ಭದ್ರಗಿರಿ ಶ್ರೀ ವೀರವಿಠ್ಠಲ ದೇವರ ಸನ್ನಿಧಿಂತು ವಿಶೇಷ ಭಜನಾ ಮಹೋತ್ಸವು ತಾ ೧೭.೫.೨೬ ತಾಕೂನು ೧೫.೬.೨೬ ಪರಿಯಂತ ಯವ್ಚೆ ಅಧಿಕ ಜ್ಯೇಷ್ಠ ಮಾಸಾಂತು ಆಯೋಜನ ಕೆಲ್ಲ್ಯಾ. ತತ್ಸಂಬಂಧ ಭದ್ರಗಿರಿಯ ಶ್ರೀ ವೀರವಿಠ್ಠಲ ದೇವಳಾಂತು ಅಧಿಕಮಾಸಾಂತು ಪ್ರತೀ ದಿವಸು ಸಾಂಜವಾಳಾ ೪.೦೦ ಘಂಟ್ಯಾಚಾನ ೬.೦೦ ಘಂಟ್ಯಾ ಪರಿಯಂತ ವೆಗವೆಗಳೆ ಆಮಂತ್ರಿತ ಭಜನಾ ಮಂಡಳಿ ತಾಕೂನು ಭಜನಾ ಸೇವಾ ಚಲ್ತಾ. ಹೇ ಪುರುಷೋತ್ತಮ ಮಾಸಾಂತು ಭಜನಾ ಮಹೋತ್ಸವಾಚೆ ಶುಭಾರಂಭ ದೇವ ಮಾಗಣಿ, ದೀಪಪ್ರಜ್ವಲನ ಆನಿ ಪಯ್ಲೆಚೆ ದಿವಸಾಚೆ ಭಜನಾ ಕಾರ್ಯಕ್ರಮ ಭದ್ರಗಿರಿ ಶ್ರೀ ವೀರವಿಠ್ಠಲ ಭಜನಾ ಮಂಡಳಿ ತರಪೇನ ಚಲ್ಲೆ.
ಹೇ ವೇಳ್ಯಾರಿ ಆಡಳಿತ ಮೊಕ್ತೇಸರ ಆನಿ ಸೇವಾದಾರ ಜಾಲೀಲೆ ಭದ್ರಗಿರಿ ಪಾಂಡುರಂಗ ಆಚಾರ್ಯ , ಅರ್ಚಕ ಜಾಲೀಲೆ ಸದಾನಂದ ಆಚಾರ್ಯ, ವಿಶ್ವಸ್ತ ಮಂಡಳಿಚೆ ಸದಸ್ಯ ಜಾಲೀಲೆ ಕೆ ಸಿ ಪ್ರಭು, ಗಣೇಶ ಪೈ, ಕೆ.ಪಾಂಡುರಂಗ ಕಿಣಿ, ಗಿರಿಧರ ರಾವ್, ಸುರೇಶ ಶೆಣೈ, ಭಾಸ್ಕರ ಶೆಣೈ, ಸಿ.ಕೃಷ್ಣ ಪೈ, ಸಿ ರತ್ನಾಕರ ಪೈ, ದೇವದಾಸ ನಾಯಕ್, ರಾಧಾ ಕಾಮತ್ ಆದಿ ಭಕ್ತ ಲೋಕ ವಾಂಟೊ ಘೆತ್ತಿಲೆ. ತಾ.೧೫.೬.೨೬ ಕ ಮಂಗಲೋತ್ಸವ ಚಲ್ತಾ. ಏಕ ಮ್ಹಹಿನೋ ಚೊಲ್ಚೆ ಹೇ ಭಜನಾ ಮಹೋತ್ಸವಾಂತು ಭಕ್ತಾದಿ ಲೋಕಾನಿ ವಾಂಟೊ ಘೇವ್ನು ತನು ಮನ ಧನ ಸಹಿತ ಸಹಕಾರ ದಿವನು ಶ್ರೀ ವೀರವಿಠ್ಠಲ ದೇವಾಲೊ ಕೃಪೆಕ ಪಾತ್ರ ಜಾವ್ಕಾ ಮ್ಹೊಣು ಶ್ರೀ ದೇವಳಾಚೆ ಪ್ರಕಟಣೆಂತು ಕಳಯಿಲ್ಯಾ.