ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನಿ, ಅಕಾಡೆಮಿ ಸಭಾಂಗಣಾಂತು ನವೆಂಬರ್ ೦೭, ೨೦೨೬ ಕ ‘ಕಾವ್ಯಾಂ ವ್ಹಾಳೊ-೨೦’ ಕವಿಗೋಷ್ಟಿ ಚಲ್ಲೆ, ಅಕಾಡೆಮಿ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಕಾರ್ಯಕ್ರಮಾಚೆ ಅಧ್ಯಕ್ಷ ಪಣ ಘೇವ್ನು, ಪ್ರಾಸ್ತಾವಿಕ ಉತ್ರ ಉಲೋನು, ಸಕಟ್ಯಾಂಕ ಯೆವಕಾರ ಕೆಲ್ಲಿ. ಮುಖೇಳ ಸೊಯರೆ ಜಾವನು ಕೊಂಕಣಿಚೆ ಮ್ಹಾಲಗಡೊ ನಟ, ನಿರ್ದೇಶಕ ತಶೀಚಿ ಕವಿ ಶ್ರೀ ಡೆನಿಸ್ ಮೊಂತೇರೊ ಆಯಲೀಲೆ. ತಾನ್ನಿ ಅಸ್ಸಾಲೆ ಕವಿಗೋಷ್ಟಿ ಕವಿಂಕ ಪ್ರೇರಣದಾಯಕ ಮ್ಹೊಣು ಸಾಂಗ್ಲೆ.
ಹೇ ವೇಳ್ಯಾರಿ ಕೊಂಕಣಿ ಅಕಾಡೆಮಿಚೆ ಸನ್ಮಾನ ಕೊಂಕಣಿ ಕುಡುಂಬಿ ಸಮುದಾಯಾಚೆ ಲೋಕವೇದ ಕಲಾವಿದ ಶ್ರೀ ರಾಮ ನಾಯ್ಕ ತಾಂಕಾ ಕೊರನು ಗೌರವ ಕೆಲ್ಲಿ. ಪ್ರಖ್ಯಾತ ಕವಯಿತ್ರಿ ಡಾ. ಫ್ಲಾವಿಯಾ ಕ್ಯಾಸ್ತೆಲಿನೊ ತಾನ್ನಿ ಕವಿಗೋಷ್ಟಿ ಚಲೋನು ದಿಲ್ಲಿ. ರೆನಿಶಾ ರೋನಾ ಲೋಬೊ, ಡಾ.ಅರವಿಂದ ಶ್ಯಾನಭಾಗ್, ಆಶ್ನಾ ಲೆನಾ ಪಿರೇರಾ, ಫ್ಲಾವಿಯಾ ಅಲ್ಬುಕರ್ಕ್, ಆಂತೊನ್ ಲುವಿಸ್ ಮಣಿಪಾಲ್, ಪೂರ್ಣಿಮಾ ಸುರೇಶ್ ನಾಯಕ್, ಲೋಯ್ಡ್ ರೇಗೊ ತಾಕೊಡೆ, ವಾಣಿ ಪರ್ಕಳ, ಮಾರ್ಟಿನ್ ಆರ್. ಡಿಸೋಜಾ ಆನಿ ರೋಬರ್ಟ್ ಮಿನೇಜಸ್ ಕಣಜಾರ್ ತಾನ್ನಿ ಸಕಟ್ಯಾನಿ ತಾಂಗತಾಂಗೆಲೆ ಕವಿತಾ ವಾಚನ ಕೆಲ್ಲಿ. ಅಕಾಡೆಮಿ ಸದಸ್ಯ ಜಾಲೀಲೆ ಶ್ರೀ ಸಮರ್ಥ್ ಭಟ್ ತಾನ್ನಿ ಕಾರ್ಯಕ್ರಮ ನಿರೂಪಣ ಕೊರನು, ಅಖೇರಿಕ ಆಬಾರ ಮಾನ್ಲೆ. ಕವಿಗೋಷ್ಟಿಂತು ಅಕಾಡೆಮಿ ಸದಸ್ಯ ಜಾಲೀಲೆ ಸುನೀಲ್ ಸಿದ್ದಿ ತಶೀಚಿ ರೊನಾಲ್ಡ್ ಕ್ರಾಸ್ತಾ ಉಪಸ್ಥಿತ ವ್ಹರಲೀಲೆ.