ತರ್ನಾಟ್ಯಾಂಕ ಆತ್ಮವಿಶ್ವಾಸ ವಾಡೊವನು, ಆನಿ ಸರ್ವ ಆಸಕ್ತ ಆಶಿಲ್ಯಾಂಕ ಮುಕ್ತ ಜಾವನು ಆಸುಚೆ ಏಕ, ನವೀನ ಜಾಲೆಲೆ ತರಬೇತಿ ವಿಶ್ವ ಕೊಂಕಣಿ ಕೇಂದ್ರಾಚೆ ಸಿ.ಎ. ಪವರ್ 25 ತರಬೇತಿ ಶಿಬಿರ ಜಾವನು ಆಸಾ. ೨೦ ದಿವಸಾಚೆ ಸನಿವಾಸ, ಮುಫತ ತರಬೇತಿ ಶಿಬಿರಾಚೆ ಸಮಾರೋಪ ಸುವಾಳೊ 06-11-2026 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾಂತ ಚಲ್ಲೆ.
ವಿಶ್ವ ಕೊಂಕಣಿ ಸ್ಥಾಪಕ ದೇವಾಧೀನ. ಬಸ್ತಿ ವಾಮನ್ ಶೆಣೈ ಹಾಂಗೆಲೆ ಜಲ್ಮ ದಿವಸಾಚೆ ಸ್ಮರಣ್ ಕರನು ತಾಂಗೆಲೆ ಪುತ್ಠಳಿಕ ಫುಲ್ಲಾ ಮ್ಹಾಳಾ ಘಾಲನು ವಂದನ ಕರತಚೀ ಕಾರ್ಯಾವಳಿ ಶುರು ಜಾಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ.ಎ. ನಂದಗೋಪಾಲ ಶೆಣೈ ಹಾನ್ನಿ ಶಿಬಿರಾರ್ಥಿಂಕ ಉದ್ದೇಶಿಸುನು “ಎದೊಳ್ ಮೆರೆನ ಸಿ.ಎ. ಇಂಟರ್ 8 ಸೀಸನ್ ಯಶ ಪಾವನು ಬರೆಂ ಫಲಿತಾಂಶ ದಿಲ್ಲಾಂ. ಛಾತ್ರಾಂನಿ ಜೀವನಾಂತ ಬರೆಂ ಜಾವನು ಹಠ -ಸಾಧನ ಕರನು ವಾಂವಟ ಕಾಣು ತಾಂಗೆಲೆ ಶಿಕವಣೆಚೆ ಸಾಮರ್ಥ್ಯ ವಾಡೊವನ ಘೆತಲ್ಯಾರಿ ಮಾತ್ರ ಮುಖಾವಯಲೆ ಹಂತಾಕ ಪಾವಚಾಕ ಸಾಧ್ಯ ಅಸಾ. ತಶೀಂಚಿ ಛಾತ್ರಾಂನಿ, ಸಿ ಎ ಇಂಟರ್ ಪರೀಕ್ಷಾ ಪಾಸ್ ಜಾವನ್ ಸಿ ಎ ಅಂತಿಮ ಪರೀಕ್ಷಾ ಹಂತಾಕ ಪಾವಚೆ ತಶಿಂ ಜಾವೊ ಮ್ಹೊಣು ಶಿಬಿರಾರ್ಥಿಂಕ ಶುಭ ಸಾಂಗಲೆಂ.
ತ್ರಿಶಾ ಗ್ರೂಪ್ ಆಫ್ ಇನ್ಸ್ಟಿಟ್ಯೂಶನ್ ಮುಖೇಲ ಸಿ ಎ ಗೋಪಾಲಕೃಷ್ಣ ಭಟ್ ಹಾನ್ನಿ ಸಿ.ಎ. ಇಂಟರ್ ಪರೀಕ್ಷಾ ಎದುರಿಸುಚಾಕ ಪರೀಕ್ಷಾರ್ಥಿಂಕ ಅವಶ್ಯಕ ಜಾಲೆಲೆ ಮನೋಸಾಮರ್ಥ್ಯ ಬದ್ದಲ ವಿವರಣ ದಿತ್ತಚೀ ಸ್ಪೂರ್ತಿದಾಯಕ ಉತ್ರಂ ಸಾಂಗಲೆಂ.
