ಮಾಕಸೀಚೆ ವರ್ಷಾಂತು ಚಲೋಸುನು ಘೇವ್ನು ಆಯಲೀಲೆ ವರಿ ಜಿ.ಎಸ್.ಬಿ. ಸ್ಕಾಲರ್ಶಿಪ್ಲೀಗ್ ಹಾನ್ನಿ ಅವಂದೂಚೆ ಆಪಣೇಲೆ ವಾರ್ಷಿಕವಾಡಪಣಾಂಕ ಖಾಂದೊ ದಿಲೀಲ್ಯಾಲೊ ಕಾರ್ಯಕ್ರಮ ಆರತಾಂ ಮುಂಬೈ ವಡಾಲಾಚೆ ಶ್ರೀ ದ್ವಾರಕನಾಥ ಭವನಾಂತು ಆಯೋಜನ ಕೆಲೀಲೆ.
ಲೀಗ್ಚೆ ಅಧ್ಯಕ್ಷ ಶ್ರೀ ಎಸ್.ಎಸ್. ಭಟ್ ತಾನ್ನಿ ಯೇವಕಾರ ಕೆಲ್ಲಿ. ಹೇ ಸಮಾರಂಭಾಕ ಮುಖೇಲ ಸೊಯರೆ ಜಾವ್ನು ಟಾಟಾ ಪ್ರಾಜೆಕ್ಟ್ಸ್ ಲಿಮಿಟೆಡ್ನ ಸಿಇಒ ಆನಿ ಎಂಡಿ. ಶ್ರೀ ವಿನಾಯಕ್ ಆರ್.ಪೈ ತಾನ್ನಿ ವಾಂಟೊ ಘೆತ್ತಿಲೆ. ಹಾಂಗೆಲೆ ಪರಿಚಯ ಲೀಗಾಚೆ ಕಾರ್ಯದರ್ಶಿ ಡಾ.ಪ್ರಶಾಂತ್ ಕಿಣಿ ತಾನ್ನಿ ಸಭಾಕ ಕೊರನು ದಿಲ್ಲೆ. ಮಾನಾಚೆ ಸೊಯರೆ ಜಾವ್ನು ಗ್ಯಾಲಕ್ಸಿ ಸರ್ಫ್ಯಾಕ್ಟಂಟ್ಸ್ ಲಿಮಿಟೆಡ್ ಹಾಜ್ಜೆ ಪ್ರವರ್ತಕ ಶ್ರೀ ಶಶಿಕಾಂತ್ ಶಾನಭಾಗ್ ಆಯ್ಯಿಲೆ ತಾಂಕಾ ಲೀಗ್ ಟ್ರಸ್ಟಿ ಸಿಎ ಗಣೇಶ್ ಶಾನಭಾಗ್ ತಾನ್ನಿ ಸಭಾಕ ಪರಿಚಯ ಕೆಲ್ಲಿ. .
ಜಿಎಸ್ಬಿ ಸ್ಕಾಲರ್ಶಿಪ್ ಲೀಗ್ ಹಾಜ್ಜೆ ಅಧ್ಯಕ್ಷೆ ಶ್ರೀಮತಿ ಗೀತಾ ಆರ್. ಪೈ, ಹಾನ್ನಿ ಆರತಾಂ ಪರ್ತಗಾಳಿಚೆ ಶ್ರೀ ಗೋಕರ್ಣ ಜೀವೋತ್ತಮ ಮಠಾಂತು ಶ್ರೀಮದ್ ವಿದ್ಯಾಧೀಶ ತೀರ್ಥ ಸ್ವಾಮೀಜಿ ತಾಕೂನು ಶ್ರೀ ಎಸ್.ಎಸ್.ಭಟ್ ತಾಂಕಾ ಪ್ರತಿಷ್ಠಿತ ಶ್ರೀ ವಿದ್ಯಾಧಿರಾಜ ಪ್ರಶಸ್ತಿ ಪ್ರದಾನ ಕೆಲೀಲೆ ಆಸ್ಸುನು, ಹೇ ಲೀಗಾಕ ಗೌರವ ಮ್ಹೊಣು ಹರ್ಷಾನಿ ಘೋಷಣ ಕೆಲ್ಲಿ. ಶ್ರೀ ಎಸ್.ಎಸ್. ಭಟ್ ತಾಂಕಾ ಆಯ್ಯಿಲೆ ಸೊಯರ್ಯಾನಿ ಸನ್ಮಾನ ಕೆಲ್ಲಿ.ಕೆಲವ ದಾನಿ ಲೋಕಾಲಾಗ್ಗಿ `ದುರ್ಬಲ ವಿದ್ಯಾರ್ಥ್ಯಾಂಕ ಶಿಕ್ಷಣಾಕ ತಾನ್ನಿ ಕಿತಯಾಕ ಬೆಂಬಲ ದಿವಕಾ ಮ್ಹಣ್ಚೆ ಖಾತ್ತಿರಿ ತಾಂಗೆಲೆ ಅಭಿಪ್ರಾಯು ಸಾಂಗಚಾಕ ನಿಮ್ಗಿಲೆ. ದಾನಿ ಶ್ರೀ ವಾಸುದೇವ್ ಹೆಗ್ಡೆ ತಾನ್ನಿ ಘೆಲೀಲೆ ಸಬಾರ ವರ್ಷಾಚಾನ ನಿರಂತರ ಜಾವ್ನು ಬೆಂಬಲ ದಿತ್ತಾ ಆಸ್ಸುಚಾ ವಚ್ಚುನು “ಹೇ ಚಟುವಟಿಕಾ ಮುಖಾರಸೂನು ವಚಕಾ ಮ್ಹೊಣು ಖಡಾಖಂಡಿತ ಜಾವನು ಸಾಂಗ್ಲೆ.
