ಶ್ರೀ ಸಂಸ್ಥಾನ ಕಾಶಿ ಮಠಾಧೀಶ :
http://[dflip id="6175"][/dflip]
ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೊ ಪರಾಭವ ನಾಮ ಸಂವತ್ಸರಾಚೊ ಚಾತುರ್ಮಾಸ ವ್ರತ ಶ್ರೀ ಕ್ಷೇತ್ರ ಕಾಶಿಚೊ ಮೂಲ ಮಠಾಂತು ಚಲ್ತಾ. ಥಂಯಿ ೨೦೨೬ಚೆ ಆಗಸ್ಟ್ ೩ ಕ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮೀಜಿ ಚಾತುರ್ಮಾಸ ವ್ರತ ಸ್ವೀಕಾರತಾತಿ.
ಪೂಜ್ಯ ಸ್ವಾಮ್ಯಾಂಗೆಲೆ ಅವಂದೂಚೆ ಚಾತುರ್ಮಾಸಾಚೆ ಸಂದರ್ಭಾರಿ ಪಂಚಗವ್ಯ ಪ್ರಾಶನ ತಶೀಚಿ ಪಂಚಗವ್ಯ ಹವನ, ಗಂಗಾ ಪೂಜನ, ಶ್ರೀ ಕಾಶಿ ಮೂಲ ಮಠಾಂತು ಆಸ್ಸುಚೆ ಶ್ರೀ ಬ್ರಹ್ಮೇಶ ದೇವಾಕ ರುದ್ರಾಭಿಷೇಕ, ನಾರಿಕೇಳ ಗಣಯಾಗ, ಮೂಲ ಮಂತ್ರ ಹವನ, ವಿಷ್ಣು ಸಹಸ್ರನಾಮ ಪಾರಾಯಣ, ಅರ್ಚನಾ, ಗಂಗಾರತಿ, ನರಸಿಂಹ ಸ್ತುತಿ ನಮಸ್ಕಾರ, ದೀಪಾರಾಧನ, ಕುಂಕುಮಾರ್ಚನ, ಹೋಂಟಿ ಭೊರಚೆ, ಪುಷ್ಪಾಂಜಲಿ ಸೇವಾ, ಸಪ್ತಶತಿ ಪಾರಾಯಣ, ನರಸಿಂಹ ಹವನ, ಶ್ರೀ ಬ್ರಹ್ಮೇಶ ದೇವಾಕ ವಿಶೇಷ ಪೂಜಾ ಚಲ್ತಾ.
ನವ್ವ ನವ್ವ ದಿವಸು ಶ್ರೀರಾಮ ವೈಭವಂ – ೯ ತತ್ಸಂಬಂಧಿತ ಕಾರ್ಯಕ್ರಮ, ವ್ಯಾಸ ವೈಭವಂ ತತ್ಸಂಬಂಧಿತ ವೆಗವೆಗಳೆ ಕಾರ್ಯಕ್ರಮ ಶ್ರೀ ನರಸಿಂಹ ವೈಭವಂ, ತತ್ಸಂಧಿತ ಕಾರ್ಯಕ್ರಮ ಹೋಮ-ಹವನ, ತಿರುಮಲಾಚೆ ಶ್ರೀ ವೆಂಕಟರಮಣ ದೇವಳಾಂತು ಚೋಲ್ನು ಯವ್ಚೆ ಸಂಪ್ರದಾಯ ಪ್ರಮಾಣೆ ಸೂರ್ಯ, ಹಂಸ, ಗರುಢ ಆದಿ ವಾಹನ ಪೂಜಾ, ಅಶ್ಶಿ ಮಸ್ತ ವೈಶಿಷ್ಟ್ಯಪೂರ್ಣ ಜಾವ್ನು ಅವಂದೂಚೆ ಚಾತುರ್ಮಾಸು ವ್ರತ ಚಲ್ತಾ. ಚಡ್ತೆ ಮಾಹಿತಿಕ ೯೧-೯೬೩೨೪ ೬೦೫೨೧ ಹಾಂಗಾಕ ಸಂಪರ್ಕು ಕೊರಯೇತ. ಶ್ರೀ ಕಾಶೀಮಠಾಧೀಶಾಂಗೆಲೆ ಚಾತುರ್ಮಾಸಾಂತು ವಾಂಟೊ ಘೇವ್ನು ಪೂಜ್ಯ ಸ್ವಾಮ್ಯಾಂಕ ಭೆಟ್ಟುನು ತಾಂಗೆಲೆ ಕೃಪಾಶೀರ್ವಾದು ಘೆವ್ಚೆ ಬರಶಿ ಉತ್ತರ ಭಾರತಾಚೆ ಕಾಶಿ, ಅಯೋಧ್ಯ ಸಹಿತ ವೆಗವೆಗಳೆ ತೀರ್ಥಕ್ಷೇತ್ರಾಚೆ ದರ್ಶನ ಕೊರನು ಘೇವ್ನು ಯವ್ಚೆ ಸದವಕಾಶ ಭಕ್ತಾದಿಂಕ ಆಸ್ಸಾ.
