ಕೋಲ್ಡ್ ಡ್ರಿಂಕ್ಸ್ ತಾಕೂನು ಆರೋಗ್ಯ ವಯ್ರಿ ಕಿತ್ಲೆಆಘಾತ ಜಾತ್ತಾ ಮ್ಹೊಣು ಮಸ್ತ ಅಧ್ಯಯನಾನಿ ಕೋಳ್ನು ಆಯಲ್ಯಾ. ವೈಶಾಖಾಂತು ಜೀವಾಗ್ನಿ ಮಾತ್ತೆಂತು ಆಸತಾ ಮ್ಹಣತಾತಿ. ತ್ಯಾ ಖಾತ್ತಿರಿ ಪೊಟ್ಟಾ ಭೂಕಿ ಊಣೆ ಆಸ್ತಾ. ಆಮ್ಮಿ ಘೆವಚೆ ಆಹಾರ ಪ್ರಮಾಣ ಮಸ್ತ ಕಮ್ಮಿ. ಅಸ್ಸಲೆ ವೇಳ್ಯಾರಿ ಶರೀರಾಕ ಪೋಷಕಾಂಶ ಆನಿ ಉದ್ಕಾ ಅಂಶ ದೊನ್ನೀಚಿ ಏಕ್ಕಾ ವೇಳೆಂತು ಮೆಳಚಾಕ ಆಮ್ಗೆಲೆ ಮ್ಹಾಲ್ಗಡ್ಯಾನಿ ಕರತಾ ಆಶ್ಶಿಲೆ ಉಪಾಯು ಮ್ಹಳಯಾರಿ ಪಾತ್ತಳ ತಾಕ ಪಿವಚೆ, ಪಾನಕ, ತೀಳಾ ಉದ್ದಾಕ, ಮೂಗಾ ಉದ್ದಾಕ ಇತ್ಯಾದಿ ಕೊರನು ಪಿವಚೆ ಆಶ್ಶಿಲೆ. ತಾಂತೂಚಿ ತಾಕ್ಕಾಂತು ಬರಪೂರ ಪೋಷಕಾಂಶ, ಆರೋಗ್ಯ ರಾಕವಣಾಕ ಜಾಯಿ ಜಾಲೀಲೆ ಅಂಶ ಸಹಿತ ಆಸ್ಸ.
ದುದ್ದಾ ಬರಶಿ ತುಲನ ಕೆಲಯಾರಿ ತಾಕ್ಕಾಂತು ಶಕ್ತಿ ಅರ್ಧಾ ಪಶಿ ಊಣೆ ಆನಿ ಚರಬೀ ಕಾಲಂಶ ಮಾತ್ರ ಆಸ್ತಾ. ಆನಿ ತಾಕ ಬೆಗ್ಗಿ ಜೀರ್ಣ ಸಹಿತ ಜಾತ್ತಾ. ತಾಕ ಬೆಗ್ಗಿ ಜೀರ್ಣ ಜಾವಚೆ ಬರಶಿ ಆಮ್ಮಿ ಖಾಲ್ಲಿಲೆ ಇತರ ಆಹಾರ ವಸ್ತು ಸಹಿತ ಬೆಗ್ಗಿ ಜೀರಚಾಕ ಮದತ್ ಕರತಾ. ತ್ಯಾ ಕಾರಣಾನಿ ಆಸ್ಸುಕ ಪುರೊ ಆಮ್ಗೆಲೆ ಮ್ಹಾಲ್ಗಡ್ಯಾನಿ ಜವಣಾಚೆ ಅಖೆರಿಕ ತಾಕ ಪಿವಚೆ ಸಂಪ್ರದಾಯ ದವರೂನು ಘೆತ್ತಿಲೆ. ಆನಿ ವಾತ್ತಾಂತು ಘರ್ಕಡೆ ಕೋಣ್ತರಿ ಆಯಲ್ಯಾರಿ ತಾಂಕಾ ತಾಕ ದೀವ್ನು ಉಪಚಾರ ಕರ್ತಾಶ್ಶಿಲೆ.
