ಶ್ರೀ ಕವಳೇ ಮಠಾಧೀಶಾಂಗೆಲೆ ಚಾತುರ್ಮಾಸು ಮುಂಬೈಚೆ ವಾಲ್ಕೇಶ್ವರಾಂತು

Flip Book Link : https://online.flippingbook.com/view/922626465/

ಗೌಡ ಸಾರಸ್ವತ ಬ್ರಾಹ್ಮಣಾಲೆ ಪುರಾತನ ಮಠ ಜಾಲೀಲೆ ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಕೈವಲ್ಯ ಮಠಾಚೇ ೭೭ವೇ ಮಠಾಧೀಶ ಶ್ರೀಮತ್ ಶಿವಾನಂದ ಸರಸ್ವತೀ ಸ್ವಾಮೀಜೀ ಹಾಂಗೆಲೆ ಪರಾಭವ ಸಂವತ್ಸರಾಚೆ ಚಾತುರ್ಮಾಸು ಮುಂಬೈಚೆ ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ವಾಲ್ಕೇಶ್ವರ ಶಾಖಾ ಮಠಾಂತು ಹೇಂಚಿ ಜುಲಾಯಿ ೨೯ ತಾಕೂನು ಸಪ್ಟೆಂಬರ್ ೨೬ ಪರಿಯಂತ ಚಲ್ತಾ. ಸಕಡ್ಯಾಂಕ ಗೊತ್ತಾಶ್ಶಿಲ ವರಿ ಹೇ ಮಠಾಚೆ ಸ್ಥಾಪನ ಮಹಾಮಹಿಮ ಶ್ರೀ ಗೌಡಪಾದಾಚಾರ್ಯ ನಿಮಿತ್ತ್ಯಾನಿ ಕ್ರಿ.ಶ. ೭೪೦ ಸುಮಾರಾಕ ಜಾಲ್ಲೆ ಮ್ಹೊಣು ಸಮಜಿತಾತಿ.
ಶ್ರೀ ಕೈವಲ್ಯ ವಾಲ್ಕೇಶ್ವರ ಶಾಖಾಮಠ, ವಾಲ್ಕೇಶ್ವರ ಹೇಂ ಆಮಚ್ಯಾ ಗಿರೇಸ್ತ ಆನೀ ಪುರ್ವಿಲ್ಲ್ಯಾ ದಾಯಜಾಚೇಂ ಪ್ರತೀಕ ಆಶಿಲ್ಲೇಂ ಏಕ ಪೂಜ್ಯ ಆಧ್ಯಾತ್ಮಿಕ ಕೇಂದ್ರ. ಮುಳಾಂತ ಇ.ಸ.೧೬೩೦ ಚ್ಯಾ ಸುಮಾರಾಕ ಸ್ಥಾಪನ ಜಾಲ್ಲ್ಯಾ ೧೯೬೩ ವರ್ಸಾಂತು ಮಠಾಚೆ ೭೬ ವ್ಯಾ ಪೀಠಾಧಿಪತಿ ಶ್ರೀಮತ ಸಚ್ಚಿದಾನಂದ ಸರಸ್ವತೀ ಸ್ವಾಮೀಜೀ ಹಾಣೇಂ ಪುನರ್ಬಾಂದಣೀ ಕೇಲೀ. ಪೂಜ್ಯ ಬ್ರಹ್ಮಭೂತ ಸ್ವಾಮೀಜೀನ ಹಾಂಗಾ ೧೯೯೭ ವರ್ಸಾ ಚಾತುರ್ಮಾಸ ವ್ರತ ಕೇಲೇಂ, ಆನೀ ಶ್ರೀಮತ ಶಿವಾನಂದ ಸರಸ್ವತೀ ಸ್ವಾಮೀಜೀನಯ ೨೦೧೦, ೨೦೧೨, ೨೦೨೧, ಆನೀ ೨೦೨೫ ವರ್ಸಾಂ ಹ್ಯಾ ಪವಿತ್ರ ಮಠಾಂತ ಹೇಂ ಪವಿತ್ರ ಚಾತುರ್ಮಾಸ ವ್ರತ ಕೆಲೀಲೆ ಆಮ್ಮಿ ಯಾದ ಕೊರನು ಘೆವಯೇತ.