ಶ್ರೀ ಸಂಸ್ಥಾನ ಗೋಕರ್ಣ ಜೀವೋತ್ತಮ ಪರ್ತಗಾಳಿ ಮಠಾಧೀಶ :
ಶ್ರೀಮದ್ ಶ್ರೀಮದ್ ವಿದ್ಯಾಧೀಶ ತೀರ್ಥ ಸ್ವಾಮ್ಯಾಂಗೆಲೊ ೧೦ವೇಂ ಚಾತುರ್ಮಾಸು ದಿನಾಂಕ. ೦೫-೦೮-೨೦೨೬ ತಾಕೂನು ದಿನಾಂಕ. ೨೬-೦೯-೨೦೨೬ ಪರಿಯಂತ ಪರ್ತಗಾಳಿಚೆ ಕೇಂದ್ರಮಠಾಂತು ಚಲ್ತಾ ಮ್ಹಣ್ಚೆ ಮಾಹಿತ ಮೆಳ್ಳಾ. ಅಗಸ್ಟ್ ೫ಕ ಸಾಂಜವಾಳಾ ವ್ಯಾಸಪೂಜಾ ಪೂರ್ವಕ ಪೂಜ್ಯ ಸ್ವಾಮೆಂ ಚಾತುರ್ಮಾಸ ವ್ರತ ಸ್ವೀಕಾರ ಕರತಾತಿ, ತ್ಯಾಂಚಿ ದಿವಸು ತಾಂಗೆಲೆ ಪಟ್ಟಾಭಿಷೇಕ ದಿವಸೂ ಜಾವ್ನಾಸ್ಸ. ಸಪ್ಟಂಬರ್ ೨೬ ದಿವಸು ಮೃತ್ತಿಕಾ ವಿಸರ್ಜನೆ ಬರಶಿ ಚಾತುರ್ಮಾಸು ವ್ರತ ಸಮಾಪ್ತ ಕರತಾತಿ. ತಾಂಗೆಲೆ ಚಾತುರ್ಮಾಸ ವೇಳ್ಯಾರಿ ತಪ್ತಮುದ್ರಾಧಾರಣ, ನಾಗರ ಪಂಚಮಿ, ಮಠಾಚೆ ಶ್ರೀ ರಾಮದೇವಾಕ ದ್ವಾದಶ ಸ್ತೋತ್ರ ಪೂಜಾ, ಶ್ರೀ ವಿಷ್ಣು ಪವಿತ್ರಾರೋಪಣ, ಶ್ರೀ ಕೃಷ್ಣಜನ್ಮಾಷ್ಟಮಿ, ಶ್ರೀ ಗಣೇಶ ಚೌತಿ, ಶ್ರೀ ಅನಂತನೋಂಪಿ ಆದಿ ವಿಶೇಷ ಕಾರ್ಯಕ್ರಮ ಚಲ್ತಾ.