ತಾಕ್ಕಾಂತು ಲ್ಯಾಕ್ಟಿಕ್ ಆಸಿಡ್ ಅಂಶ ಚ್ಹಡ ಆಸ್ತಾ. ಹೇ ಆಮ್ಗೆಲೆ ಶರೀರಾಕ ಚಾಂಗ. ತಾಕ್ಕಾಂತು ಕ್ಯಾಲ್ಸಿಯಂ ಸಹಿತ ಆಶ್ಚಾ ವೊಚ್ಚುನು ಶರೀರಾಕ ತ್ರಾಣ ಮೆಳಚ ವರಿ ಕರತಾ. ಅಜೀರ್ಣಾನಿ ಪೊಟ್ಟಾಧೂಕಿ, ಉತ್ಕಡೆ, ವೊಂಕಾರೇ ಯವಚೆ ವರಿ ಜಾಲಯಾರಿ ತಾಕ್ಕಾಕ ಥೊಡೆ ಹೀಂಗು ಘಾಲ್ನು ಪಿಲಯಾರಿ ಪರಿಹಾರು ಮೆಳತಾ.
ಬಿ೧೨ ತಾಕ್ಕಾಂತು ಬರಪೂರ ಆಸ್ಸ. ಖನಿಜಾಂಶ ಅಧಿಕ ಪ್ರಮಾಣಾರಿ ಆಸಚಾ ವೊಚ್ಚುನು ಆನಿ ಬಿ೧೨ ಕಾರಣಾನಿ ಅನೀಮಿಯಾ, ಮಾನಸಿಕ ದಬಾವ, ದೇಹಾಂತು ಆಸ್ಸುಚೆ ಧಾತುಂಚೆ ವಾಡಪಣಾಕ ಮದತ್ ಕರತಾ. ಹೇ ವಿಟಾಮಿನ್ ಆಹಾರ ತಾಕೂನು ಮೆಳೀಲೆ ಗ್ಲೂಕೋಸಾಕ ಬೆಗ್ಗಿ ಜೀರೊನು ಶಕ್ತಿ ಜಾವ್ನು ಪರಿವರ್ತನ ಕರತಾ. ತಾಕ್ಕಾಂತು ಆಸ್ಸುಚೆ ಪೊಟಾಶಿಯಂ ಅಂಶ ತಾಕೂನು ರಕ್ತಾಚೆ ದಬಾವ (ಒತ್ತಡ) ನಿಯಂತ್ರಣಾಂತು ದವರೂನು ಘೆವ್ಯೇತ. ತಾಕ್ಕಾಂತು ಹಾಡ್ಡಾಂಕ ಪುಷ್ಠಿ ದಿವಚೆ ತಸ್ಸಲೆ ಕ್ಯಾಲ್ಸಿಯಂ ಆನಿ ಫಾಸ್ಪರಸ್ ಅಂಶ ಮಸ್ತ ಆಸ್ಸ. ರಕ್ತನಾಳಾಂತು ಚರಬೀ ಭೊರನು ಆಸಲೇರಿ ನಿಯಮಿತ ಜಾವ್ನು ತಾಕ ಪಿವಚೆ ತಾಕೂನು ತ್ಯಾ ಕಾಣು ಘಾಲ್ಯೇತ. ಮಸ್ತ (ಪೋಟ ಭರ್ತಿ) ಜವ್ವಿಲ ತೆದ್ದನಾ ನಂತರ ಏಕ ಲೋಟೊ ತಾಕ ಪಿಲ್ಯಾರಿ ಆಹಾರ ಬೆಗ್ಗಿ ಜೀರ್ನು ಆರಾಮ ಜಾತ್ತಾ. ಮಸ್ತ ಜೆವ್ವಿಲ ತೆದ್ದನಾ ದಮ್ಮು(ಉಬ್ಬಸಿ) ಯವ್ಚೆ ಸಹಿತ ತಾಕ ಪಿವಚೆ ನಿಮಿತ್ಯ ಊಣೆ ಜಾತ್ತಾ.