ಪ್ರಿಯಾಂಕ ರಿಷಿ ಉಲಯತಾ “ಆಪಣೇಲೆ ಬಾಪಯಿ ಶ್ರೀ ವಿ.ಎನ್.ನಾಯಕ್ ತಾನ್ನಿ ಲೀಗಾಚೆ ಸಮರ್ಪಿತ ಕಾರ್ಯಕರ್ತ ಜಾವ್ನಾಶ್ಶಿಲೆ. ಆನಿ ತಾನ್ನಿ ಚರಡುವಾಂಕ ವರೇನ ಅಸ್ಸಲೇಚಿ ಮನೋಭಾವನಾ ಯವ್ಚೆ ವರಿ ವಾಡ್ಡಯಲಾ ಮ್ಹೊಣು ಸಾಂಗ್ಲೆ. ಡಾ. ರಾಜೀವ್ ರೆಡ್ಕರ್, ತಾನ್ನಿ ಆಪಣೇಲೆ ೯೧ ವರ್ಷಾಚೆ ವೃದ್ಧ ಆವಯಿಲೀ ತರಪೇನಿ ಉಲಯಿಲೆ. ಜಿ.ಎಸ್.ಬಿ. ಸ್ಕಾಲರ್ಶಿಪ್ ಲೀಗ್ ತಾನ್ನಿ ದಿಲೀಲೆ ವಿದ್ಯಾರ್ಥಿವೇತನಾನಿ ತಾನ್ನಿ ವೈದ್ಯ ಜಾವಚಾಕ ಸಾಧ್ಯ ಜಾಲೀಲೆ ಸಾಂಗ್ಲೆ.ಮಾಕಸೀಚೆ ಫಲಾನುಭವಿ ಪ್ರಮೋದ್ ಪೈ, ಆರ್ಥಿಕ ಜಾವ್ನು ದುರ್ಬಲ ವಿದ್ಯಾರ್ಥ್ಯಾಂಕ ಆರ್ಥಿಕ ಮದತ್ ದಿವ್ಚೆ ಮಾತ್ರ ನ್ಹಂಹಿಸಿ ಸಮುದಾಯಾಚೆ ನಿರ್ಗತಿಕ ಲೋಕಾಂಕ ಸೇವಾ ಪಾವಯತಾ ಆಸ್ಸಾತಿ. ಆನ್ನೀಕೆ ದೊಗ್ಗ ಫಲಾನುಭವಿ ವಿದ್ಯಾರ್ಥಿ. ಶ್ರೀ ಅವಿನಾಶ್ ಕಾಮತ್ ಆನಿ ಅಡಿಗೆ ಶೆಣೈ. ತಾಂಗೆಲೆ ಕಾಣಿ ಆಯಕೂಚೆ ಹೃದಯಸ್ಪರ್ಶಿ ಜಾವ್ನಾಸ್ಸಾ. ಕಿತಯಾಕ ಮ್ಹಳಯಾರಿ ಥೊಡೆ ಮೊತ್ತ ಜಾಲಯಾರೀಚಿ ತ್ಯಾ ಘೆವಚಾಕ ಮಸ್ತ ಆಶೇನಿ ರಾಕ್ತಾ ಆಶ್ಶಿಲೆ.
