ಅನುವಾದ ಪುರಸ್ಕಾರ ಜಾಹೀರ


ವಿಶ್ವ ಕೊಂಕಣಿ ಕೇಂದ್ರಾಚೆ 2025 ವೇ ವರಸಾಚೆ ಡಾ ಪಿ.ದಯಾನಂದ ಪೈ ವಿಶ್ವ ಕೊಂಕಣಿ ರಂಗ ಶ್ರೇಷ್ಟ ಪುರಸ್ಕಾರಾಕ ಗುಲ್ವಾಡಿ ರಾಮದಾಸ ದತ್ತಾತ್ರೇಯ ಭಟ್ ಹಾನಿ ವಿಂಚುನ ಆಯಲಾಂತಿ. ಲ್ಹಾನ ಪ್ರಾಯಾ ದಾಕುನುಚಿ ನಾಟಕಕ್ಷೇತ್ರಾಕ ಆಕರ್ಷಿತ ಜಾಲೆಲೊ ಮಾನೆಸ್ತ ಗುಲ್ವಾಡಿ ಹಾನಿ ಆರತಾಂ ಮೆರೆನ ನಿರಂತರ ಜಾವನ (೮) ಆಟ ದಶಕ ಮೆರೆನ ಸುದೀರ್ಘ ಜಾಲೆಲೆ ಹವ್ಯಾಸಿ ರಂಗಕಲಾಚೆ ಜಿಣೆಂತ ಸಾಂಪ್ರದಾಯಿಕ ಜಾಲೆಲೆ, ವಿಶೇಷ ಜಾವನು ಪೌರಾಣಿಕ ನಾಟಕ (ಪ್ರಚಂಡ ಪರಶು, ಆತ್ಮಲಿಂಗ, ಸಂತ ಜ್ಞಾನೇಶ್ವರ, ತುಲಸಿ ಜಲಂದರ) ಮೇಕ್ ಅಪ್, ಉಜವಾಡು ದಾಕುನು, ಸ್ವಂತ ನಾಟಕ ರಚನಾ, ಅಭಿನಯ, ನಿರ್ದೇಶನ ಸಾಮರ್ಥ್ಯ ಸಾಂಗಾತಾಕ ಮಂಗಳೂರಾ ಥಾವನು ಮುಂಬೈ ಮೆರೆನ ನಾಂವ ಪಾವಿಲೆ ಆಸಾ. ಆರತಾಂ ಹಾನಿ ಗೋಯಾಂತ ರಾಬುನು ಆಸಾತಿ. ಹಾಂಗೆಲೆ ನಾಟಕ ಕ್ಷೇತ್ರಾಂತು ದಿಲೆಲೆ ವಾವ್ರಕ ವಿಶ್ವ ಕೊಂಕಣಿ ಕೇಂದ್ರ, ಡಾ ಪಿ.ದಯಾನಂದ ಪೈ ವಿಶ್ವ ಕೊಂಕಣಿ ರಂಗ ಶ್ರೇಷ್ಟ ಪುರಸ್ಕಾರ ದಿವನು ಮಾನ ಕರತಾತಿ. ತಶೀಂಚಿ 2025ನೇ ವರಸಾಚೆ ಡಾ ಪಿ.ದಯಾನಂದ ಪೈ ಭಾಷಾನುವಾದ ಪುರಸ್ಕಾರಾಕ ಡಾ ಗೀತಾ ಶೆಣೈ ಹಾನಿ ವಿಂಚುನ ಆಯಲಾಂತಿ. ಡಾ ಗೀತಾ ಶೆಣೈ ಹಾನಿ ವಚನ ಸಾಹಿತ್ಯ, ಕನಕದಾಸಾಲೊ ಸಮಗ್ರ ಸಾಹಿತ್ಯ, ಕುವೆಂಪು ಸಾಹಿತ್ಯ ಅಸಲೆ ಬೃಹತ್ ಬಹುಭಾಷಾ ಅನುವಾದ ಕಾರ್ಯಂ, ನಂತಾ 21 ಕೊಂಕಣಿ ಕಾಣಿಯೊ, ಕಾದಂಬರಿ ಸಕಡ ಕನ್ನಡಾಕ , 4 ಕನ್ನಡ ಕೃತಿ ಕೊಂಕಣಿಕ, 16 ಇಂಗ್ಲೀಷ್ ಕೃತಿ ಕನ್ನಡಾಕ ಅನುವಾದ ಕೆಲೆಲೆ ಆಸಾ ತಾಂಗೆಲೆ ಸುಮಾರ (300 ) ತಿನಶಿಂ ಸ್ವ ಲೇಖನ, ಅನುವಾದ ಕೆಲೆಲೆ ಲೇಖನ ಪ್ರಕಟ ಜಾಲೆಲೆ ಆಸಾ. ಕೊಂಕಣಿ ಸಾಹಿತ್ಯ ಭಂಡಾರ ಕನ್ನಡಿಗಾಂಕ ಪರಿಚಯಿಸುನು ದಿವಚೆ ಡಾ ಗೀತಾ ಶೆಣೈ ಹಾಂಗೆಲೀ ಭಾಷಾಂತರ ಸೇವಾ ಮಾನ್ವುನ ಘೆವನು, ವಿಶ್ವ ಕೊಂಕಣಿ ಕೇಂದ್ರಾಚೆ 2025 ವೇ ವರಸಾಚೆ ಡಾ. ಪಿ. ದಯಾನಂದ ಪೈ ವಿಶ್ವ ಕೊಂಕಣಿ ಅನುವಾದ ಪುರಸ್ಕಾರ ದಿವನು ಮಾನ ಕರತಾತಿ.