ತಾಕ ಆಮ್ಗೆಲೆ ಶರೀರಾಚೆ ಹೂನ್ಸಣಿ ಭಾಯರ ಘಾಲ್ನು ಶರೀರ ಥಂಡ ಜಾವ್ನು ಆಸ್ಸುಚೆ ತಶ್ಶಿ ಕರತಾ. ತ್ಯಾ ಕಾರಣಾನಚಿ ಮಸ್ತ ಶೈತ್ಯ ಜಾಲೀಲ ತೆದ್ದನಾ ತಾಕ ಪೀವ್ನಕ್ಕಾತಿ ಮ್ಹೊಣು ಸಾಂಗತಾತಿ. ಆಮಶೆ ನಾತ್ತಿಲೆ ತಾಜಾ ತಾಕ್ಕಾಕ ಥೊಡೆ ಉದ್ದಾಕ ಮೆಳೋನು ಪಿಲಯಾರಿ ಅಸಿಡಿಟಿ ಸಹಿತ ಗೂಣ ಜಾತ್ತಾ.
ಆಯುರ್ವೇದಾಂತು ತಾಕ್ಕಾಕ ವ್ಹಡ ಮರ್ಯಾದ ದಿಲ್ಲ್ಯಾ. ವಾಕ್ದಾ ರೂಪಾನಿ ವಾಪರಚೆ ತಿತ್ಲೇಚಿ ನ್ಹಂಹಿಸಿ ಕಾಯ್ಲೊ ಯಾನಾ ತಶ್ಶಿ ರಾಕಚಾಕ ಸಹಿತ, ಆಹಾರ ರೂಪಾನಿ ತಾಕ ವಾಪರತಾತಿ. ಧಂಯೆಕ ಉದ್ದಾಕ ಘಾಲ್ನು ಚಾಂಗ ಜಾವ್ನು ಗಾಂಟಿಲಿ ತೆದ್ದನಾ ಘರ್ಷಣೆನ ಶಾಖ ಉತ್ಪತ್ತಿ ಜಾವ್ನು ಧಂಯಾ ಭಿತ್ತವೈಲೆ ಚರಬೀ ಆನಿ ಇತರ ಅಂಶ ಪ್ರತ್ಯೇಕ ಕರತಾ. ತ್ಯಾಂಚಿ ಲೋಣಿ. ಲೋಣಿ ಕಾಡಲ ಮಾಗಿರಿ ಉರಚೆಚಿ `ತಾಕ
ಪೊಟ್ಟಾಚೆ, ಅಂತಾಚೆ ತ್ರಾಸಾಕ ತಾಕ ಚಾಂಗ ವಾಕ್ಕದ. ಉತ್ಕಡೆ, ರಕ್ತ ಉತ್ಕಡೆ, ಆನಿ ಅಂತಾಂತು ಘಡಚೆ ಮಸ್ತ ದಬಾವ್ ತಾಕ ಪಿವಚೆ ತಾಕೂನು ಕಮ್ಮಿ ಕೊರನು, ಜಾಯ ತಿತ್ಲೆ ಉದಕಾ ಅಂಶ ಆನಿ ಖನಿಜಾಂಶ ಮೆಳಚೆ ವರಿ ಕರತಾ. ಆಮಶೆ ಢೇಂಕ, ಪೊಟ್ಟಾಚೆ ಝಾಳ, ಹರದೇಚೆ ಝಾಳ ನಾಶಿ ಕರತಾ. ಮೂಲವ್ಯಾಧಿಕ ಸಹಿತ ಚಾಂಗ ಆನಿ ಅಂತಾಂತು ಆಸ್ಸುಚೆ ವಿಷಕಾರಿ ಅಂಶ ಭಾಯರಿ ಘಾಲತಾ. ಸಬಾರ ವಾಕ್ದಾ ಅಂಶ ಆಸ್ಸುಚೆ ತಾಕ್ಕಾಕ ಸೋರಿಯಾಸಿಸ್ ತಸ್ಸಲೆ ಚಾಮ್ಮಾ ಕಾಯ್ಲೆಂತು ಆನಿ ತಕ್ರಧಾರ ಮ್ಹಣಚೆ ಪಂಚಕರ್ಮ ಚಿಕಿತ್ಸೆಂತು ವಾಪರತಾತಿ.
