ಅನಂತ ವೈದಿಕ ಕೇಂದ್ರ ಉಡುಪಿ ಹಾನ್ನಿ ನಾಮಾಧಿಕ ರಂಗಕರ್ಮಿ, ಕರ್ನಾಟಕ ರಾಜ್ಯ ಪ್ರಶಸ್ತಿ ವಿಜೇತ, ಚಲನ ಚಿತ್ರ ನಿರ್ದೇಶಕ ಕಾಸರಗೋಡು ಚಿನ್ನಾ.. ಹಾಂಗೆಲೆ ನಿರ್ದೇಶನಾರಿ `ರಂಗಭೂಮಿ ಕಾರ್ಯಗಾರ ಒಳಕಾಡು ಪದ್ಮಾವತಿ ಸಭಾ ಸದನಾಂತು ೨ ದಿವಸಾಚೆ ಕೊಂಕಣಿ ರಂಗಾಂತರರಂಗ ತರಬೇತಿ ಕಾರ್ಯಕ್ರಮ ಮೇ ೩೦ಕ ತರಂಗ ವಾರ ಪತ್ರಿಕೆ ಸಂಪಾದಕಿ ಡಾ. ಸಂಧ್ಯಾ ಪೈ ಹಾನ್ನಿ ದೀವಲಿ ಜಳೋನು ಉದ್ಘಾಟನ ಕೆಲ್ಲಿ. ತಾನ್ನಿ ಉಲಯತಾ “ಕೊಂಕಣಿ ಸಾಹಿತ್ಯ,ಭಾಸ, ಸಂಸ್ಕೃತಿ ವ್ಹರೋನು, ವಾಡ್ಡಯಚಾಕ ಅಸ್ಸಾಲೆ ಕಾರ್ಯಗಾರ ನಿರಂತರ ಜಾವ್ನು ಚಲೋ, ಚರಡುವಾಂಕ ಕಲಾ, ಸಂಸ್ಕೃತಿ , ಜೀವನಾಚೆ ಮೌಲ್ಯ ಶಿಕೋನು ಸಮಾಜಾಚೆ ಆಸ್ತಿ ಜಾವ್ನು ತಯಾರ ಕೊರಕಾ, ಆಮ್ಗೆಲೆ ಭಿತ್ತವೈಲೆ ಪ್ರತಿಭಾ ಸೊದ್ದುನು, ತಾಕ್ಕ ಪ್ರೋತ್ಸಾಹ ದಿಲಯಾರಿ ಆಮ್ಮಿ ವರೇನ ಚಾಂಗ ಕಲಾವಿದ ಜಾವ್ನು ತಯಾರ ಜಾವಚಾಕ ಸಾಧ್ಯ ಆಸ್ಸಾ ಮ್ಹಳ್ಳೆ.
ಮುಖೇಲ ಸೊಯರೆ ಜಾವ್ನು ಪುತ್ತೂರು ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ್ ದೇವಳ ಹಾಜ್ಜೆ ಆಡಳಿತ ಮೊಕ್ತೇಸರ ವಸಂತ ನಾಯಕ್, ದೈವಜ್ಞ ಬ್ರಾಹ್ಮಣ ಸಮಾಜ ಉಡುಪಿ ಅಧ್ಯಕ್ಷ ಶಿವಶಂಕರ ಶೇಟ್ ಆಯ್ಯಿಲೆ. ಸಭೆಚೆ ಅಧ್ಯಕ್ಷಪಣ ಸಮಾಜ ಸೇವಕ ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ ಗೌರವ ಅಧ್ಯಕ್ಷ ವಿಶ್ವನಾಥ್ ಶೆಣೈ ತಾನ್ನಿ ಘೆತ್ತಿಲೆ. ಕೊಂಕಣಿ ರಂಗಾ ತರಂಗ ಸಂಚಾಲಕ ಶಶಿ ಭೂಷಣ ಕಿಣಿ ಉಪಸ್ಥಿತ ವ್ಹರಲೀಲೆ. ಅನಂತ ವೈದಿಕ ಕೇಂದ್ರಾಚೆ ಆಡಳಿತ ನಿರ್ದೇಶಕ ವೆ. ಮೂ . ಚೆಂಪಿ ರಾಮಚಂದ್ರ ಭಟ್ ಮಾಮ್ಮಾನಿ ಯೆವಕಾರ ಕೊರನು, ಕಾರ್ಯ ಕ್ರಮಾಚೆ ನಿರೂಪಣ ಕೆಲ್ಲಿ. ಕೊಂಕಣಿ ಉಲಯಿಚೆ ವೆಗವೆಗಳೆ ಸಮಾಜಾಚೆ ವಿದ್ಯಾರ್ಥಿ ಲೋಕ ಉಪಸ್ಥಿತ ವ್ಹರಲೀಲೆ.
ಕಾಸರಗೋಡು ಚಿನ್ನಾ ತಾನ್ನಿ ಉಲೋನು ಕೊಂಕಣಿ ಭಾಸ, ಸಂಸ್ಕೃತಿ ಅಭಿವೃದ್ಧಿಚೆ ಉದ್ದೇಶಾನಿ ಹೇ ಕಾರ್ಯ ಘಾಲ್ನು ಘೆತ್ತಿಲೆ ಆಸ್ಸುನು, ರಂಗ ಕ್ಷೇತ್ರಾಚೆ ಕಲಾ ವ್ಹರೋನು, ಅಭಿವೃದ್ಧಿ ಕೊರಚಾಕ ಸಮಾಜ ಬಾಂದವಾನಿ ಹಾತು ಮೆಳೋವಕಾ ಮ್ಹೊಣು ಆಪೋವ್ಣಿ ದಿಲ್ಲಿ. ಆನಿ ಕಾಸರಗೋಡು ಚಿನ್ನಾ ತಾನ್ನಿ ಶಿಬಿರಾರ್ಥಿಂಕ ರಂಗ ತರಬೇತಿ ಜಾಲೀಲೆ ಸ್ವರು, ಭಾಸ, ಅಭಿನಯ ತಶೀಚಿ ಮುಖಾಭಿನಯ, ವೆಗವೆಗಳೆs ಭಾಷೆಂಚೆ ಮುಖಾಂತರ ಅಭಿನಯ ಕೊರಚೆ ಕಲಾ ಪ್ರಕಾರ ಚರಡುವಾಂಕ ಶಿಕೋನು ದಿವನು, ಉಮೇದ ದಿಲ್ಲೆ.