ಮೈಕಲ್ ಡಿಸೊಜಾ ವಿಶನ್ ಕೊಂಕ್ಣಿ ಪುಸ್ತಕ್ ಅನುದಾನಾಕ್, ಮಂಗ್ಳುರ್ಚ್ಯಾ ವಿಶ್ವ ಕೊಂಕಣಿ ಕೇಂದ್ರಾನ ಲೆಖ್ಕಾಂ ಥಾವ್ನ್ ಹಾತ್‌ಬರ್ಪಾಂ ಧಾಡೂಂಕ್ ಉಲೊ ದಿಲಾ. ಕವಿತಾ, ಮಟ್ವಿ ಕಾಣಿ, ಪ್ರಬಂಧ್, ಲಲೀತ್ ಪ್ರಬಂಧ್, ಕಾದಂಬರಿ, ನಾಟಕ್, ಬಾಳ್ ಸಾಹಿತ್ಯ್ – ಅಶೆಂ ಖಂಯ್ಚ್ಯಾಯ್ ಪ್ರಕಾರಾಚೆಂ ಸಾಹಿತ್ಯ್ ಬುಕಾರುಪಾರ್ ಪರ್ಗಟ್ ಕರುಂಕ್ ಎಮ್ಡಿವಿಕೆ ಉಪ ಕ್ರಮಾಕಾಲ್ ವಿಶ್ವ್ ಕೊಂಕ್ಣಿ ಕೆಂದ್ರ್, ಎಕಾ ಬುಕಾಕ್ ರುಪಯ್ ಚಾಳೀಸ್ ಹಜಾರ್ ಪರ್ಯಾಂತ್ ಅನುದಾನ್ ದಿತಾ. ಬೂಕ್ ನಾಗ್ರಿ, ಕನ್ನಡ್ ವಾ ರೊಮಿ ಲಿಪ್ಯೆಂತ್ ಆಸುಂಯೆತಾ.
ಛಾಪ್ಯಾಕ್ ತಯಾರ್ ಆಸ್ಚಿ ಮುದ್ರೀತ್ ಹಾತ್ ಪ್ರತಿ ಆನಿ ತಾಚಿ ಪಿಡಿಎಫ್ ಪ್ರತಿ – The editor, VISION KONKANI, C/O Rahul Advertisers, Second Floor, Bendorewell, Mangalore – 575 002 ಹಾಂಗಾಸರ್ ಪಾವೀತ್ ಕರುಂಯೆತಾ ವಾ ತಪ್ಪಾಲಾರ್ ಧಾಡುಂಯೆತಾ. ಪಿಡಿಎಫ್ ಪ್ರತಿ visionkonkani@gmail.com ಹ್ಯಾ ಈಮೆಯ್ಲಾಕ್ ಧಾಡೂನ್ ದೀಜಾಯ್.
ಪುಸ್ತಕ್ ಸ್ವಂತ ಬರ್ಯಿಲ್ಲೆಂ ಜಾವ್ನಾಸೊನ್, ಎದೊಳ ಬುಕಾರುಪಾರ್ ಖಂಯ್ಸರಿ ಪರ್ಗಟ್ ಜಾವನು ಆಸುಂಕ ನಜೊ. ಭುರ್ಗ್ಯಾಂಚೆಂ ಸಾಹಿತ್ಯ್ ಜಲಾರ ಉಣ್ಯಾರ್ ಉಣೆ 49 ಪಾನಾಂಚೆಂ ಸಾಹಿತ್ಯ್, ಹೆರ್ ಪ್ರಕಾರ್ ಜಾಲಾರ ಉಣ್ಯಾರ್ ಉಣೆಂ 80 ಪಾನಾಂಚೆಂ ಸಾಹಿತ್ಯ್ ಆಸುಂಕ್‌ಚ ಜಾಯ್. ತಜ್ಞ್ ಸಾಹಿತಿಂಚಿ ಪರೀಕ್ಷಕ್ ಮಂಡಳಿ ಪುಸ್ತಕ್ ಅನುದಾನಾಕ್ ಯೊಗ್ಯ್ ಮ್ಹಣ್ ಠರಾಯ್ತಚ್, ಲೆಖ್ಕಾನ್ ಎಮ್ಡಿವಿಕೆ, ವಿಶ್ವಕೊಂಕಣಿ ಲಾಗಿಂ ಖರಾರ್ ಕರಿಜೆ ಪಡ್ತಲೊ. ಪುಸ್ತಕಾಕ್ ಆಯಎಸ್‌ಬಿಎನ್ ನಂಬರ್ ಘೆಂವ್ಚೆಂ ಆನಿ ಆಎಸ್‌ಬಿಎನ್ ರೆಗ್ರಾಂ ಪ್ರಕಾರ್ ಪುಸ್ತಕ್ ಛಾಪ್ಚೆಂ ಲೆಖ್ಕಾಚಿ ಜಬಾಬ್ದಾರಿ ಜಾವ್ನಾಸತೆಲಿ.
