ಕೋಂಕಣೀ ಭಾಶೇನ ವ್ಹಡಲೋ ಉಸ್ವಾಸ ಘೇತಲಾ, ಕೋಂಕಣೀಚೋ ಗರ್ಜನಾ ಅರಬೀ ದರ್ಯಾಚ್ಯಾ ಲ್ಹಾರಾಂನೀ ಪ್ರತಿಧ್ವನೀತ ಜಾತಾ. ಕೋಂಕಣೀ ಭಾಸ ಅಸ್ತಂತ ದರ್ಯಾದೇಗೇರ ಆಪಲೋ ಸುಗಂಧ ಪಾತಳಾವಪಾಕ ಲಾಗಲ್ಯಾ. ಅಸ್ಸಾಲೆ ಭಾಶೇಂತ ಕೋಂಕಣೀ ಸಬ್ದಾ ಸಂಪತ್ತಿ ಶಬ್ದಕೋಶ ಏಕ ಅದ್ಭುತ ಮಾರ್ಗದರ್ಶಕ ಫಾತರ ಜಾತಲೋ ಹಾತೂಂತ ದುಬಾವ ನಾ ಅಶ್ಶಿ ಮ್ಹೊಣು ಮಂಗಳೂರಚ್ಯಾ ಕ್ಯಾಥಲಿಕ ಧರ್ಮಪ್ರಾಂತ್ಯಾಚೊ ಧರ್ಮಾಧ್ಯಕ್ಷ ಅ.ವಂ.ಸ್ವಾ. ಪೀಟರ್ ಪಾವ್ಲ್ ಸಲ್ಡಾನ್ಹಾ ತಾನ್ನಿ ಸಾಂಗ್ಲೆ. ತಾನ್ನಿ ಜುಲಾಯ ೨೧ಕ ಕರ್ನಾಟಕ ಕೋಂಕಣೀ ಸಾಹಿತ್ಯ ಅಕಾದೇಮೀನ ಛಾಪೂನ, ಪ್ರಕಟ ಕೆಲೀಲೊ ಸಬ್ಧಾ ಸಂಪತ್ತೀ ಪುಸ್ತಕ ಲೋಕಾರ್ಪಣ ಕೊರನು ಉಲಯತಾಲೆ. ಮುಖೇಲ ಸೋಯರೋ ಜಾವ್ನು ಆಯಲೀಲೊ ಶ್ರೀ ಪಿ.ವಿ. ಮೋಹನ, ತಾನ್ನಿ ಉಲೋನುಧ್ವನೀ ಜಾಂವೊ ಶಬ್ಧ ಹೇಂ ಜಗಾಚೇಂ ಮುಳಾವೇಂ ಸತ್ಯ, ಆವಾಜ ಹೋ ಏಕ ವ್ಹಡ ಆವಿಶ್ಕಾರ. ತ್ಯಾ ಉತರಾಚೇಂ ಸಂಪಾದನ ಕರಪ ಆನೀ ಪರ್ಯಾಯವಾಚೀ ಆನೀ ವಿರುದ್ಧಾರ್ಥೀ ಶಬ್ದ ತಯಾರ ಕರಪ ಹೇಂ ಖರೇಂಚಿ ಸವಾಲಾಚೆ ಕಾಮ. ಹೇ ಬಾಬತೀಂತ ಸಂಪಾದಕಾಂನೀ ಆನೀ ಅಕಾದೇಮೀನ ಖೂಬ ಯತ್ನ ಕೇಲ್ಯಾತ. ತೇ ಖಾತೀರ ಹ್ಯಾ ಸಂದರ್ಭಾರ ಅಕಾದೇಮೀಚ್ಯಾ ಅಧ್ಯಕ್ಷ ಆನೀ ವಾಂಗಡ್ಯಾಂಕ ಹಾಂವ ಪರಬೀಂ ದಿತಾಂ. ಮ್ಹಳ್ಳೆ.
ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಉಲೋನು “ಕರ್ನಾಟಕ ಕೋಂಕಣೀ ಸಾಹಿತ್ಯ ಅಕಾದೇಮೀ ಕೋಂಕಣೀ ಭಾಸ, ಸಾಹಿತ್ಯ ಆನೀ ಸಂಸ್ಕೃತಾಯೇಚೇ ಉದರಗತೀ ಖಾತೀರ ಖೂಬ ವಾವುರತಾ, ಆನೀ ಆನೀಕ ಕಿತಲೇಶೇಚ ಪುಸ್ತಕ ಛಾಪಪಾಚೇ ಪ್ರಕ್ರಿಯೇಂತ ಆಸಾತ ಮ್ಹಳ್ಳೆ.
ವೆದಿಕೇರ ಮಾನಾಚೇ ಸೋಯರೇ ಜಾವ್ನು ಅಲೋಶಿಯಸ್ ವಿದ್ಯಾಸಂಸ್ಥೆಂಚೆ ರೆಕ್ಟರ್ ಫಾ.ಬ್ರಾಯನ್ ಪಿರೇರಾ, ಕುಲಪತಿ ಫಾ. ಡಾ. ಪ್ರವೀಣ್ ಮಾರ್ಟಿಸ್, ತುಳು ಅಕಾಡೆಮಿ ಅಧ್ಯಕ್ಷ ತಾರನಾಥ ಗಟ್ಟಿ ಉಪಸ್ಥಿತ ವ್ಹರಲೀಲೆ.
ಅಕಾಡೆಮಿಚೆ ರಿಜಿಸ್ಟ್ರಾರ್ ರಾಜೇಶ್ ಜಿ. ತಾನ್ನಿ ಯೆವಕಾರ ಕೆಲ್ಲಿ. ಫಾ.ಪ್ರಶಾಂತ್ ಮಾಡ್ತ ತಾನ್ನಿ ಪ್ರಾಸ್ತಾವಿಕ ಉತ್ರ ಉಲಯಿಲಿ. ರೋಶನ್ ಕ್ರಾಸ್ತಾ ತಾನ್ನಿ ಕಾರ್ಯಕ್ರಮಾಚೆ ಸ್ವರಸಂಚಾಲನ ಕೆಲ್ಲಿ. ಫ್ಲೋರಾ ಕ್ಯಾಸ್ತಲಿನೊ ತಾನ್ನಿ ಆಬಾರ ಮಾನ್ಲೆ. ಹೇ ಕಾರ್ಯಕ್ರಮಾಕ ಸಂತ ಅಲೋಶಿಯಸ್ ಪರಿಗಣಿತ ವಿಶ್ವವಿದ್ಯಾಲಯಾಚಾನ ಸಹಯೋಗ ದಿಲೀಲೆ.