ಪ್ರತಿ ದಿವಸು ಸಕ್ಕಾಣಿ ೬-೩೦ ತಾಕೂನು ೭-೩೦ ಪರಿಯಂತ ನಿರ್ಮಾಲ್ಯ ವಿಸರ್ಜನಾ, ಧೋಂಪಾರಾ ೧೨-೦೦ ಘಂಟ್ಯಾಕ ಮಹಾ ಪೂಜಾ, ೧೨-೩೦ಕ ಸಹಸ್ರ ಬ್ಮಾಹ್ಮಣ ಭೋಜನ, ೧-೦೦ ಘಂಟ್ಯಾಕ ಗುರು ಪಾದ್ಯಪೂಜನ, ರಾತ್ತಿಕ ೮-೦೦ ಘಂಟ್ಯಾಕ ರಾತ್ರಿ ಪೂಜಾ ಚಲ್ತಾ. ಚಾತುರ್ಮಾಸ ವೇಳ್ಯಾರಿ ಸೇವಾ ಮಾಹಿತಿ ಆನಿ ಸೇವಾ ನೋಂದ ಕೊರಚಾಕ, ಚಾತುರ್ಮಾಸ ವೇಳ್ಯಾರಿ ಭಜನಾ ಸೇವಾ ಪಾವಯಚಾಕ ಆನಿ ವಾಸ್ತವ್ಯಾ ಖಾತ್ತಿರಿ ಮಾಹಿತಿಕ ಮಠಾಚೆ ಫೋನ್ ನಂ. +೯೧ ೮೨೭೭೨ ೯೭೭೭೭ ಹಾಂಗಾಕ ಸಂಪರ್ಕ ಕೊರಯೇತ. ಹೇ ವೇಳ್ಯಾರಿ ಪರ್ತಗಾಳಿಕ ವಚ್ಚುನು ಪೂಜ್ಯ ಸ್ವಾಮ್ಯಾಂಕ ಭೆಟ್ಟುನು ತಾಂಗೆಲೆ ಕೃಪಾಶೀರ್ವಾದು ಘೆವ್ಚೆ ಬರಶಿ ಬರಶಿ ಅಂತಾರ್ರಾಷ್ಟೀಯ ಗುಣಮಟ್ಟಾಂತು ಆತ್ಯಾಧುನಿಕ ಜಾವ್ನು ನವೀಕರಣ ಜಾಲೀಲೆ ಪರ್ತಗಾಳಿಚೆ ಕೇಂದ್ರ ಮಠ, ಜಗಾಂತೂ ಅತ್ಯಧಿಕ ಊಂಚಾಯಾಚೆ ಶ್ರೀ ರಾಮಚಂದ್ರಾಲೆ ಪ್ರತಿಮಾ, ಇತರ ಸಬಾರ ನವೀನ ವಾಸ್ತು ತಶೀಚಿ ಕುಲದೇವಾಂಕ ಭೆಟ್ಟುನು ಯವ್ಚೆ ಸದವಕಾಶ ಮೆಳ್ತಾ.
ಶ್ರೀ ಸಂಸ್ಥಾನ ಚಿತ್ರಾಪುರ ಮಠಾಧೀಶ :
ಶ್ರೀಮದ್ ಸದ್ಯೋಜಾತ ಶಂಕರಾಶ್ರಮ ಸ್ವಾಮೀಜಿ ಹಾಂಗೆಲೆ ಪರಾಭವ ನಾಂವ ಸಂವತ್ಸರಾಚೆ ೩೦ವೇಂ ಚಾತುರ್ಮಾಸು ವಿಟ್ಲಾಚೆ ಶ್ರೀಮತ್ ಅನಂತೇಶ್ವರ ದೇವಳಾಂತು ದಿನಾಂಕ. ೨೯-೦೭-೨೦೨೬ ತಾಕೂನು ೨೬-೦೯-೨೦೨೬ ಪರಿಯಂತ ಚಲ್ತಾ ಮ್ಹಣ್ಚೆ ಮಾಹಿತ ಮೆಳ್ಳಾ. ಜು.೨೮ಕ ಪೂಜ್ಯ ಸ್ವಾಮೆಂ ಪುರಪ್ರವೇಶ ಕರತಾತಿ. ಜು.೨೯ಕ ಮಂಡಲಪೂಜಾ, ಶ್ರೀ ವೇದವ್ಯಾಸ ಪೂಜಾ ಕೊರನು ಚಾತುರ್ಮಾಸ ವ್ರತ ಸ್ವೀಕಾರ ಕರತಾತಿ. ಪ್ರತಿ ದಿವಸು ಸುಪ್ರಭಾತಂ, ಗಾಯತ್ರಿ ಅನುಷ್ಟಾನ, ಸಾಧಕಾ ತಾಕೂನು ಭಜನಾ ಸೇವಾ, ಮಹಾಪೂಜಾ, ಪಾದುಕಾ ಪೂಜಾ, ಪ್ರಸಾದ ಭೋಜನ, ಶ್ರೀ ಗುರುಪರಂಪರಾ ಚರಿತಾ ಪಠಣ, ಸಾಂಸ್ಕೃತಿಕ ಕಾರ್ಯಾವಳಿ, ದೀಪನಮಸ್ಕಾರ, ಪೂಜ್ಯ ಸ್ವಾಮೀಜಿ ತಾಕೂನು ಶಿವಪೂಜನ/ ದೇವಿಪೂಜನ, ಅಷ್ಟಾವಧಾನ ಸೇವಾ ಆದಿ ಧಾರ್ಮಿಕ ಕಾರ್ಯಕ್ರಮ ಚಲ್ತ್ತಾ. ಸೆ.