

ಆವರ್ಸಾಂತ್ ಶ್ರೀ ಲಕ್ಷ್ಮೀ ನಾರಾಯಣ ವರ್ಧ ಮಾನ ಮಹೋತ್ಸವ ಸಮಿತಿ ಆನಿ ಶ್ರೀ ರಾಮದಾಸ ಅಚ್ಯುತ್ ಕಾಮತ್
ಚಾರಿಟೇಬಲ್ ಟ್ರಸ್ಟ್ ಹಾಂಗೆಲೆ ಸಹಯೋಗಾರಿ ಜನವರಿ ೧೯ಕ ಪ್ರತಿಭಾ ಪುರಸ್ಕಾರ ತಶೀಚಿ ವಿದ್ಯಾರ್ಥ್ಯಾಂಕ ವಿದ್ಯಾರ್ಥಿ ವೇತನ ವಿತರಣ ಸಮಾರಂಭ ಅವರ್ಸಾಚೆ ಶ್ರೀ ಲಕ್ಷ್ಮೀನಾರಾಯಣ ಸಭಾಭವನಾಂತ್ಲು ಶ್ರೀ ಕಾತ್ಯಾಯಿನಿ ಹೈಸ್ಕೂಲಾಚೆ ನಿವೃತ್ತ ಮುಖ್ಯಾಧ್ಯಪಕ ಜಾಲೀಲೆ ಮನಮೋಹನ ಪ್ರಭು ಹಾಂಗೆಲೆ ನೇತೃತ್ವಾರಿ ಚಲ್ಲೆ. ಸಮಾರಂಭಾಕ ಮುಖೇಲ ಸೊಯರೆ ಜಾವ್ನು ಅಂಕೋಲಾಚೆ ನಾಮಾಧಿಕ ನ್ಯಾಯವಾದಿ ವಿನೋದ ಶ್ಯಾನುಭಾಗ ಆಯ್ಯಿಲೆ. ಶ್ರೀ ರಾಮದಾಸ ಅಚ್ಯುತ್ ಕಾಮತ್ ಚಾರಿಟೇಬಲ್ ಟ್ರಸ್ಟ್ ಹಾಜ್ಜೆ ಮ್ಯಾನೇಜಿಂಗ್ ಟ್ರಸ್ಟಿ ಜಾಲೀಲೆ ದಾನಿ, ಉದ್ಯಮಿ ಜಾಲೀಲೆ ಮಂಗಲದಾಸ ಕಾಮತ್ ತಾನ್ನಿ ಸಮಾರಂಭಾಚೆ ಅಧ್ಯಕ್ಷತಾ ಘೆತ್ತಿಲೆ. ಉದ್ದಿಮೆದಾರ ಜಾಲೀಲೆ ಶ್ರೀ ತುಳಸೀದಾಸ ಕಾಮತ್, ಅವರ್ಸಾ ತಾನ್ನಿ ಸಮಾರಂಭಾಂತು ಉಪಸ್ಥಿತ ವ್ಹರಲೀಲೆ. ವಿವಿಧ ಶೈಕ್ಷಣಿಕ ವಿಭಾಗಾಂತು ಸಾಧನಾ ಕೆಲೀಲೆ ವಿದ್ಯಾರ್ಥ್ಯಾಂಕ ಸನ್ಮಾನ ಕೆಲ್ಲೆ, ಅರ್ಹಾಂಕ ವಿದ್ಯಾರ್ಥಿವೇತನ ವಾಂಟಿಲೆ. ಒಟ್ಟು ೫೦ಪಶಿ ಚ್ಹಡ ವಿದ್ಯಾರ್ಥಿ ಲೋಕ ಹಾಜ್ಜೆ ಮುನಾಪೋ ಘೆತ್ಲೆ. ನಿವೃತ್ತ ಮುಖ್ಯಾಧ್ಯಾಪಕ ಮನಮೋಹನ ಪ್ರಭುರವರು ತಾನ್ನಿ ಪ್ರಾಸ್ತಾವಿಕ ಜಾವ್ನು ಉಲಯಿಲೆ. ರಾಜೇಶ ಶೆಣೈನಿ ಕಾರ್ಯಕ್ರಮ ನಿರೂಪಣ ಕೆಲ್ಲಿ.