯಾನ ಚಡ ದಿಸೊನ ಯೇತಾ.
ಸದ್ಯಾ ರಕ್ಷಾ ಶೆಣೈ ಕೆ. ಕಾಪು ಉಡುಪಿ ಮಹಾತ್ಮ ಗಾಂಧಿ ಮೆಮೋರಿಯಲ್ ಕಾಲೇಜಚ್ಯಾ ವಾಣಿಜ್ಯ ವಿಭಾಗಾಂತ ಸಹಾಯಕ ಪ್ರಾಧ್ಯಾಪಕಿ ಮ್ಹಣೂನ ಸೇವಾ ಕರ್ತಾ ಆಸ್ಸಾತಿ. ತಾನ್ನಿಂ ಕಲ್ಯಾಣಪುರ ಮಿಲಾಗ್ರಿಸ್ ಕಾಲೇಜ್ ಆನಿ ಉಡುಪಿ ಡಾ. ಜಿ. ಶಂಕರ್ ಪ್ರಥಮ ದರ್ಜೆ ಕಾಲೇಜ ಆನಿ ಸಂಶೋಧನಾ ಕೇಂದ್ರ ಹಾಂಚಿ ಪೊರನೆ ವಿದ್ಯಾರ್ಥಿನಿ ಸುದ್ಧಾಂ ಆಸಾತಿ. ಸರಸ್ವತಿ ಪ್ರಭಾ ತರಪೇನಿ ಹಾಂಕಾ ದೇವು ಬರೆಂ ಕೊರೊಂ ಮ್ಹಣತಾ.