ಹ್ಯಾ ತರಬೇತಿಕ ಭಾಯಲೆ ಗಾಂವಾ ತಾಕುನ ಆಯಿಲೆ ಮಸ್ತ ಅನುಭವ ಆಸುಚೆ ಉಪನ್ಯಾಸಕ ತರಬೇತ ದಿವಚಾಕ ಆಶಿಲಿಂಚಿ. ತಾಂತು ಉಪನ್ಯಾಸಕಿ ಜಾಲೆಲೆ ಸಿ ಎ ಸುಭದ್ರಾ ಐತಾಳ ಹಾನ್ನಿ ವಿದ್ಯಾರ್ಥಿಂಕ ಉದ್ದೇಶಿಸುನು, ಅಸಲೆ ಏಕ ಉಪಯುಕ್ತ ಜಾವನು, ಸರ್ವ ಸುಸಜ್ಜಿತ ಜಾಲೆಲೆ ಸೌಕರ್ಯ ಆಸುನ್, ಮಾರ್ಗದರ್ಶನ ದಿವಚೆ ಶಿಬಿರ ಮಾಂಡುನ ಹಾಳೆಲೆ, ವಿಶ್ವ ಕೊಂಕಣಿ ಕೇಂದ್ರಾಕ ಶ್ಲಾಘನ ಕರತಚೀ, ಹಾಜೆ ಬರೆಂ ಜಾವನು ಉಪಯೋಗ ಘೆವನು ಸರ್ವ ಛಾತ್ರಾಂನ್ ಆಪಣಾವನ ಘೆವನು ಜೀವನಾಂತ ಶಿಸ್ತುಬದ್ದ ಜಾವನು ಆಸುಕಾ ಮ್ಹೊಣು ಶುಭ ಸಾಂಗಲೆಂ.
ಹ್ಯಾ ಸಂಧರ್ಭಾರ ತ್ರಿಶಾ ಸಂಸ್ಥೆಚೆ ಪ್ರೊ. ಗೌರಿ ಕಾಮತ, ಬಸ್ತಿಮಾಧವ ಶೆಣೈ ಕುಟುಂಬ ಕಾರ್ಯವಳೀಂತ ಹಾಜರ ಆಶಿಲಿಂಚಿ. ಹೆಂ ಮುಫತ ಸನಿವಾಸೀ ತರಬೇತ ಶಿಬಿರ, ಪರೀಕ್ಷಾರ್ಥಿಂಕ ನವೀನ ಮಾದರಿಂತ ಸಂಪೂರ್ಣ ಪುನರಾವರ್ತನ ದೀವನು ಅಂತಿಮ ಮಟ್ಟಾಕ ತಯಾರ ಕರಚೆ ಉದ್ದೇಶ ದವರಲಾಂ. ಸಿ.ಎ. ಉಲ್ಲಾಸ್ ಕಾಮತ್ ಹಾಂಗೆಲೆ ಯು.ಕೆ. ಆಂಡ್ ಕೊ ಆನಿ ತ್ರಿಶಾ ಕ್ಲಾಸಸ್ ಸಂಸ್ಥೊ ವಿಶ್ವ ಕೊಂಕಣಿ ಕೇಂದ್ರ ಸಾಂಗಾತಾಕ ಹೆಂ ತರಬೇತಿ ಯೋಜನೆಕ ಹಾತ ಮೆಳೊವನು ಆಸಾತಿ.
ದ.ಕ, ಉಡುಪಿ, ಬೆಂಗಳೂರು, ಮುಂಬಯಿ, ಆನಿ ಕೇರಳ ದೂರ ದೂರಚೆ ಗಾಂವಾ ತಾಕುನ ಆಯಿಲೆ ಶಿಬಿರಾರ್ಥಿ್ಂನಿ ಉಮೇದೇರಿ ಆನಿ ಆತ್ಮವಿಶ್ವಾಸಾನ ಶಿಬಿರಾಂತ ತಾನ್ನಿ ಘೆತ್ತಿಲೆ ಅನುಭವ ವಾಂಟುನ ಘೆತಲೆಂ. ಶಿಬಿರಾರ್ಥಿ ಸಮೀಕ್ಷಾ ನ ಸತ್ರ ಸಂಚಲನ ಕರನು, ದೇವು ಬರೆಂ ಕೊರೊ ಸಾಂಗಲೆಂ.