ಮುಖೇಲ ಸೊಯರೆ ಶ್ರೀ ವಿನಾಯಕ್ ಪೈ ಮಾಮ್ಮಾನಿ ಉಲೋನು “ಸಮುದಾಯಾಂತು ಶಿಕ್ಷಣಾಕ ಮದತ್ ದಿವ್ಚೆ ಗರಜಾ ಖಾತ್ತಿರಿ ಮಾಕ್ಕಾ ಗೊತ್ನಾ ಆಶ್ಶಿಲೆ ಮ್ಹೊಣು ಸಾಂಗ್ಲೆ. ವಿದ್ಯಾರ್ಥಿ ತಾಕೂನು ಡೈರೆಕ್ಟ್ ಜಾವ್ನು ಮಾಹಿತಿ ಘೆವ್ಚೆ ತೇ ಕಷ್ಟ ಭೊಗ್ಗಿಲೆ ಲೋಕಾಂಕ ಏಕ ಜಾಗೃತಿ ಜಾವ್ನಾಶ್ಶಿಲೆ ಆನಿ ತಸ್ಸಾಲೆ ದುರ್ಬಲಾಂಕ ಮದತ್ ದಿವ್ಚೆ ಸಮುದಾಯಾಚೆ ಲೋಕಾಂಗೆಲೆ ಜವಾಬ್ದಾರಿ ಜಾವ್ನಾಸ್ಸಾ. ದುರ್ಬಲ ವಿದ್ಯಾರ್ಥ್ಯಾಂಗೆಲೆ ಶಿಕ್ಷಣಾಕ ಮದತ್ ದಿವಚೆ ಅತ್ಯಂತ ಉದಾರ ವ್ಯಕ್ತಿ ಶ್ರೀ ಶಶಿಕಾಂತ್ ಶಾನಭಾಗ್, ದುಡ್ಡು ಮಸ್ತ ಆಸ್ಸಾ, ಜಾಲಯಾರಿ ಲೀಗಾಚೆ ಪ್ರಾಮುಖ್ಯತಾ ಸಾಬೀತು ಕೊರಕಾ ಮ್ಹೊಣು ಸಾಂಗ್ಲೆ. ವಿದ್ಯಾರ್ಥ್ಯಾಂಗೆಲೊ ಅವಶ್ಯಕತಾ ಪೂರ್ತಿ ಕೊರಚೆ ಲೀಗಾಕ ಏಕ ಸವಾಲ ಜಾಲ್ಲ್ಯಾ.
ಹೇ ಸಕ್ಕಡ ಭಾಷಣಕಾರಾಂಗೆಲೆ ವೈಯಕ್ತಿಕ ಅನುಭವಾಚೆ ಉತ್ರಾಚೆ ಆಧಾರ ವಯ್ರಿ , ಶ್ರೀಮತಿ ಗೀತಾ ಪೈ ತಾನ್ನಿ ಸಂಕ್ಷಿಪ್ತ ಜಾವ್ನು “ಹಾಂಗೆಲೆ ಜೀವನಾಂತು ಬದಲಾವಣ ಕೊರಚೆ ಪ್ರಯಾಣಾಂತು ವಾಂಟೊ ಘೆವಚಾಕ ಆಮ್ಮಿ ತುಮ್ಕಾ ಆಮಂತ್ರಣ ಕರತಾತಿ, ತುಮ್ಗೆಲೆ ಮದತ್ ವಿದ್ಯಾರ್ಥಿಲೆ ಭವಿಷ್ಯಾಕ ದುಡವಾಚೆ ಮದತ್ ಮೆಳ್ಚೆ ವರಿ ಕೊರನು, ತಾಂಗೆಲೆ ಸಗಳೇ ಕುಟುಂಬಾಚೆ ಉದರ್ಗತಿಕ ಕಾರಣ ಜಾವಚಾಕ ಪುರೊ, ಆನಿ ಆಮ್ಗೆಲೆ ಜಿ.ಎಸ್.ಬಿ. ಸಮುದಾಯಾಚೆ ಪ್ರಗತಿಕ ದೇಣಿಗಾ ಪಾವೋಯೇತ. ಒಟ್ಟಾರೆ ಸಾಂಕಾ ಮ್ಹಳಯಾರಿ ದುಡವಾಚೆ ಊಣೆಪಣಾನಿ ಖಂಚೇಯಿ ಅರ್ಹ ವಿದ್ಯಾರ್ಥಿಕ ಶಿಕ್ಷಣ ಮೇಳ್ನಾಶಿ ಆಸ್ಸುಚಾಕ ನಜ್ಜ, ತಸ್ಸಾಲೆ ಭವಿಷ್ಯ ಆಮ್ಮಿ ನಿರ್ಮಾಣ ಕೊರಕಾ~~ ಮ್ಹಣ್ಚೆ ಆಪೋವ್ಣಿ ದಿಲ್ಲಿ.
