ಪಟಕಳ ಆನಿ ಮ್ಹೊಗಾರೆಂ ಫುಲ್ಲಾನಿ ಶ್ರೀ ಕಾಪು ಹಳೆ ಮಾರಿಯಮ್ಮಾಕ ಲಕ್ಷ ಪುಷ್ಪಾರ್ಚನಾ

Youtube Shorts Link :
https://youtube.com/shorts/PeXaJG0iAB0?si=UWqjw20luii6Blzz

ಮ್ಹೊಗರೆ ಫುಲ್ಲಾಚೆ ಮ್ಹೋಗು ಆಸ್ಸುಚೆಕಾಪು ಗಾಂವ್ಚೆ ಮಹಾಮಾತಾ ಮ್ಹೊಣು ನಾಮಾಧಿಕ ಜಾಲೇಲಿ ಕಾಪು ಶ್ರೀ ಹಳೇ ಮಾರಿಯಮ್ಮ ದೇವಿಲೆ ಸನ್ನಿಧಾನಾಂತು ಪರಾಭವ ನಾಂವ ಸಂವತ್ಸರಾಚೆ ಪವಿತ್ರ ಅಧಿಕ ಜೇಷ್ಠ ಮಾಸ ಪ್ರಯುಕ್ತ ಮೇ ೨೬ಕ ಲೋಕ ಕಲ್ಯಾಣಾರ್ಥ ಜಾವ್ನು ತಿಕ್ಕಾ ೩೫ ಕೆಜಿ ತಾಂಬ್ಡೆ ಪಟಕಳ ಫೂಲ(ಕೆಂಪು ಕೇಪುಳ ಹೂವು), ೧,೨೦೦ ಪಶಿ ಚ್ಹಡ ಚಾಂಡೊ ಮ್ಹೊಗಾರೆ ಫುಲ್ಲಾಚೆ ಸಮರ್ಪಣಾಚೆ ವಿಶೇಷ ಲಕ್ಷ ಪುಷ್ಪಾರ್ಚನಾ ಸಮರ್ಪಣ ಮೇ.೨೬ಕ ವಿಜೃಂಭಣೆರಿ ಚಲ್ಲೆ.

ಪ್ರಧಾನ ಅರ್ಚಕ ವೇ| ಮೂ| ಕಮಲಾಕ್ಷ ಭಟ್ ಆನಿ ಅರ್ಚಕ ವೇ| ಮೂ| ಶ್ರೀನಿವಾಸ ಭಟ್ ಮಾಮ್ಮಾಲೆ ನೇತೃತ್ವಾರಿ ಭಕ್ತಾಧಿ ತಾಕೂನು ಸಮರ್ಪಿತ ಜಾಲೀಲೆ ತಾಂಬಡೆ ಪಟಕಳೆ ಫೂಲ (ಕೆಂಪು ಕೇಪುಳ ಹೂವು) ಆನಿ ಮ್ಹೊಗಾರೆಂ ಫುಲ್ಲಾಚೆ ಅರ್ಚಚಾ ಚಲೋನು ಏಕ ಹಜಾರಾ ಪಶಿ ಚ್ಹಡ ಚಾಂಡೊ ಮ್ಹೊಗಾರೆ ಪುಲ್ಲಾನಿ ಶ್ರೀ ಮಾರಿಯಮ್ಮಾಕ ಅಲಂಕಾರ ಕೆಲ್ಲೆ. ತ್ಯಾ ಪಳಯಿಲ್ಯಾಂಕ ಮ್ಹೊಗಾರೆ ಫುಲ್ಲಾನಿ ಶ್ರೀ ಮಾರಿಯಮ್ಮಾನಿ ನೆಸ್ಸಣಿ ನೆಶ್ಶಿಲೆ ವರಿ ಅನುಭೂತಿ ಜಾತ್ತಾಲೆ. ಹಜಾರೋ ಬಽರಿ ಭಕ್ತಾನಿ ಹೇ ಧಾರ್ಮಿಕ ಕಾರ್ಯಕ್ರಮಾಂತು ವಾಂಟೊ ಘೇವ್ನು ಪುನೀತ ಜಾಲ್ಲೆ. ಧೋಂಪಾರಾ ದೋನಿ ಹಜಾರಾ ಪಶಿ ಚ್ಹಡ ಭಕ್ತ ಬಾಂದವ ಅನ್ನಪ್ರಸಾದ ಸ್ವೀಕಾರ ಕೆಲ್ಲೆ. ಹೇ ವೇಳ್ಯಾರಿ ಶ್ರೀ ಹಳೇ ಮಾರಿಯಮ್ಮ ದೇವಿಕ ೪೦೦ ಪಶಿ ಚ್ಹಡ ಲೋಕಾನಿ ಲಕ್ಷ ಪುಷ್ಪಾರ್ಚನ ಸೇವಾಸಮರ್ಪಣ ಕೊರನು ದೇವಿ ಕೃಪೆಕ ಪಾತ್ರ ಜಾಲ್ಲೆ.

ಹೇ ವೇಳ್ಯಾರಿ ಶ್ರೀ ವೆಂಕಟರಮಣ ದೇವಳ ಆನಿ ಶ್ರೀ ಹಳೇ ಮಾರಿಯಮ್ಮ ದೇವಳಾಚೆ ಆಡಳಿತ ಮೊಕ್ತಸರ ಪ್ರಸಾದ್ ಜಿ. ಶೆಣೈ, ಮೊಕ್ತೇಸರ ಜಾಲೀಲೆ ರಾಜೇಶ್ ಶೆಣೈ, ರಾಮ್ ನಾಯಕ್, ಸದಾಶಿವ ಕಾಮತ್, ಶ್ರೀಕಾಂತ್ ಭಟ್, ಕಮಿಟಿ ಸದಸ್ಯ ಚಂದ್ರಕಾಂತ್ ಕಾಮತ್, ಕೃಷ್ಣಾನಂದ ನಾಯಕ್, ಮೋಹನದಾಸ್ ಕಿಣಿ, ರಾಜೇಶ್ ಶೆಣೈ ಮಜೂರು, ಮಾಜಿ ಆಡಳಿತ ಮೊಕ್ತಸರ ಶ್ರೀಧರ ಶೆಣೈ, ಮಾಜಿ ಮೊಕ್ತಸರ ರಮೇಶ್ ಪೈ, ಕಾಪು ಶಹರಾಚೆ ಧಾ ಸಮಸ್ತ, ಸಮಾಜ ಬಾಂದವ ಆನಿ ಭಕ್ತಬಾಂದವ ಜಮೂನು ಶ್ರೀ ಮಾರಿಯಮ್ಮ ದೇವಿಲೀಂ ಕೃಪೆಕ ಪಾತ್ರ ಜಾಲ್ಲೆ.