೨೬ಕ ಧರ್ಮಸಭಾ, ವೈದಿಕಾಂಕ ಸಂಭಾವನಾ, ಸೀಮೋಲ್ಲಂಘನ, ಶೋಭಾಯಾತ್ರಾ ಪ್ರಸಾದ ಭೋಜನಾ ಆದಿ ಕಾರ್ಯಕ್ರಮು ಚಲ್ತಾ. ವಿಟ್ಲ ಚಾತುರ್ಮಾಸ ಖಾತ್ತಿರಿ ಚಡ್ತೆ ಮಾಹಿತಿಕ ಮಂಗಲದಾಸ ಗುಲ್ವಾಡಿ : ೯೪೪೮೮೫೮೫೫೭, ಗುರುದತ್ತ ಹೆಬ್ಳೆ : ೯೮೯೦೬೮೧೬೧೬, ಭವಾನಿಶಂಕರ ಕಂಡ್ಲೂರು : ೯೬೮೬೦೫೦೩೪೧ ಹಾಂಕಾ ಸಂಪರ್ಕು ಕೊರಯೇತ. ಹೇ ವೇಳ್ಯಾರಿ ಪೂಜ್ಯ ಸ್ವಾಮ್ಯಾಂಕ ಭೆಟ್ಟುನು ತಾಂಗೆಲೆ ಕೃಪಾಶೀರ್ವಾದು ಘೆವ್ಚೆ ಬರಶಿ ವಿಟ್ಲಾಚೆ ಲಾಗ್ಗಿಚೆ ಸುಬ್ರಹ್ಮಣ್ಯ, ಧರ್ಮಸ್ಥಳ, ಉಡುಪಿ, ಕಟೀಲ, ಕೊಲ್ಲೂರು ಆದಿ ದೇವಾಂಕ ಭೆಟ್ಟುನು ಯವಚಾಕ ಸಾಧ್ಯ ಆಸ್ಸಾ.
ಶ್ರೀ ಸಂಸ್ಥಾನ ದೈವಜ್ಞ ಬ್ರಾಹ್ಮಣ ಜ್ಞಾನೇಶ್ವರಿ ಪೀಠಾಧೀಶ :
ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತಿ ಮಹಾಸ್ವಾಮಿ ತಶೀಚಿ ಶ್ರೀ ಶ್ರೀ ಸುಜ್ಞಾನೇಶ್ವರ ಭಾರತೀ ಮಹಾಸ್ವಾಮ್ಯಾಂಗೆಲೆ ಅವಂದು ವರಸಾಚೆ ಪವಿತ್ರ ಚಾತುರ್ಮಾಸ್ಯ ವ್ರತ ಸಾಗರಾಂತು ದೈವಜ್ಞ ಬ್ರಾಹ್ಮಣ ಸಭಾಭವನ, ಇಕ್ಕೇರಿ ರಸ್ತೋ, ಸಾಗರ -೫೭೭೪೦೧, ಶಿವಮೊಗ್ಗ ಜಿಲ್ಲಾ ಹಾಂಗಾ ದಿನಾಂಕ: ೨೯-೦೭-೨೦೨೬ ತಾಕೂನು ೨೬-೦೯-೨೦೨೬ ಪರಿಯಂತ ಚಲ್ತಾ ಮ್ಹಣ್ಚೆ ಮಾಹಿತ ಮೆಳ್ಳಾ. ಜುಲೈ ೨೯ಕ ಗುರುಪೂರ್ಣಿಮಾ, ತ್ಯಾ ದಿವಸು ವ್ಯಾಸಪೂಜೆ ಕೊರನು ಪೂಜ್ಯ ಸ್ವಾಮಿದ್ವಯ ಅವಂದೂಚೆ ಚಾತುರ್ಮಾಸ ಸ್ವೀಕಾರ ಕರತಾತಿ. ಮಾಗಿರಿ ಪಾದುಕಾ ಪೂಜನ, ಸಭಾ ಕಾರ್ಯಕ್ರಮ, ಆಶೀರ್ವದನ ಆದಿ ಕಾರ್ಯಕ್ರಮ ಚಲ್ತಾ. ಸಪ್ಟಂಬರ್ ೨೬ಕ ಚಾತುರ್ಮಾಸಾಚೆ ಸೀಮೋಲ್ಲಂಘನ ಚಲ್ತಾ. ಹೇ ವೇಳ್ಯಾರಿ ಮಾತೃವರ್ಗಾಚಾನ ಸಾಮೂಹಿಕ ಕುಂಕುಮಾರ್ಚನ(ಅ.೨೧), ಸಂಕಷ್ಟಹರ ಚತುರ್ಥಿ ವ್ರತ ಉದ್ಯಾಪನ(ಅ.೩೧), ದಾರಲ್ಯಾ ತಾಕೂನು ಪುಷ್ಪಾರ್ಚನ(ಸೆ.೬), ದುರ್ಗಾ ದೀಪ ನಮಸ್ಕಾರ, ಬೆಗ್ಗಿ ವ್ಹರಡಿಕ ಜಾವಚಾಕ ಶ್ರೀ ಮಂಗಲ ಚಂಡಿಕಾ ಹೋಮ(ಸೆ.೨೦) ಸಹಿತ ಧಾರ್ಮಿಕ ಉಪನ್ಯಾಸ, ವೇದಪಾರಾಯಣ, ಪೂಜಾ ಕಾರ್ಯಕ್ರಮ ತಶೀಚಿ ಸಮಾಜಾಚೆ ಆಧ್ಯಾತ್ಮಿಕ ಉನ್ನತಿ ಖಾತ್ತಿರಿ ವೆಗವೆಗಳೆ ಧಾರ್ಮಿಕ ಚಟುವಟಿಕಾ ಆಯೋಜನ ಕೆಲ್ಲ್ಯಾ ಮ್ಹಣ್ಚೆ ಮಾಹಿತ ಮೆಳ್ಳಾ.
