ಜಿ‌ಎಸ್‌ಬಿ ಸ್ಕಾಲರ್‌ಶಿಪ್ ಲೀಗ್ ತರಪೇನಿ ವಿಶೇಷ ಎಂಡೋವ್‌ಮೆಂಟ್ ವಿದ್ಯಾರ್ಥಿವೇತನ

ಮುಂಬೈಚೆ ಜಿ‌ಎಸ್‌ಬಿ ಸ್ಕಾಲರ್‌ಶಿಪ್ ಲೀಗ್ ತರಪೇನಿ ಗುಯ್ಲಾಯ್ಲಾ ಮೆಮೋರಿಯಲ್ ಫಂಡ್ ಸಕ್ಕಲ ವೈದ್ಯಕೀಯ ತಶೀಚಿ ಪ್ಯಾರಾಮೆಡಿಕಲ್ ವಿದ್ಯಾರ್ಥಿ ಖಾತ್ತಿರಿ ವಿಶೇಷ ಎಂಡೋವ್‌ಮೆಂಟ್ ವಿದ್ಯಾರ್ಥಿವೇತನ ಘೋಷಣ

ಜಿ‌ಎಸ್‌ಬಿ ಸ್ಕಾಲರ್‌ಶಿಪ್ ಲೀಗ್, ಆಪಣೇಲೆ ಗೌರವಾನ್ವಿತ ಹಿತೈಷಿ ಜಾಲೀಲೆ ಡಾ. ಮಂಗೇಶ್ ರಾಜಾರಾಮ್ ಗಾಯ್ತೊಂಡೆ ಆನಿ ಶ್ರೀಮತಿ ಲೈಲಾ ಮಂಗೇಶ್ ಗಾಯ್ತೊಂಡೆ ತಾಂಗೆಲೆ ಉದಾರ ದೇಣಿಗೆನಿ ಸ್ಥಾಪನ ಕೆಲೀಲೆ ವಿಶೇಷ ಎಂಡೋವ್‌ಮೆಂಟ್ ನಿಧಿ ಖಬರ ಬರಪೂರ ಸಂತೋಷಾನಿ ಘೋಷಣ ಕರತಾ ಆಸ್ಸಾ.

ಹೇ ಸಮರ್ಪಿತ ನಿಧಿಕ ಆರ್ಥಿಕ ಜಾವ್ನು ದುರ್ಬಲ ಜಾವನಾಸಲೇರಿಚಿ ಪ್ರತಿಭಾವಾನ ಜಾಲೀಲೆ ಮೆಡಿಕಲ್ (ವೈದ್ಯಕೀಯ) ಆನಿ ಪ್ಯಾರಾಮೆಡಿಕಲ್ (ಅರೆವೈದ್ಯಕೀಯ) ಶಿಕ್ಷಣ ಘೆತ್ತರಿ ಆಸ್ಸುಚೆ ವಿದ್ಯಾರ್ಥ್ಯಾಂಕ ಮದತ್ ದಿವ್ಚೆ ಉದ್ದೇಶಾನಿ ಸ್ಥಾಪನ ಕೆಲ್ಲ್ಯಾ. ಹೇ ನಿಧಿ ತಾಕೂನು ಮೆಳ್ಚೆ ಆದಾಯ ವೈದ್ಯಕೀಯ, ಆರೋಗ್ಯ ಸೇವಾ ತಶೀಚಿ ಸಂಬಂಧಿತ ಆರೋಗ್ಯ ವಿಜ್ಞಾನ ಕೋರ್ಸಾಂತು ವ್ಯಾಸಂಗ ಕರತಾ ಆಸ್ಸುಚೆ ವಿದ್ಯಾರ್ಥಿ ಲೋಕಾಂಗೆಲೆ ಬರೆಂಪಣಾಕ ಮಾತ್ರ ವಾಪರಚೆ ಜಾವ್ನಾಸ್ಸಾ.
ಹೇ ವಿದ್ಯಾರ್ಥಿ ವೇತನ ಘೆವಚಾಕ ಅರ್ಹ ಕೋಸ್ : ವೈದ್ಯಕೀಯ ಪದವಿ ಕೋರ್ಸ್ ಜಾಲೀಲೆ MBBS, BDS, BHMS, BAMS, BPT

ಆನಿ ಅರ್ಹ ಪ್ಯಾರಾಮೆಡಿಕಲ್ ತಶೀಚಿ ಅಲೈಡ್ ಹೆಲ್ತ್ ಸೈನ್ಸ್ ಕೋರ್ಸ್ : B.Sc. Radiotherapy, Optometry, Neuro Electrophysiology, Accident & Emergency Care, Dialysis Technology, Critical Care Technology, Cardiac Care Technology, Respiratory Therapy, Occupational Therapy, Speech Therapy, Nursing, Hospital Administration & Management