ತಾಕ್ಕಾಕ ಸೈಂದವ ಲವಣ ಆನಿ ಆಲ್ಲೆ ರೋಸು ಮೇಳೊನು ಪಿವ್ಚೆ ತಾಕೂನು ಓಂಕಿ ಕಮ್ಮಿ ಜಾತ್ತಾ. ಅರ್ಧ ಚಮಚೊ ಆಲ್ಲೆ ರೋಸು, ಆನಿ ಜೀರೆಂ ಪಿಟ್ಟಿ ತಾಕ್ಕಾ ಬರಶಿ ಪಿಲಯಾರಿ ಅಸಿಡಿಟಿ, ಮಲಬದ್ಧತೆ ಆನಿ ಮೂಲವ್ಯಾಧಿ ಸಹಿತ ಗೂಣ ಜಾತ್ತಾ. *ಬಾರ್ಲಿ ನಿಶ್ಶೆಕ ತಾಕ ಆನಿ ಲಿಂಬಿಯಾ ರೋಸು ಘಾಲ್ನು ಪಿಲಯಾರಿ ಬಿ.ಪಿ., ಮಾತ್ತೆ ದೂಖಿ ಗೂಣ ಜಾತ್ತಾ. ತಾಕ್ಕಾಚೆ ತಾಕೂನು ಶರೀರಾಕ ಮೆಳಚೆ ಅಪಾರ ಮುನಾಪೇಂತು ಥೊಡೆ ಮಾತ್ರ ಹಾಂಗ ದಿಲ್ಲಾ. ಪ್ರತಿ ದಿವಸು ತಾಕ ಪಿವಚೆ ತಾಕೂನು ತಾಜ್ಜೆ ಆನ್ನಿಕೆ ಮಸ್ತ ಇತ್ಲೆ ಮುನಾಪೊ ಖಂಡಿತ ತುಮಗೇಲೆ ಶರೀರಾಕ ಮೆಳ್ಚೆ ತುಮ್ಮಿ ತಾಕ ಪೀವ್ನು ಪಳೇಯಾ.
ಆನ್ನೇಕ ಅನುಭವಾಚೆ ಉತ್ತರ ಮ್ಹಳಯಾರಿ ಘರ್ಕಡೆ ಗಾಂಟೂನು, ಲೋಣಿ ಕಾಡ್ನು ಕೆಲೀಲೆ ತಾಕ ಘಾಲ್ನು ಥೊಡೆ ಶೀತ ಪ್ರತಿ ದಿವಸು ಜೇವ್ನು ಪಳೇಯಾ, ನಾತಲೇರಿ ಘರ್ಕಡೆ ಗಾಂಟಿಲೆ ತಾಕ ಪೂಣಿ ಪಿಯ್ಯಾತಿ. ಹಾಜೇನ ಮಸ್ತ ದುಡ್ಡು ಖರಚೂನು ಗೂಣ ಜಾಯನಾತ್ತಿಲೆ ಪೊಟ್ಟಾಚೆ ಜಿರ್ಚೆ ಸಹಿತ ಸಬಾರ ಸಮಸ್ಯಾ ಪರಿಹಾರ ಜಾತ್ತಾ.
ತಶ್ಶೀಚಿ ಲಿಂಬಿಯೊ, ಆಂಬೊ ಇತ್ಯಾದಿ ಪಾನಕ, ಪಿಕ್ಕಿಲೆ ಫಳಾಚೆ ಜ್ಯೂಸ್, ತೀಳು, ಮೂಗು ಇತ್ಯಾದಿ ವಾಟ್ಟೂನು, ತಾಕ್ಕ ಗೋಡ ಘಾಲ್ನು ಕೊರಚೆ ಉದ್ದಾಕ ಸಹಿತ ವೈಶಾಖಾಂತು ಶರೀರಾಚೆ ಆರೋಗ್ಯ ರಾಕವಣಾಕ ಮಸ್ತ ಮದತ್ ಕರತಾ.
