ಕುಂದಾಪುರ್‍ಚೆ ಯು. ಸಂಗೀತಾ ಶೆಣೈಂಕ ಡಾಕ್ಟರ್ ಆಫ್ ಫಿಲಾಸಫಿ (ಪಿ‌.ಎಚ್.ಡಿ.)

ಬೆಂಗಳೂರ್‍ಚೆ ಥರ್ಮೋಫಿಶರ್ ಸೈಂಟಿಫಿಕ್ ಹಾಂಗಾ ವಿಜ್ಞಾನಿ ಜಾವ್ನಾಶ್ಶಿಲೀ ಯು. ಸಂಗೀತಾ ಶೆಣೈ ಕುಂಭಾಶಿ ಹಾನ್ನಿ HOX ಜೀನ್ ಹಾಜ್ಜೆ ಎಪಿಜೆನೆಟಿಕ್ ರಿಪ್ರೋಗ್ರಾಮಿಂಗ್ ಆನಿ ತೊಂಡಾಚೆ ಕ್ಯಾನ್ಸರಾಂತು ತಾಜ್ಜೆ ಕ್ರಿಯಾತ್ಮಕ ಪರಿಣಾಮ (Epigenetic reprogramming of HOX genes and its functional implications in Oral cancer) ಮ್ಹಣ್ಚೆ ವಿಷಯಾಚೇರಿ ಕೆಲೀಲೆ ಸಂಶೋಧನೆಕ ಮಣಿಪಾಲ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ (ಮಾಹೆ) ‘ಡಾಕ್ಟರ್ ಆಫ್ .’ ಫಿಲಾಸಫಿ’ (ಪಿಹೆಚ್.ಡಿ) ಪದವಿ ಘೋಷಣ ಕೆಲ್ಲ್ಯಾ.

ಕರ್ನಾಟಕ ಮಾಧ್ಯಮ ಅಕಾಡೆಮಿಚೆ ಸದಸ್ಯ ಯು.ಎಸ್. ಶೆಣೈ ತಶೀಚಿ ಸಾಧನಾ ಎಸ್. ಶೆಣೈ ದಂಪತಿಲೀಂ ಧೂವ ಜಾವ್ನಾಶ್ಶಿಲೀ ಸಂಗೀತಾ ತಾನ್ನಿ ಮಣಿಪಾಲ ಸ್ಕೂಲ್ ಆಫ್ ಲೈಫ್ ಸೈನ್ಸ್ ಹಾಂಗಾ ಅಧ್ಯಯನ ಕೆಲೀಲೆ ಆಸ್ಸುನು ಸಂಶೋಧನೆಕ ಡಾ| ರಘು ರಾಧಾಕೃಷ್ಣನ್ ತಶೀಚಿ ಡಾ| ಶ್ಯಾಮ ಪ್ರಸಾದ್ ಕೆ. ತಾನ್ನಿ ಮಾರ್ಗದರ್ಶನ ದಿಲ್ಲ್ಯಾ. ಸಂಗೀತಾ ಶೆಣೈಂಕ ಸರಸ್ವತಿ ಪ್ರಭಾ ತರಪೇನಿ ಅಭಿನಂದನ ಪಾವಯತಾ ದೇವು ಬರೆಂ ಕೊರೊಂ ಮ್ಹಣತಾ.