ಶ್ರೀ ರಾಮ ಸೇವಾ ಸಂಘ ಪ್ರವರ್ತಿತ ಪೂರ್ವ ಪ್ರಾಥಮಿಕ ಶಾಳಾ ಶ್ರೀ ರಾಮ ಶಿಶು ಮಂದಿರ ಶಾಳೇಕ ಮಣಿಪಾಲ್ಚೆ ಟಿ.ಎ.ಪೈ. ಮ್ಯಾನೇಜ್ಮೆಂಟ್ ಇನ್ಸ್ಟಿಟ್ಯೂಟ್ ಅಲುಮ್ಮೈ ಅಸೋಸಿಯೇಷನ್(ರಿ)(ಹಳೆ ವಿದ್ಯಾರ್ಥಿ ಸಂಘ) ತರಪೇನಿ ದೇಣಿಗಾ ರೂಪಾನಿ ದಿಲೀಲೆ ಸುಮಾರ ರೂ ೩೦,೦೦೦ ಮೌಲ್ಯಾಚೆ ಕ್ರೀಡಾ ಸಾಮಗ್ರಿ, ಖೇಳಾವಣಿಚೆ ಹಸ್ತಾಂತರ ಕಾರ್ಯಕ್ರಮ ಕೋಟೇಶ್ವರ ಶ್ರೀ ಪಟ್ಟಾಭಿ ರಾಮಚಂದ್ರ ಕಲ್ಯಾಣ ಮಂದಿರಾಂತು ಆರತಾಂ ಚಲ್ಲೆ. ಹೇ ಸಮಾರಂಭಾಕ ಮುಖೇಲ ಸೊಯರ ಜಾವ್ನು ಟಿ.ಎ.ಪೈ ಮ್ಯಾನೇಜ್ಮೆಂಟ್ ಇನ್ಸ್ಟಿಟ್ಯೂಟ್ ಅಲುಮ್ಮೈ ಅಸೋಸಿಯೇಷನ್ ಹಾಜ್ಜೆ ಕಾರ್ಯದರ್ಶಿ ರಾಜೇಂದ್ರ ಕಾಮತ್ ಉಲಯತಾ ಸಬಾರ ವರಸಾಚಾನ ಹೇ ಇಸ್ಕೂಲಾಕ ಸಬಾರ ಪಂತಾ ಭೆಟ್ಟಿಲೆ ಆಸ್ಸುನು, ಆಯ್ಚೆ ಆಧುನಿಕ ಶಿಕ್ಷಣಾಕ ಅನ್ಕೂಲ ಜಾವ್ಚೆ ತಸ್ಸಾಲೆ ಖೇಳಣಿಂಕ ದಿಲ್ಲ್ಯಾ. ಚರಡುವಾನಿ ಹಾಜ್ಜೆ ಸದುಪಯೋಗ ಘೇವ್ನು ಚಾಂಗ ಉದರ್ಗತಿ ಪಾವ್ಕಾ ಮ್ಹಳ್ಳೆ.
ಅಸೋಸಿಯೇಷನ್ ಹಾಜ್ಜೆ ಆಫೀಸರ್ ಡಾ.ಮಂಜುನಾಥ್ ಉಲಯತಾಹೇ ಸಂಸ್ಥೋ ಉಡುಪಿ ಪರಿಸರಾಚೆ ಆಲ್ತಾಪೆಲ್ತಾಚೆ ಗಾಂವಾಂತು ಕಾರ್ಯನಿರ್ವಹಣ ಕರತಾ ಆಸ್ಸಾ. ಹೇ ಪಂತಾ ಖೇಡೆ ಗಾಂವಾಚೆ ಇಸ್ಕೂಲಾಚಾನ ಸಬಾರ ಮಾಗಣಿ ಆಯಲೀಲೆ, ಹೇ ಇಸ್ಕೂಲಾಕ ದಿವ್ಚೆ ವರಿ ಜಾಲ್ಲ್ಯಾ.
ಶ್ರೀ ರಾಮ ಸೇವಾ ಸಂಘಾಚೆ ಅಧ್ಯಕ್ಷ ಶಂಕರ ಕಾಮತ್ ತಾನ್ನಿ ಯೇವಕಾರ ಕೆಲ್ಲಿ. ಕಾರ್ಯದರ್ಶಿ ಸದಾನಂದ ಪೈ ತಾನ್ನಿ ಸ್ವರಸಂಚಾಲನ ಕೊರನು ಆಬಾರ ಮಾನಲೆ. ವೇದಿಕೆರಿ ಅಸೋಸಿಯೇಷನ್ ಚೆ ಆನ್ನೇಕ್ಲೆ ಅಧಿಕಾರಿ ಜಾಲೀಲೆ ಸುಜಾತಾ ಉಪಸ್ಥಿತ ವ್ಹರಲೀಲೆ.
ಶ್ರೀ ರಾಮ ಸೇವಾ ಸಂಘಾಚೆ ಉಪಾಧ್ಯಕ್ಷ ಪ್ರಕಾಶ ಪೈ, ಜೊತೆ ಕಾರ್ಯದರ್ಶಿ ರವೀಂದ್ರ ಪೈ, ಕೋಶಾಧಿಕಾರಿ ನಿರಂಜನ ಕಾಮತ್, ಕಾರ್ಯಕಾರಿ ಸಮಿತಿಚೆ ಸದಸ್ಯ ಜಾಲೀಲೆ ಜಗದೀಶ ಭಟ್, ಉಜ್ವಲ ಕಾಮತ್, ಶಿಶು ಮಂದಿರ ಶಿಕ್ಷಕಿ ಸಹನಾ, ಸಹಾಯಕಿ ಉಷಾ, ಚರಡುಂವ ತಶೀಚಿ ಪೋಷಕ ಹೇ ಕಾರ್ಯಕ್ರಮಾಂತು ವಾಂಟೊ ಘೆತ್ತಿಲೆ.