ಶ್ರೀ ಸಂಸ್ಥಾನಾಚೆ ಆರಾಧ್ಯ ದೇವ ಶ್ರೀ ಭವಾನೀ ಶಂಕರ, ಶ್ರೀ ಕಾಲಿಕಾ ದೇವೀ, ಶ್ರೀ ಮುರಲೀಧರ ಕೃಷ್ಣ ಆನೀ ಪ.ಪೂ.ಸ್ವಾಮೀಜೀಚ್ಯಾ ದೈವೀ ಆಶೀರ್ವಾದಾನ ಹೇ ಮಠ ಪರಿಸರ ಕೆದನಾಂಯಿ ಪರಮ ಪವಿತ್ರ ಜಾವ್ನು ಆಸತಾ. ಮಾತ್ರ ನ್ಹಂಹಿ ಹಾಂಗಾ ಶ್ರೀ ಮಠಾಚೆ ೬೪ವ್ಯಾ ಯತಿವರ್ಯ ಶ್ರೀಮದ್ ಅತ್ಮಾನಂದ ಸರಸ್ವತೀ ತಶೀಚಿ ೬೮ವ್ಯಾ ಯತಿವರ್ಯ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೊ ಬ್ರಹ್ಮಭೂತ ಸಮಾಧೀಂಚೋಯ ಕೃಪಾ ದರ್ಶನ ವರೇನ ಕೊರಯೇತ. ಪ್ರತಿ ದಿವಸು ಶ್ರೀ ಕಾಲಿಕಾ ದೇವೀ ಆನೀ ಶ್ರೀ ಮುರಲೀಧರ ಕೃಷ್ಣ ಹ್ಯಾ ದೇವಾಂಕ ವ್ಹಡ ಆದರಪೂರ್ವಕ ಪೂಜಾ(ಉಪಾಸನ) ಕರತಾತ.
ಹಾಂಗಾ ದರ ಸನಾತನ ಧರ್ಮ ಆನಿ ವೈದಿಕ ಸಂಸ್ಕೃತಿಚೆ ಶ್ರೀಮಂತ ಸಂಪ್ರದಾಯ ಪ್ರಮಾಣೆ ಗಣೇಶ ಉತ್ಸವ, ನವರಾತ್ರಿ ಉತ್ಸವ, ಪಂಚಮಿ ಆನಿ ಅಷ್ಟಮಿ ವ್ರತ ಭಕ್ತೀ, ಭವ್ಯತಾಯ ಆನೀ ಆಧ್ಯಾತ್ಮಿಕ ಉಮೇದೀನ ಆಚರಣ ಕೊರನು ಘೇವ್ನು ಯೆತ್ತಾತಿ. ಅಸ್ಸಾಲೆ ಭಕ್ತಿ, ಪವಿತ್ರತಾ, ದೇವ, ಋಷಿ‌ಅನುಗ್ರಹ ಆಸ್ಸುಚೆ ಭವ್ಯ ದಿವ್ಯ ಪರಿಸರಾಂತು ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ ೩೨ವ್ಯಾ ಚಾತುರ್ಮಾಸ ಘಡ್ತಾ. ಹೇ ವೇಳ್ಯಾರಿ ಅಸಂಖ್ಯ ಧಾರ್ಮೀಕ ಅನುಷ್ಠಾನ, ಪುಜಾ, ಪ್ರವಚನ, ಆಧ್ಯಾತ್ಮಿಕ ಕಾರ್ಯಾವಳೀ ಘಡೋವನ ಹಾಡತಲೇ.

