ಮೂಲತಃ ಶಿರಸಿ ಗಾಂವ್ಚೆ ಪ್ರಸಕ್ತ ಬೆಂಗಳೂರಾಂತು ಆಸ್ಸುಚೆ ಶ್ರೀ ಗಣೇಶ ಪೈ ಹಾನ್ನಿ "ಮನೋಯೋಗ - ಭಾವನಾತ್ಮಕ ಸ್ವಾಸ್ಥ್ಯಕ್ಕಾಗಿ ಭಗವದ್ಗೀತೆ, ಸಂಕೀರ್ತನೆ ಮತ್ತು ನರ-ಭಾಷಾ ಪ್ರೋಗ್ರಾಮಿಂಗ್ (ಎನ್ಎಲ್ಪಿ) ನ ಸಮಗ್ರ ಅಧ್ಯಯನ." ಮ್ಹಣಚೆ ಸಂಶೋಧನಾ ವಿಷಯಾಕ ಫ್ಲೋರಿಡಾಚೆ ಯೋಗ ವಿಶ್ವವಿದ್ಯಾಲಯ ತಾಕೂನು ಆಧ್ಯಾತ್ಮಿಕ ವಿಜ್ಞಾನಆಚಾರ್ಯ ಪಿಎಚ್ಡಿ ಪದವಿ ಘೆತಲಿಂತಿ ಮ್ಹಣ್ಚೆ ಮಾಹಿತಿ ಮೆಳ್ಳಾ.
ಹಾಂಗೆಲೆ ಸಂಶೋಧನಾ ಮಾರ್ಗದರ್ಶಿ ಜಾವ್ನು ಡಾ. ವಾಸುದೇವ್ ಅಗ್ನಿಹೋತ್ರಿ ತಾನ್ನಿ ನಿರಂತರ ಮಾರ್ಗದರ್ಶನ, ಪ್ರೋತ್ಸಾಹ ದಿಲೀಲೆ ಆಸ್ಸಾ.
ಹೇ ಸಂಶೋಧನ ಶೈಕ್ಷಣಿಕ ಅನ್ವೇಷಣೆ ಮಾತ್ರ ನ್ಹಂಹಿಸಿ ಮಸ್ತ ತೀವ್ರ ಜಾಲೀಲೆ ಪರಿವರ್ತನಾತ್ಮಕ ಆಧ್ಯಾತ್ಮಿಕ ಪರ್ಯಟನ ಜಾವನಾಸ್ಸಾ. ಭಗವದ್ಗೀತೆಚೆ ಕಾಲಾತೀತ ಬುದ್ಧೊಂತಿಕ ಆನಿ ಆಧುನಿಕ ಜೀವನಾಚೆ ಭಾವನಾತ್ಮಕ ಆನಿ ಮಾನಸಿಕ ಸವಾಲ್ ನಾಶಿ ಕೊರನು ಘೆವಚಾಕ, ಪೂರ್ತಿ ಸಮಜೂನ ಘೇವಚಕ ತಾಜ್ಜೆ ಪ್ರಾಯೋಗಿಕ ಅನ್ವಯಾಚೆ ಖಾತ್ತಿರಿ ತೀವ್ರ ಜಾಲೀಲೆ ಸಮಜಣಿ ಘೆವಚಾಕ ಹೇ ಸಂಶೋಧನಾ ಮದತ್ ಕರತಾ.
ಭಗವದ್ಗೀತಾ ಶಾಶ್ವತ ಬೋಧನೆಂಚೆ ಮುಖಾಂತರ ಭಾವನಾತ್ಮಕ ಯೋಗಕ್ಷೇಮ, ಆಂತರಿಕ ಸ್ಥಿತಿಸ್ಥಾಪಕತ್ವ ಆನಿ ಮೌಲ್ಯಾಧಾರಿತ ಜೀವನಾಕ ಉತ್ತೇಜನ ಕೊರಚೆ ಮುಖಾಂತರ ಸಮಾಜಾಕ ಸೇವಾ ಪಾವಯಚಾಂತು ಹೇ ಜ್ಞಾನ ವಾಪರೂನು ಮುನಾಪೋ ಪಾವಯೇತ.
ಶ್ರೀ ಗಣೇಶ ಪೈ ಹಾನ್ನಿ ಕೊಂಕಣಿ- ಕನ್ನಡ ಬರೋಪಿ ಆನಿ ವ್ಹಡ ಪ್ರಮಾಣಾರಿ ಕೊಂಕಣಿ ಲೋಕವೇದ ಸಂಗ್ರಹ ಕೆಲೀಲೆ ಶಿರಸಿ ಎಕ್ಕಂಬಿಚೆ ಶ್ರಿಮತಿ ಜಯಶ್ರೀ ನಾಯಕ ಹಾಂಗೆಲೆ ಸಂಬಂಧಿಕ ಜಾವ್ನಾಸ್ಸತಿ. ಹಾಂಕಾ ಸರಸ್ವತಿ ಪ್ರಭಾ ತರಪೇನಿ ಅಭಿನಂದನ ಪಾವಯತಾ ಆನಿ ದೇವ ಬರೆಂ ಕೊರೊ ಮ್ಹಣತಾ.