ಶ್ರೀಮತಿ ಸುಧಾ ಪ್ರಭು ಹಾನ್ನಿ ಹೇ ಕಾರ್ಯಕ್ರಮ ಚಲಾಯಚಾಕ ಸರ್ವ ಸಹಾಯ ದಿಲೀಲೆ ಖಾತ್ತಿರ ವಡಾಲ ಮಠಾಕ ಆಬಾರ ಮಾನಲೆ. ಕಾರ್ಯಕ್ರಮಾಚೆ ಯಶಸ್ಸಾಕ ಘೊಳ್ಳಿಲೆ ಶ್ರೀ ಗೋಪಾಲ್ ಪೈ ಶ್ರೀ ವಿವೇಕ್ ಶಾನಭಾಗ್, ಶ್ರೀ ಪ್ರಶಾಂತ್ ಕಿಣಿ ಆನಿ ಶ್ರೀಮತಿ ಸುಮನ ಕಿಣಿ, ಶ್ರೀ ವಿನಾಯಕ ಶಾನಭಾಗ ತಾಂಕಾ ಆಬಾರ ಮಾನಲೆ. ತಾಂತುಯಿ ಕಾರ್ಯಕ್ರಮಾಂತು ವಿಶೇಷ ತಾನ್ನಿಕೇ(ಉಪಹಾರಾ)ಚೆ ವ್ಯವಸ್ಥಾ ಕೆಲೀಲೆ ಪ್ರಾಯೋಜಕ ಶ್ರೀ ವಿನಾಯಕ ಶಾನಭಾಗ್ ತಾಂಕಾಯಿ ವಿಶೇಷ ಧನ್ಯವಾದ ಪಾವಯಿಲೆ.
जि.ऎस्.बि. स्कालर्शिप्लीग् वाडपणांक खांदॊ दिलील्यालॊ कार्यक्रम
माकसीचॆ वर्षांतु चलोसुनु घेव्नु आयलीलॆ वरि जि.ऎस्.बि. स्कालर्शिप्लीग् हान्नि अवंदूचॆ आपणेलॆ वार्षिकवाडपणांक खांदॊ दिलील्यालॊ कार्यक्रम आरतां मुंबै वडालाचॆ श्री द्वारकनाथ भवनांतु आयोजन कॆलीलॆ.
लीग्चॆ अध्यक्ष श्री ऎस्.ऎस्. भट् तान्नि येवकार कॆल्लि. हे समारंभाक मुखेल सॊयरॆ जाव्नु टाटा प्राजॆक्ट्स् लिमिटॆड्न सिइऒ आनि ऎंडि. श्री विनायक् आर्.पै तान्नि वांटॊ घॆत्तिलॆ. हांगॆलॆ परिचय लीगाचॆ कार्यदर्शि डा.प्रशांत् किणि तान्नि सभाक कॊरनु दिल्लॆ. मानाचॆ सॊयरॆ जाव्नु ग्यालक्सि सर्फ्याक्टंट्स् लिमिटॆड् हाज्जॆ प्रवर्तक श्री शशिकांत् शानभाग् आय्यिलॆ तांका लीग् ट्रस्टि सिऎ गणेश् शानभाग् तान्नि सभाक परिचय कॆल्लि. .
जिऎस्बि स्कालर्शिप् लीग् हाज्जॆ अध्यक्षॆ श्रीमति गीता आर्. पै, हान्नि आरतां पर्तगाळिचॆ श्री गोकर्ण जीवोत्तम मठांतु श्रीमद् विद्याधीश तीर्थ स्वामीजि ताकूनु श्री ऎस्.ऎस्.भट् तांका प्रतिष्ठित श्री विद्याधिराज प्रशस्ति प्रदान कॆलीलॆ आस्सुनु, हे लीगाक गौरव म्हॊणु हर्षानि घोषण कॆल्लि. श्री ऎस्.ऎस्. भट् तांका आय्यिलॆ सॊयर्यानि सन्मान कॆल्लि.
कॆलव दानि लोकालाग्गि `दुर्बल विद्यार्थ्यांक शिक्षणाक तान्नि कितयाक बॆंबल दिवका म्हण्चॆ खात्तिरि तांगॆलॆ अभिप्रायु सांगचाक निम्गिलॆ. दानि श्री वासुदेव् हॆग्डॆ तान्नि घॆलीलॆ सबार वर्षाचान निरंतर जाव्नु बॆंबल दित्ता आस्सुचा वच्चुनु “हे चटुवटिका मुखारसूनु वचका म्हॊणु खडाखंडित जावनु सांग्लॆ.