೨ ಪ್ರಶಸ್ತಿ, ಏಕ ಲಾಖ್ಹ ರುಪಯೊ, ಫಲಕ, ಸನ್ಮಾನ ಶ್ರೀಫಳ, ಶಾಲ ಆಸುನು, ಹೆಂ ದೊನಿಯ್ ಪ್ರಶಸ್ತಿಯೊಂ 08 ತಾರೀಕ್ ಫೆಬ್ರವರಿ 2025 ಟಿ.ವಿ.ರಮಣ ಪೈ ಸಭಾಗೃಹ ಹಾಂಗಾ ಸಂಜೆವೆಳಾ ಚಲಚೆ ವಿಶ್ವ ಕೊಂಕಣಿ ನಾಟಕೋತ್ಸವ ಸಮಾರಂಭಾ ವೆಳಾರಿ ಪ್ರದಾನ ಕರಚೆ ಆಸಾ.
विश्व कोंकणी केंद्राचे २०२५ वे वरसाचे डा. पी. दयानंद पै विश्व कोंकणी रंग श्रेषट
आनी
डा. पी. दयानंद पै विश्व कोंकणी अनुवाद पुरसकार जाहीर
विश्व कोंकणी केंद्राचे २०२५ वे वरसाचे डा पी.दयानंद पै विश्व कोंकणी रंग श्रेषट पुरसकाराक गुलवाडी रामदास दत्तात्रेय भट हानी विंचून आयलांती. ल्हान प्राया दाकुनुची नाटकक्षेत्राक आकरषीत जालेलो मानेसत गुलवाडी हानी आरतां मेरेन निरंतर जावन (८) आट दशक मेरेन सुदीर्घ जालेले हव्यासी रंगकलाचे जिणेंत सांपरदायीक जालेले, विशेष जावनू पौराणीक नाटक (प्रचंड परशू, आत्मलिंग, संत ज्ञानेश्वर, तुलसी जलंदर) मेक अप, उजवाडू दाकुनू, स्वंत नाटक रचना, अभिनय, निर्देशन सामर्थ्य सांगाताक मंगळूरा थावनू मुंबै मेरेन नांव पाविले आसा. आरतां हानी गोयांत राबुनू आसाती. हांगेले नाटक क्षेत्रांतू दिलेले वावरक विश्व कोंकणी केंद्र, डा पी.दयानंद पै विश्व कोंकणी रंग श्रेषट पुरसकार दिवनू मान करताती. तशींची २०२५ने वरसाचे डा पी.दयानंद पै भाषानुवाद पुरसकाराक डा गीता शेणै हानी विंचून आयलांती. डा गीता शेणै हानी वचन साहित्य, कनकदासालो समग्र साहित्य, कुवेंपू साहित्य असले बृहत बहुभाषा अनुवाद काऱ्यं, नंता २१ कोंकणी काणियो, कादंबरी सकड कन्नडाक , ४ कन्नड कृती कोंकणीक, १६ इंगलीष कृती कन्नडाक अनुवाद केलेले आसा तांगेले सुमार (३०० ) तिनशीं स्व लेखन, अनुवाद केलेले लेखन प्रकट जालेले आसा. कोंकणी साहित्य भंडार कन्नडिगांक परिचयिसुनू दिवचे डा गीता शेणै हांगेली भाषांतर सेवा मान्वून घेवनू, विश्व कोंकणी केंद्राचे २०२५ वे वरसाचे डा. पी. दयानंद पै विश्व कोंकणी अनुवाद पुरसकार दिवनू मान करताती.
२ प्रशसती, एक लाखह रुपयो, फलक, सन्मान श्रीफळ, शाल आसुनू, हें दोनीय प्रशसतियों ०८ तारीक फेबरवरी २०२५ टी.वी.रमण पै सभागृह हांगा संजेवेळा चलचे विश्व कोंकणी नाटकोत्सव समारंभा वेळारी प्रदान करचे आसा.