ಗುರುಪೂರ್ಣಿಮೆ ದಿವಸು ಜುಲೈ ೨೯ಕ ಪೂಜ್ಯ ಸ್ವಾಮೆಂ ವ್ಯಾಸ ಪೂಜೆ ಪೂರ್ವಕ ಅವಂದೂಚೆ ಚಾತುರ್ಮಾಸ ವ್ರತ ಸ್ವೀಕಾರ ಕರತಾತಿ. ಚಾತುರ್ಮಾಸ ವೇಳ್ಯಾರಿ ಶ್ರಾವಣಾಂತು ದರ ಶ್ರಾವಣ ಸೋಮಾರಾ ದಿವಸು ಲಘುರುದ್ರ ಸ್ವಾಹಾಕಾರ, ಪ್ರದೂಷ ಪೂಜಾ ಆಸತಾ. ಅಗಸ್ಟ್ ೨೨ಕ ಮಹಾರುದ್ರ ಅನುಷ್ಟಾನ ಆರಂಭ ಜಾತ್ತಾ. ಪೂಜ್ಯ ಸ್ವಾಮ್ಯಾಂಗೆಲೆ ಚಾತುರ್ಮಾಸಾಚೆ ವೇಳ್ಯಾರಿ ವಿಜೃಂಭಣೆಚೆ ಗಣೇಶೋತ್ಸವು ವರೇನ ಚಲ್ತಾ.
ಹ್ಯಾ ಶುಭ ಉತ್ಸವಾಂತ ವಾಂಟೋ ಘೇವಪಾಕ, ಗುರೂ ಸೇವಾ ಅರ್ಪಣ ಕರಪಾಕ, ಪ.ಪೂ.ಸ್ವಾಮೀ ಮಹಾರಾಜಾಚೋ ದಿವ್ಯ ಆಶೀರ್ವಾದ ಘೇವಪಾಕ ಆನೀ ಶ್ರೀ ಕಾಲಿಕಾ ದೇವೀಚೋ ಆನೀ ಶ್ರೀ ಗುರೂ ಸಮಾಧೀಂಚೋ ಆಶೀರ್ವಾದ ಘೇವಪಾಕ ಸಮಾಜ ಬಾಂದವಾಂಕ ಸದವಕಾಶ ಆಸ್ಸುನು ಚಡ್ತೆ ಮಾಹಿತಿಕ ಹಾಜ್ಜೊಟ್ಟು ದಿಲೀಲೆ ಸವಿವರ ಆಮಂತ್ರಣ ಪತ್ರ ಪಳೋವೇತ ನಾಂವೆ Walkeshwar Shaka Math office: 9969865473
Mail: Kavalemath@zohomail.in ಸಂಪರ್ಕ ಕೊರಯೇತ.

श्री कवळे मठाधीशांगॆलॆ चातुर्मासु मुंबैचॆ वाल्केश्वरांतु

Flip Book Link :https://online.flippingbook.com/view/922626465/
गौड सारस्वत ब्राह्मणालॆ पुरातन मठ जालीलॆ श्री संस्थान गौडपादाचार्य कैवल्य मठाचे ७७वे मठाधीश श्रीमत् शिवानंद सरस्वती स्वामीजी हांगॆलॆ पराभव संवत्सराचॆ चातुर्मासु मुंबैचॆ श्री संस्थान गौडपादाचार्य वाल्केश्वर शाखा मठांतु हेंचि जुलायि २९ ताकूनु सप्टॆंबर् २६ परियंत चल्ता. सकड्यांक गॊत्ताश्शिल वरि हे मठाचॆ स्थापन महामहिम श्री गौडपादाचार्य निमित्त्यानि क्रि.श. ७४० सुमाराक जाल्लॆ म्हॊणु समजिताति.
श्री कैवल्य वाल्केश्वर शाखामठ, वाल्केश्वर हें आमच्या गिरेस्त आनी पुर्विल्ल्या दायजाचें प्रतीक आशिल्लें एक पूज्य आध्यात्मिक केंद्र. मुळांत इ.स.१६३० च्या सुमाराक स्थापन जाल्ल्या १९६३ वर्सांतु मठाचॆ ७६ व्या पीठाधिपति श्रीमत सच्चिदानंद सरस्वती स्वामीजी हाणें पुनर्बांदणी केली. पूज्य ब्रह्मभूत स्वामीजीन हांगा १९९७ वर्सा चातुर्मास व्रत केलें, आनी श्रीमत शिवानंद सरस्वती स्वामीजीनय २०१०, २०१२, २०२१, आनी २०२५ वर्सां ह्या पवित्र मठांत हें पवित्र चातुर्मास व्रत कॆलीलॆ आम्मि याद कॊरनु घॆवयेत.

