ಛೇದ್ಮವೇಷ ಸ್ಪರ್ಧಾ : ಪ್ರಥಮ ಬಹುಮಾನ
ದಾವಣಗೆರೆಚೆ ಗೌಡ ಸಾರಸ್ವತ ಸಮಾಜ ತರಪೇನಿ ಆರತಾಂ ಚಲೀಲೆ ಸಮಾಜಾಚೆ ಆನಿ ಶ್ರೀ ಸುವರ್ಣ ಶ್ರೀ ಗಣೇಶೋತ್ಸವಾಚೆ ವೇಳ್ಯಾರಿ ಮ್ಹಾಲ್ಗಡ್ಯಾಂಕ, ದಾಕಲ್ಯಾಂಕ, ವೆಗವೆಗಳೆ ಸ್ಪರ್ಧಾ ಬರಶಿ ಛೇದ್ಮವೇಷ ಸ್ಪರ್ಧಾ ಆಯೋಜನ ಕೆಲೀಲೆ. ದಾವಣಗೆರೆಚೆ ಕಲಾಕುಂಚ ಆನಿ ಯಕ್ಷರಂಗ, ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷ್ಥಾನಾಚೆ ಸಂಸ್ಥಾಪಕಕ, ತಶೀಚಿ ಹವ್ಯಾಸಿ ಯಕ್ಷಗಾನ ಕಲಾವಿದ ಜಾಲೀಲೆ ಸಾಲಿಗ್ರಾಮ ಗಣೇಶ್ ಶೆಣೈನಿ ಭೂತರಾಧನೆಚೆ ಪಂಜುರ್ಲಿ ವೇಷ ಘಾಲ್ನು ಘೇವ್ನು ಪ್ರಥಮ ಬಹಮಾನ ಜಿಕ್ಲೆ.
ಜಮೀಲೆ ಅಪಾರ ಪ್ರೇಕ್ಷಕಾನಿ ಅಪರೂಪಾಚೆ ಆನಿ ಅತ್ಯದ್ಭುತ ಜಾಲೀಲೆ ಹೇ ಭೂತರಾಧನೆ ವೇಷಭೂಷಣ ಪಳೋನು ಶೆಣೈಂಕ ಮಸ್ತ ತಾರೀಪು ಕೆಲ್ಲೆ. ಗೌಡ ಸಾರಸ್ವತ ಸಮಾಜ ಸಹಿತ, ಬಿಚ್ಕತ್ತಿ ಕುಟುಂಬ, ದಾವಣಗೆರೆಚೆ ಕಲಾಕುಂಚ ಆನಿ ಯಕ್ಷರಂಗ, ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷ್ಥಾನ, ಕರಾವಳಿ ಮಿತ್ರ ಮಂಡಳಿ ಪದಾಧಿಕಾರಿನಿ, ಸರ್ವ ಸದಸ್ಯಾನಿ ತಾಂಕಾ ತಾರೀಪು ಕೊರನು ಅಭಿನಂದನ ಪಾವಯಿಲಾ.