पॊट्टाचॆ आरोग्याक वैशाखांतु बरपूर ताक पिय्याति!
कोल्ड् ड्रिंक्स् ताकूनु आरोग्य वय्रि कित्लॆआघात जात्ता म्हॊणु मस्त अध्ययनानि कोळ्नु आयल्या. वैशाखांतु जीवाग्नि मात्तॆंतु आसता म्हणताति. त्या खात्तिरि पॊट्टा भूकि ऊणॆ आस्ता. आम्मि घॆवचॆ आहार प्रमाण मस्त कम्मि. अस्सलॆ वेळ्यारि शरीराक पोषकांश आनि उद्का अंश दॊन्नीचि एक्का वेळॆंतु मॆळचाक आम्गॆलॆ म्हाल्गड्यानि करता आश्शिलॆ उपायु म्हळयारि पात्तळ ताक पिवचॆ, पानक, तीळा उद्दाक, मूगा उद्दाक इत्यादि कॊरनु पिवचॆ आश्शिलॆ. तांतूचि ताक्कांतु बरपूर पोषकांश, आरोग्य राकवणाक जायि जालीलॆ अंश सहित आस्स.
दुद्दा बरशि तुलन कॆलयारि ताक्कांतु शक्ति अर्धा पशि ऊणॆ आनि चरबी कालंश मात्र आस्ता. आनि ताक बॆग्गि जीर्ण सहित जात्ता. ताक बॆग्गि जीर्ण जावचॆ बरशि आम्मि खाल्लिलॆ इतर आहार वस्तु सहित बॆग्गि जीरचाक मदत् करता. त्या कारणानि आस्सुक पुरॊ आम्गॆलॆ म्हाल्गड्यानि जवणाचॆ अखॆरिक ताक पिवचॆ संप्रदाय दवरूनु घॆत्तिलॆ. आनि वात्तांतु घर्कडॆ कोण्तरि आयल्यारि तांका ताक दीव्नु उपचार कर्ताश्शिलॆ.
ताक्कांतु ल्याक्टिक् आसिड् अंश च्हड आस्ता. हे आम्गॆलॆ शरीराक चांग. ताक्कांतु क्याल्सियं सहित आश्चा वॊच्चुनु शरीराक त्राण मॆळच वरि करता. अजीर्णानि पॊट्टाधूकि, उत्कडॆ, वॊंकारे यवचॆ वरि जालयारि ताक्काक थॊडॆ हींगु घाल्नु पिलयारि परिहारु मॆळता.
बि१२ ताक्कांतु बरपूर आस्स. खनिजांश अधिक प्रमाणारि आसचा वॊच्चुनु आनि बि१२ कारणानि अनीमिया, मानसिक दबाव, देहांतु आस्सुचॆ धातुंचॆ वाडपणाक मदत् करता. हे विटामिन् आहार ताकूनु मॆळीलॆ ग्लूकोसाक बॆग्गि जीरॊनु शक्ति जाव्नु परिवर्तन करता. ताक्कांतु आस्सुचॆ पॊटाशियं अंश ताकूनु रक्ताचॆ दबाव (ऒत्तड) नियंत्रणांतु दवरूनु घॆव्येत. ताक्कांतु हाड्डांक पुष्ठि दिवचॆ तस्सलॆ क्याल्सियं आनि फास्परस् अंश मस्त आस्स. रक्तनाळांतु चरबी भॊरनु आसलेरि नियमित जाव्नु ताक पिवचॆ ताकूनु त्या काणु घाल्येत. मस्त (पोट भर्ति) जव्विल तॆद्दना नंतर एक लोटॊ ताक पिल्यारि आहार बॆग्गि जीर्नु आराम जात्ता. मस्त जॆव्विल तॆद्दना दम्मु(उब्बसि) यव्चॆ सहित ताक पिवचॆ निमित्य ऊणॆ जात्ता.