श्री संस्थानाचॆ आराध्य देव श्री भवानी शंकर, श्री कालिका देवी, श्री मुरलीधर कृष्ण आनी प.पू.स्वामीजीच्या दैवी आशीर्वादान हे मठ परिसर कॆदनांयि परम पवित्र जाव्नु आसता. मात्र न्हंहि हांगा श्री मठाचॆ ६४व्या यतिवर्य श्रीमद् अत्मानंद सरस्वती तशीचि ६८व्या यतिवर्य श्रीमद् शिवानंद सरस्वति स्वाम्यांगॆलॊ ब्रह्मभूत समाधींचोय कृपा दर्शन वरेन कॊरयेत. प्रति दिवसु श्री कालिका देवी आनी श्री मुरलीधर कृष्ण ह्या देवांक व्हड आदरपूर्वक पूजा(उपासन) करतात.
हांगा दर सनातन धर्म आनि वैदिक संस्कृतिचॆ श्रीमंत संप्रदाय प्रमाणॆ गणेश उत्सव, नवरात्रि उत्सव, पंचमि आनि अष्टमि व्रत भक्ती, भव्यताय आनी आध्यात्मिक उमेदीन आचरण कॊरनु घेव्नु यॆत्ताति. अस्सालॆ भक्ति, पवित्रता, देव, ऋषि‌अनुग्रह आस्सुचॆ भव्य दिव्य परिसरांतु श्रीमद् शिवानंद सरस्वति स्वाम्यांगॆलॆ ३२व्या चातुर्मास घड्ता. हे वेळ्यारि असंख्य धार्मीक अनुष्ठान, पुजा, प्रवचन, आध्यात्मिक कार्यावळी घडोवन हाडतले.

गुरुपूर्णिमॆ दिवसु जुलै २९क पूज्य स्वामॆं व्यास पूजॆ पूर्वक अवंदूचॆ चातुर्मास व्रत स्वीकार करताति. चातुर्मास वेळ्यारि श्रावणांतु दर श्रावण सोमारा दिवसु लघुरुद्र स्वाहाकार, प्रदूष पूजा आसता. अगस्ट् २२क महारुद्र अनुष्टान आरंभ जात्ता. पूज्य स्वाम्यांगॆलॆ चातुर्मासाचॆ वेळ्यारि विजृंभणॆचॆ गणेशोत्सवु वरेन चल्ता.
ह्या शुभ उत्सवांत वांटो घेवपाक, गुरू सेवा अर्पण करपाक, प.पू.स्वामी महाराजाचो दिव्य आशीर्वाद घेवपाक आनी श्री कालिका देवीचो आनी श्री गुरू समाधींचो आशीर्वाद घेवपाक समाज बांदवांक सदवकाश आस्सुनु चड्तॆ माहितिक हाज्जॊट्टु दिलीलॆ सविवर आमंत्रण पत्र पळोवेत नांवॆ Walkeshwar Shaka Math office: 9969865473
Mail: Kavalemath@zohomail.in संपर्क कॊरयेत.