प्रियांक रिषि उलयता “आपणेलॆ बापयि श्री वि.ऎन्.नायक् तान्नि लीगाचॆ समर्पित कार्यकर्त जाव्नाश्शिलॆ. आनि तान्नि चरडुवांक वरेन अस्सलेचि मनोभावना यव्चॆ वरि वाड्डयला म्हॊणु सांग्लॆ. डा. राजीव् रॆड्कर्, तान्नि आपणेलॆ ९१ वर्षाचॆ वृद्ध आवयिली तरपेनि उलयिलॆ. जि.ऎस्.बि. स्कालर्शिप् लीग् तान्नि दिलीलॆ विद्यार्थिवेतनानि तान्नि वैद्य जावचाक साध्य जालीलॆ सांग्लॆ.
माकसीचॆ फलानुभवि प्रमोद् पै, आर्थिक जाव्नु दुर्बल विद्यार्थ्यांक आर्थिक मदत् दिव्चॆ मात्र न्हंहिसि समुदायाचॆ निर्गतिक लोकांक सेवा पावयता आस्साति. आन्नीकॆ दॊग्ग फलानुभवि विद्यार्थि. श्री अविनाश् कामत् आनि अडिगॆ शॆणै. तांगॆलॆ काणि आयकूचॆ हृदयस्पर्शि जाव्नास्सा. कितयाक म्हळयारि थॊडॆ मॊत्त जालयारीचि त्या घॆवचाक मस्त आशेनि राक्ता आश्शिलॆ.
मुखेल सॊयरॆ श्री विनायक् पै माम्मानि उलोनु “समुदायांतु शिक्षणाक मदत् दिव्चॆ गरजा खात्तिरि माक्का गॊत्ना आश्शिलॆ म्हॊणु सांग्लॆ. विद्यार्थि ताकूनु डैरॆक्ट् जाव्नु माहिति घॆव्चॆ ते कष्ट भॊग्गिलॆ लोकांक एक जागृति जाव्नाश्शिलॆ आनि तस्सालॆ दुर्बलांक मदत् दिव्चॆ समुदायाचॆ लोकांगॆलॆ जवाब्दारि जाव्नास्सा. दुर्बल विद्यार्थ्यांगॆलॆ शिक्षणाक मदत् दिवचॆ अत्यंत उदार व्यक्ति श्री शशिकांत् शानभाग्, दुड्डु मस्त आस्सा, जालयारि लीगाचॆ प्रामुख्यता साबीतु कॊरका म्हॊणु सांग्लॆ. विद्यार्थ्यांगॆलॊ अवश्यकता पूर्ति कॊरचॆ लीगाक एक सवाल जाल्ल्या.
हे सक्कड भाषणकारांगॆलॆ वैयक्तिक अनुभवाचॆ उत्राचॆ आधार वय्रि , श्रीमति गीता पै तान्नि संक्षिप्त जाव्नु
“हांगॆलॆ जीवनांतु बदलावण कॊरचॆ प्रयाणांतु वांटॊ घॆवचाक आम्मि तुम्का आमंत्रण करताति, तुम्गॆलॆ मदत् विद्यार्थिलॆ भविष्याक दुडवाचॆ मदत् मॆळ्चॆ वरि कॊरनु, तांगॆलॆ सगळे कुटुंबाचॆ उदर्गतिक कारण जावचाक पुरॊ, आनि आम्गॆलॆ जि.ऎस्.बि. समुदायाचॆ प्रगतिक देणिगा पावोयेत. ऒट्टारॆ सांका म्हळयारि दुडवाचॆ ऊणॆपणानि खंचेयि अर्ह विद्यार्थिक शिक्षण मेळ्नाशि आस्सुचाक नज्ज, तस्सालॆ भविष्य आम्मि निर्माण कॊरका~~ म्हण्चॆ आपोव्णि दिल्लि.
श्रीमति सुधा प्रभु हान्नि हे कार्यक्रम चलायचाक सर्व सहाय दिलीलॆ खात्तिर वडाल मठाक आबार मानलॆ. कार्यक्रमाचॆ यशस्साक घॊळ्ळिलॆ श्री गोपाल् पै श्री विवेक् शानभाग्, श्री प्रशांत् किणि आनि श्रीमति सुमन किणि, श्री विनायक शानभाग तांका आबार मानलॆ. तांतुयि कार्यक्रमांतु विशेष तान्निके(उपहारा)चॆ व्यवस्था कॆलीलॆ प्रायोजक श्री विनायक शानभाग् तांकायि विशेष धन्यवाद पावयिलॆ.