ಶ್ರೀ ಕಾಶೀಮಠಾಚೆ ಆಧೀನ ಸಂಸ್ಥೋ ಚಿಕ್ಕಮಗಳೂರಾಚೆ ಶ್ರೀ ಶಾರದಾ ಪೈ ಕಲ್ಯಾನ ಮಂಟಪಾಂತು ಶ್ರೀ ಗುರುಪೂರ್ಣಿಮಾ ಕಾರ್ಯಕ್ರಮು ದಿನಾಂಕ ೨೯-೦೭-೨೦೨೬ ದಿವಸು ಚಲ್ತಾ ಮ್ಹೋಣು ಮಾಹಿತಿ ಮೆಳ್ಳಾ. ತತ್ಸಂಬಂಧ ಶ್ರೀ ಗಣಪತಿ ಹೋಮು ಆನಿ ಶ್ರೀ ಸತ್ಯನಾರಾಯಣ ವ್ರತ ಪೂಜೆಚೆ ಆಯೋಜನ ಕೆಲ್ಲ್ಯಾ. ಹೇ ವೇಳ್ಯಾರಿ ಸಕ್ಕಾಣಿ ೧೦ ಘಂಟ್ಯಾಕ ದೇವಮಾಗಣಿ, ಶ್ರೀ ಗಣಪತಿ ಹೋಮ ಆನಿ ಮಾಗಿರಿ ಪೂರ್ಣಾಹುತಿ, ಸಾಂಜವಾಳಾ ೫ ಘಂಟ್ಯಾಕ ಶ್ರೀ ಸತ್ಯನಾರಾಯಣ ವ್ರತ, ಮಾಗಿರಿ ಸಭಾಕಾರ್ಯಕ್ರಮ,ವಿದ್ಯಾರ್ಥಿ ವೇತನ ವಾಂಟಪ, ಸಾಂಜವಾಳಾ ೭ ಘಂಟ್ಯಾಚಾನ ಮಂಗಳೂರ್ಚೆ ಶ್ರೀ ಉಪೇಂದ್ರ ಮಲ್ಯ ಆನಿ ತಂಡಾಚಾನ ಶ್ರೀನಿವಾಸ ಕಲ್ಯಾಣ ನೃತ್ಯ ರೂಪಕ ಪ್ರದರ್ಶನ ಚಲ್ತಾ.
ರಾತ್ತಿಕ ೮ ಘಂಟ್ಯಾಕ ಶ್ರೀ ಗುರು ಪೂಜಾ ಪಾದುಕಾ ಪೂಜನ, ಶ್ರೀ ಗುರುಕಾಣಿಕಾ ಸಮರ್ಪಣ, ಮಹಾಮಂಗಳಾರತಿ, ಪ್ರಸಾದ ವಾಂಟಪ ಆನಿ ಸಂತರ್ಪಣ ಕಾರ್ಯಕ್ರಮು ಚಲ್ತಾ. ಸಮಸ್ತ ಸ್ವ ಸಮಾಜ ಬಾಂದವಾನಿ ಹೇ ಸರ್ವ ಕಾರ್ಯಕ್ರಮಾಂತು ತನು-ಮನ-ಧನ ಪೂರ್ವಕ ವಾಂಟೊ ಘೇವ್ನು ಹರಿ-ಗುರು ಕೃಪೇಕ ಪಾತ್ರ ಜಾವ್ಕಾ ಮ್ಹೊಣು ವಿನಂತಿ ಆಸ್ಸಾ. ಚಡ್ತೆ ಮಾಹಿತಿಕ ೦೮೨೬೨-೨೩೩೬೮೯ ಹಾಂಗಾಕ ಸಂಪರ್ಕ ಕೊರಯೇತ.