ಚಡೀತ್ ಮಾಹಿತಿಕ ಮೈಕಲ್ ಡಿಸೊಜಾ ವಿಶನ್ ಕೊಂಕ್ಣಿ ಪುಸ್ತಕ್ ಅನುದಾನ್ ಸಮಿತೀಚೊ ಪ್ರಧಾನ್ ಸಂಪಾದಕ್ ಎಚ್ಚೆಮ್, ಪೆರ್ನಾಲ್ ಹಾಂಚೊ 9449770629 ಹ್ಯಾ ನಂಬ್ರಾಚೆರ್ ಸಂಪರ್ಕ ಕರಯೆತ್.
विश्व कोंकणी केंद्र
विशन कोंकणी पुस्तक अनुदानाक पुस्तकां धाडूंक उलो
मैकल डिसोजा विशन कोंकणी पुस्तक अनुदानाक, मंगळुरच्या विश्व कोंकणी केंद्रान लेखकां थावन हातबरपां धाडूंक उलो दिला. कविता, मटवी काणी, प्रबंध, ललीत प्रबंध, कादंबरी, नाटक, बाळ साहित्य – अशें खंयच्याय प्रकाराचें साहित्य बुकारुपार पर्गट करुंक एमडिविके उपक्रमाकाल विश्व कोंकणी केंद्र, एका बुकाक रुपय चाळीस हजार पऱ्यांत अनुदान दिता. बूक नागरी, कन्नड वा रोमी लिपयेंत आसुंयेता.
छाप्याक तयार आसची मुद्रीत हात प्रती आनी ताची पिडिएफ प्रती – The editor, VISION KONKANI, C/O Rahul Advertisers, Second Floor, Bendorewell, Mangalore – 575 002 हांगासर पावीत करुंयेता वा तप्पालार धाडुंयेता. पिडिएफ प्रती visionkonkani@gmail.com ह्या ईमेयलाक धाडून दीजाय.
पुस्तक स्वंत बरयिल्लें जावनासोन, एदोळ बुकारुपार खंयसरी पर्गट जाल्लें आसुंनाये. भुरग्यांचें साहित्य तर उण्यार उणे 49 पानांचें साहित्य, हेर प्रकार तर उण्यार उणें 80 पानांचें साहित्य आसुंकच जाय. तज्ञ साहितिंची परीक्षक मंडळी पुस्तक अनुदानाक योग्य म्हण ठरायतच, लेखकान एमडिविके, विश्वकोंकणी लागीं खरार करिजे पडतलो. पुस्तकाक आयएसबिएन नंबर घेंवचें आनी आएसबिएन रेग्रां प्रकार पुस्तक छापचें लेखकाची जबाब्दारी जावनासतेली.
चडीत विवराक मैकल डिसोजा विशन कोंकणी पुस्तक अनुदान समितीचो प्रधान संपादक एच्चेम, पेर्नाल हांचो 9449770629 ह्या नंबराचेर संपर्क जोडुंयेता