ಭಟ್ಕಳಾಚೆ ನಾಮಾಧಿಕ ಶ್ರೀ ಲಕ್ಷ್ಮೀನಾರಾಯಣ ರಾಮನಾಥ, ಶಾಂತೇರಿ ಕಾಮಾಕ್ಷಿ, ಬೇತಾಳ ದೇವಳಾಂತು ಪ್ರತಿ ವರ್ಷ ಮ್ಹಣಕೆ ಶ್ರೀ ನವರಾತ್ರಿ ಪೂಜಾ ಮಹೋತ್ಸವು ದಿನಾಂಕ. ೧೧-೧೦-೨೦೨೬ ತಾಕೂನು ೨೬-೧೦-೨೦೨೬ ಪರಿಯಂತ ವೆಗವೆಗಳೆ ಧಾರ್ಮಿಕ ತಥಾ ಧಾರ್ಮಿಕ ಕಾರ್ಯಾವಳಿ ಬರಶಿ ಚಲ್ತಾ ಮ್ಹಣ್ಚೆ ಮಾಹಿತಿ ಮೆಳ್ಳಾ.
ಅ.೧೧ಕ ದೇವಮಾಗಣಿ, ಘಟಸ್ಥಾಪನೆ ಬರಶಿ ಅವದೂಂಚೆ ನವರಾತ್ರಿ ಉತ್ಸವು ಆರಂಭ ಜಾತ್ತಾ. ಉಪರಾಂತ ಘಟಪೂಜಾ, ಮಹಾಸಂತರ್ಪಣ, ಸಾಂಜವಾಳಾ ಭಜನ, ಪಾರಾಯಣ ಆನಿ ರಾತ್ತಿಕ ಫುಲ್ಲಾ ಪೂಜಾ ಚಲ್ತಾ. ನವರಾತ್ರಿ ಮಹೋತ್ಸವಾಚೆ ಪ್ರತಿ ದಿವಸು ಸಕ್ಕಾಣಿ ಘಟ ಪೂಜಾ, ಧೋಂಪಾರಾ ಮಹಾಪೂಜಾ, ಮಹಾಸಂತರ್ಪಣ, ಸಾಂಜವಾಳಾ ಭಜನ ಆನಿ ಪಾರಾಯಣ ತಶೀಚಿ ರಾತ್ತಿಕ ಫುಲ್ಲಾ ಪೂಜಾ ಚಲ್ತಾ.
ತ್ಯಾ ನ್ಹಂಹಿಸಿ ವಿಶೇಷ ಕಾರ್ಯಕ್ರಮ ಜಾವ್ನು ಅ.೧೪ಕ ಸಕ್ಕಾಣಿ ಶ್ರೀ ಗಣೋಮು, ಸಾಂಜವಾಳಾ ಶ್ರೀ ಮಹಾಲಕ್ಷ್ಮೀ ವ್ರತ, ಪಾಣ್ಣೆ ಸೇವಾ, ರಾತ್ತಿಕ ದರ್ಶನ ಸೇವಾ ಆಸ್ತಾ. ಅ.೧೯ಕ ಸಾಂಜವಾಳಾ ಶ್ರೀ ದುರ್ಗಾ ನಮಸ್ಕಾರ ಆಸ್ಸ. ಅ.೨೦ಕ ಮಹಾನವಮಿ ದಿವಸು ಶ್ರೀ ನವಚಂಡಿಕಾ ಹವನ, ರಾತ್ತಿಕ ದರ್ಶನಾ ಸೇವಾ ಆಸ್ಸ. ಅ.೨೧- ವಿಜಯದಶಮಿ ತ್ಯಾದಿವಸು ಘಟ ವಿಸಜನ, ಶ್ರೀ ಜಟಕಾಕ ನೈವೇದ್ಯ, ನವಾನ್ನ ಸೇವನ, ರಾತ್ತಿ ಫುಲ್ಲಾ ಪೂಜೊ ಜಾಲ್ಲ ಉಪರಾಂತ ಶ್ರೀ ದೇವಾಕ ಆಯಲೀಲೆ ವಸ್ತ್ರ ಲಿಲಾವ, ದರ್ಶನ ಸೇವಾ, ಕ್ಷೇತ್ರಪಾಲ ಬಲಿದಾನ ಆನಿ ಕೌಲ ಪ್ರಸಾದ ವಾಂಟಪ ಆದಿ ಕಾರ್ಯಕ್ರಮ ಆಸ್ಸ. ಅ.೨೨ಕ ಸಕ್ಕಾಣಿ ಹರಿಜಾಗರ, ಸಾಂಜವಾಳಾ ಶ್ರೀ ರಾಮನಾಮ ಜಪ ಆಸ್ತಾ. ಅ.೨೩ಕ ಸಕ್ಕಾಣಿ ಹರಿಜಾಗರ ಪೂಜಾ, ಸಂಪ್ರೋಕ್ಷಣ, ಹವನ, ಧೋಂಪಾರಾ ನವಚಂಡಿಕಾ ಹವನ ಆಸ್ಸಾ.
ಅ.೨೪ತಾಕೂನು ಅ.೨೬ ಪರಿಯಂತ ಸಕ್ಕಾಣಿ ಹರಿಜಾಗರ ಪೂಜಾ, ಧೋಂಪಾರಾ ನವಚಂಡಿಕಾ ಹವನ, ಮಹಾಸಂತರ್ಪಣ, ಸಾಂಜವಾಳಾ ಫುಲ್ಲಾ ಪೂಜಾ ಆದಿ ಕಾರ್ಯಕ್ರಮ ಚಲ್ತಾ. ಅಖೇರಿ ದಿವಸು ಅ.೨೬ಕ ಸಾಂಜವಾಳಾ ಕುಳಾವಿ ಭಜಕಾಲೊ ೨೭ವೇ ಮಹಾಸಭಾ ಚಲ್ತಾ. ರಾತ್ತಿಕ ಫುಲ್ಲಾ ಪೂಜಾ ಜಾಲ್ಲ ಉಪರಾಂತ ಶ್ರೀ ದೇವಾಕ ಆಯಲೀಲೆ ವಸ್ತ್ರ ಹರಾಜ, ದರ್ಶನ ಸೇವಾ, ಗಣಶಾಂತಿ, ಕೌಲ ಪ್ರಸಾದ ವಾಂಟಪ ಆದಿ ಕಾರ್ಯಕ್ರಮ ಚಲ್ತಾ.
ವಂದೂಚೆ ನವರಾತ್ರೋತ್ಸವಾಚೆ ಹೇ ಸರ್ವ ಕಾರ್ಯಕ್ರಮಾಂತು ಭಜಕ ಕುಳಾವಿ ಲೋಕಾನಿ ಯವ್ನು ತನು-ಮನ-ಧನ ಪೂರ್ವಕ ವಾಂಟೊ ಘೇವ್ನು ಶ್ರೀ ದೇವತಾನುಗ್ರಹಾಕ ಪಾತ್ರ ಜಾವ್ಕಾ ಮ್ಹೊಣು ವಿನಂತಿ ಆಸ್ಸಾ.