ಚಡ್ತೆ ಮಾಹಿತಿಕ ಶ್ರೀ ವೇ| ಯೋಗೀಶ್ ಭಟ್, ಮೊ.: ೯೪೪೮೩೩೧೭೭೯, ಶ್ರೀ ವೇ| ಗುರುನಾಥ ಭಟ್, ಮೊ.: ೯೪೪೮೩೧೭೭೭೯, ಶ್ರೀ ರಾಘವೇಂದ್ರ ನಾಗೇಶ್ ಶೇಟ್, ಮೊ.: ೯೪೪೮೬೨೭೮೩೩, ಶ್ರೀ ಸಂತೋಷ್ ಆರ್. ಶೇಟ್, ಮೊ.: ೯೩೫೩೪೦೬೪೫೨, ಶ್ರೀ ಪ್ರವೀಣ ಕೆ. ರಾಯ್ಕರ್ ಮೊ: ೯೪೪೮೨೩೮೬೮೯ ಹಾಂಕಾ ಸಂಪರ್ಕ ಕೊರಯೇತ. ಹೇ ವೇಳ್ಯಾರಿ ಪೂಜ್ಯ ಸ್ವಾಮ್ಯಾಂಕ ಭೆಟ್ಟುನು ತಾಂಗೆಲೆ ಕೃಪಾಶೀರ್ವಾದು ಘೆವ್ಚೆ ಬರಶಿ ಸಾಗರಾಚೆ ಆಲ್ತಾಪೆಲ್ತಾಂತು ಆಸ್ಸುಚೆ ಕೆಳದಿ, ಸಿಗಂದೂರು, ಜೋಗಜಲಪಾತ, ವರದಮೂಲ, ಸಾಗರ ಮಾರಿಕಾಂಬೆ, ಶಿರಸಿ ಮಾರಿಕಾಂಬೆಕ ವರೇನ ಭೆಟ್ಟುನು ಯವಯೇತ.
ಶ್ರೀ ಸಂಸ್ಥಾನ ಕವಳೇ ಗೌಡಪಾದಾಚಾರ್ಯ ಮಠಾಧೀಶ :
ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆ ಪರಾಭವ ನಾಮ ಸಂವತ್ಸರಾಚೆ ಚಾತುರ್ಮಾಸು ಕಂಯಿ ಮ್ಹಣ್ಚೆ ಸ್ಪಷ್ಟ ಮಾಹಿತಿ ಆಮಕಾ ಇತ್ಲೆ ಕಾಳ ರಾಕಲೇರಿಚಿ ಆನ್ನಿಕೆ ಮೇಳ್ನಿ. ತತ್ಸಂಬಂಧ ಆಮ್ಮಿ ಮಠಾಕ ಸಂಪರ್ಕ ಕೆಲಯಾರಿ ವರೇನಕಂಯಿ ಮ್ಹೊಣು ಆನ್ನೀಕೆ ತೀರ್ಮಾನು ಜಾಯ್ನಿ ಮ್ಹಣಚೆ ಮಾಹಿತ ಮೆಳ್ಳಾ. ತ್ಯಾ ಮಾಹಿತ ಆನಿ ಆಮಂತ್ರಣ ಪತ್ರ ಆಮ್ಕಾ ಪ್ರಾಪ್ತ ಜಾಲ್ಲ ಕೂಡ್ಲೆ ಹೇ ವೆಬ್ಸೈಟ್ ಪಾನಾಂತು ತ್ಯಾ ವಿಷಯು ಪ್ರಕಟ ಕರತಾತಿ.