ದಿನಾಂಕ ೧೫-೦೫-೨೦೨೬ ಕ ಸಂತಕವಿ ಕನಕದಾಸ ಆನಿ ತತ್ವಪದಕಾರರ ಅಧ್ಯಯನ ಕೇಂದ್ರ ಬೆಂಗಳೂರು ಹಾಂಗೆಲೆ ತರಪೇನಿ ಬೆಂಗಳೂರ್ಚೆ ಮಲ್ಲತ್ತಹಳ್ಳಿ ಕಲಾಗ್ರಾಮಾಂತು ಆಯೋಜನ ಕೆಲೀಲೆ ಕನಕದಾಸರ ಸಮಗ್ರ ಸಾಹಿತ್ಯ ಅನುವಾದ ಸಂಪುಟಗಳ ೪೦ ಕೃತಿಗಳ ಬಿಡುಗಡೆ ಮತ್ತು ಕನಕ ಶಿಲ್ಪವನ ಅನಾವರಣ ಕರ್ನಾಟಕ ರಾಜ್ಯಾಚೆ ಮುಖ್ಯಮಂತ್ರಿ ಜಾಲೀಲೆ ಶ್ರೀ ಸಿದ್ಧರಾಮಯ್ಯ ತಾನ್ನಿ ಚಲಯಿಲೆ. ೧೪ ಭಾಷೆಂತು ಕನಕದಾಸಾಂಗೆಲೆ ಸಾಹಿತ್ಯ ಅನುವಾದ ಕೆಲೀಲೆ ಆಸ್ಸುನು, ಸುರವೇ ಪಂತಾ ಕನಕದಾಸಾಂಗೆಲೊ ಸಾಹಿತ್ಯ ಕೊಂಕಣಿ ಭಾಷೆಂತೂ ಅನುವಾದ ಕೆಲ್ಲ್ಯಾ.. ಕೊಂಕಣಿ ಭಾಷೆಚೆ ಕೃತಿಕ ಡಾ| ಗೀತಾ ಶೆಣೈ ಸಂಪಾದಕಿ ಜಾವ್ನಾಶ್ಶಿಲೆ. ಸಬಾರ ಕೊಂಕಣಿ ಸಾಹಿತಿ ಲೋಕಾನಿ ಭಾಷಾಂತರ ಕಾರ್ಯಾಂತು ವಾಂಟೊ ಘೆತ್ತಿಲೆ.
ಕೊಂಕಣಿ ಆವೃತ್ತಿಚೆ ಕೃತಿಕ ಮುಖ್ಯಮಂತ್ರಿ ಶ್ರೀ ಸಿದ್ದರಾಮಯ್ಯ ತಾಂಗೆಲೆ ತಾಕೂನು ಕೊಂಕಣಿ ಅಕಾಡೆಮಿಯ ಅಧ್ಯಕ್ಷರಾದ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಸ್ವೀಕಾರ ಕೆಲ್ಲಿ.
ಸಮಾರಂಭಾಂತು ಕನ್ನಡ ಆನಿ ಸಂಸ್ಕೃತಿ ಇಲಾಖಾ ಸಚಿವ ಜಾಲೀಲೆ ಶಿವರಾಜ್ ಎಸ್. ತಂಗಡಗಿ, ಕನಕದಾಸ ಅಧ್ಯಯನ ಕೇಂದ್ರಾಚೆ ಅಧ್ಯಕ್ಷ ಕಾ.ತಾ. ಚಿಕ್ಕಣ್ಣ ತಶೀಚಿ ಇನ್ನಿತರ ಗಣ್ಯ ಉಪಸ್ಥಿತ ವ್ಹರಲೀಲೆ.
ಮೋಹನ ತರಂಗಿಣಿ, ಕನಕದಾಸರ ಕೀರ್ತನೆಗಳು ಮತ್ತು ಮುಂಡಿಗೆಗಳು, ನಳಚರಿತ್ರೆ, ಹರಿಭಕ್ತ ಸಾರ ಆನಿ ರಾಮಧಾನ್ಯ ಚರಿತ್ರೆ ಹೇ ಕೃತಿ ಕೊಂಕಣಿ ಭಾಷೆಕ ಅನುವಾದ ಜಾಲ್ಲ್ಯಾ.