ತಶೀಚಿ ಮಾನ್ಯತಾ ಘೆತ್ತಿಲೆ ವೆಗಳೆ ಆರೋಗ್ಯ ಆನಿ ಅಲೈಡ್ ಮೆಡಿಕಲ್ ಕೋರ್ಸ್. ವಯ್ರಿ ಸಾಂಗಿಲೆ ಸರ್ವ ಕೋರ್ಸಾಂತು ಖಂಚೇಯಿ ವರ್ಷಾಚೆ ವ್ಯಾಸಂಗ ಕರತಾ ಆಸ್ಸುಚೆ ವಿದ್ಯಾರ್ಥಿ ಲೋಕಾನಿ ಅರ್ಜಿ ಘಾಲಚಾಕ ಆಪೋವ್ಣಿ ದಿತ್ತಾತಿ.

ಅರ್ಜಿ ಪ್ರಕ್ರಿಯಾ : ಮುಖಾರಿ ಯವಚೆ ಶೈಕ್ಷಣಿಕ ವರ್ಷಾಚೆ GSB Scholarship League Student Application Form 2026, ಆಗಸ್ಟ್ ೧ ತಾಕೂನು ಲಭ್ಯ ಆಸ್ತಾ.

ಆರ್ಥಿಕ ಸಂಕಷ್ಟಾಂತು ಆಸ್ಸುಚೆ ತಶೀಚಿ ವಿದ್ಯಾರ್ಥಿವೇತನಾಚೆ ಮದತ್ತಾಚೆ ಅಪೇಕ್ಷಾ ಕೊರಚೆ ವಿದ್ಯಾರ್ಥ್ಯಾಂನಿ ಸಕ್ಕಲ ದಿಲೀಲೆ ಇ-ಮೇಲ್ ಐಡಿ ಕ ಅರ್ಜಿ ನಮೂನೋ ಘೆವಯೇತ. info@gsbscholarshipleague.org

ಅರ್ಜಿದಾರಾನಿ ಅರ್ಜಿ ಘಾಲತಾನಾ ಲೀಗ್ ತರಪೇನಿ ದಿಲೀಲೆ ಸರ್ವ ಸೂಚನಾ ತಶೀಚಿ ಮಾರ್ಗಸೂಚಿ ಸಕ್ಕಡ ಜಾಗೃತೇರಿ ಪಾಲನ ಕೊರಕಾ ಮ್ಹೊಣು ಕಳಯಲಾ.
ಭವಿಷ್ಯಾಚೆ ಆರೋಗ್ಯ ಸೇವಾ ವೇವಸಾಯಿಕಾಂ ಮದೀಂ ಗುಂತವಣೂಕ ಕರಪ
ಹೇ ಉದಾರ ಎಂಡೋವ್‌ಮೆಂಟ್ ಮುಖಾಂತರ ಜಿ‌ಎಸ್‌ಬಿ ಸ್ಕಾಲರ್‌ಶಿಪ್ ಲೀಗ್, ಸಮಾಜ ಸೇವೆಚೆ ಸಪನ ಆಸ್ಸುಚೆ ಪ್ರತಿಭಾವಂತ ತಶೀಚಿ ಅರ್ಹ ವಿದ್ಯಾರ್ಥಿಂಕ ಉತ್ತೇಜನ ಕೊರಚೆ ಆಪಣೇಲೆ ಬದ್ಧತಾ ಆನ್ನೇಕ ಪಂತಾ ಖರೇ ಕರತಾ ಆಸ್ಸಾ. ಮುಖಾವಯಲೆ ಪೀಳ್ಗಿಚೆ ಆರೋಗ್ಯ ಸೇವಾ ವೃತ್ತಿಪರಾಂಕ ವಾಡೊವಚಾಕ ಅಮೂಲ್ಯ ಪಯಶಾಂಚೇಂ ದಾನ ದಿಲೀಲೆ ಡಾ. ಮಂಗೇಶ್ ರಾಜಾರಾಮ್ ಗಾಯ್ತೊಂಡೆ ಆನಿ ಶ್ರೀಮತಿ ಲೈಲಾ ಮಂಗೇಶ್ ಗಾಯ್ತೊಂಡೆ ತಾಂಕಾ ಹೃತ್ಪೂರ್ವಕ ಕೃತಜ್ಞತಾ ಪಾವಯತಾ ಆಸ್ಸಾತಿ ಮ್ಹೊಣು ಜಿಬಿ‌ಎಸ್ ಸ್ಕಾಲರ್‌ಶಿಪ್ ಲೀಗಾಚೆ ಅಧ್ಯಕ್ಷೆ ಗೀತಾ ಆರ್. ಪೈ ತಾನ್ನಿ ಪ್ರಕಟಣೆಂತು ಕಳಯಲಾ.