ताक आम्गॆलॆ शरीराचॆ हून्सणि भायर घाल्नु शरीर थंड जाव्नु आस्सुचॆ तश्शि करता. त्या कारणानचि मस्त शैत्य जालील तॆद्दना ताक पीव्नक्काति म्हॊणु सांगताति. आमशॆ नात्तिलॆ ताजा ताक्काक थॊडॆ उद्दाक मॆळोनु पिलयारि असिडिटि सहित गूण जात्ता.
आयुर्वेदांतु ताक्काक व्हड मर्याद दिल्ल्या. वाक्दा रूपानि वापरचॆ तित्लेचि न्हंहिसि काय्लॊ याना तश्शि राकचाक सहित, आहार रूपानि ताक वापरताति. धंयॆक उद्दाक घाल्नु चांग जाव्नु गांटिलि तॆद्दना घर्षणॆन शाख उत्पत्ति जाव्नु धंया भित्तवैलॆ चरबी आनि इतर अंश प्रत्येक करता. त्यांचि लोणि. लोणि काडल मागिरि उरचॆचि `ताक
पॊट्टाचॆ, अंताचॆ त्रासाक ताक चांग वाक्कद. उत्कडॆ, रक्त उत्कडॆ, आनि अंतांतु घडचॆ मस्त दबाव् ताक पिवचॆ ताकूनु कम्मि कॊरनु, जाय तित्लॆ उदका अंश आनि खनिजांश मॆळचॆ वरि करता. आमशॆ ढेंक, पॊट्टाचॆ झाळ, हरदेचॆ झाळ नाशि करता. मूलव्याधिक सहित चांग आनि अंतांतु आस्सुचॆ विषकारि अंश भायरि घालता. सबार वाक्दा अंश आस्सुचॆ ताक्काक सोरियासिस् तस्सलॆ चाम्मा काय्लॆंतु आनि तक्रधार म्हणचॆ पंचकर्म चिकित्सॆंतु वापरताति.
ताक्काक सैंदव लवण आनि आल्लॆ रोसु मेळॊनु पिव्चॆ ताकूनु ओंकि कम्मि जात्ता. अर्ध चमचॊ आल्लॆ रोसु, आनि जीरॆं पिट्टि ताक्का बरशि पिलयारि असिडिटि, मलबद्धतॆ आनि मूलव्याधि सहित गूण जात्ता. *बार्लि निश्शॆक ताक आनि लिंबिया रोसु घाल्नु पिलयारि बि.पि., मात्तॆ दूखि गूण जात्ता. ताक्काचॆ ताकूनु शरीराक मॆळचॆ अपार मुनापेंतु थॊडॆ मात्र हांग दिल्ला. प्रति दिवसु ताक पिवचॆ ताकूनु ताज्जॆ आन्निकॆ मस्त इत्लॆ मुनापॊ खंडित तुमगेलॆ शरीराक मॆळ्चॆ तुम्मि ताक पीव्नु पळेया.
आन्नेक अनुभवाचॆ उत्तर म्हळयारि घर्कडॆ गांटूनु, लोणि काड्नु कॆलीलॆ ताक घाल्नु थॊडॆ शीत प्रति दिवसु जेव्नु पळेया, नातलेरि घर्कडॆ गांटिलॆ ताक पूणि पिय्याति. हाजेन मस्त दुड्डु खरचूनु गूण जायनात्तिलॆ पॊट्टाचॆ जिर्चॆ सहित सबार समस्या परिहार जात्ता.
तश्शीचि लिंबियॊ, आंबॊ इत्यादि पानक, पिक्किलॆ फळाचॆ ज्यूस्, तीळु, मूगु इत्यादि वाट्टूनु, ताक्क गोड घाल्नु कॊरचॆ उद्दाक सहित वैशाखांतु शरीराचॆ आरोग्य राकवणाक मस्त मदत् करता.