ಮಂಗಳೂರ್ಚೆ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನಿ, ಅಕಾಡೆಮಿ ಸಭಾಂಗಣಾಂತು ಜುಲೈ ೦೪, ೨೦೨೬ ದಿವಸು ‘ಕಾವ್ಯಾಂ ವ್ಹಾಳೊ-೧೬’ ಕವಿಗೋಷ್ಟಿ ಚಲ್ಲೆ. ಅಕಾಡೆಮಿ ಅಧ್ಯಕ್ಷ ಜಾಲೀಲೆ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಕಾರ್ಯಕ್ರಮಾಚೆ ಅಧ್ಯಕ್ಷ ಪಣ ಘೆತ್ತಿಲೆ. ತಾನ್ನಿ ಪ್ರಾಸ್ತಾವಿಕ ಜಾವ್ನು ಉಲೋನು, ಸಕಾಡ್ಯಾಂಕ ಯವಕಾರ ಕೆಲ್ಲಿ.
ಮುಖೇಲ ಸೊಯರೆ ಜಾಲೀಲೆ ಕೈಗಾರಿಕೆ ಆನಿ ವಾಣಿಜ್ಯ ಇಲಾಖೆ, ಮಂಗಳೂರು ಹಾಜ್ಜೆ ಜಂಟಿ ನಿರ್ದೇಶಕ ಜಾಲೀಲೆ ಗೋಕುಲ್ ದಾಸ್ ನಾಯಕ್ ತಾನ್ನಿ ಉಲೋವನು “ಏಕಳೋ ಕವಿಲೆಂ ದೃಷ್ಟಿಕೋನ ಸಮುದ್ರಾಚೆ ಗುಂಡಾಯಾ ಪಶಿ ಚ್ಹಡ, ಅಸ್ಸಲೆ ಸಬಾರ ಪಾನ್ನಾ ಮಾಕಸೀಚೆ ಮ್ಹಾಲ್ಗಡೆ-ದಾಕಲೆಂ ಸಾಹಿತಿ, ಕವಿ ತಶೀಚಿ ಬರೋಪಿಂಕ ಗುರ್ತು ಕೊರಚೆ ಕಾರ್ಯ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಕರತಾ ಆಸ್ಸುಚೆ ಸಂತೋಷಾಚೆ ವಿಚಾರ ಮ್ಹೊಣು ಅಕಾಢಮಿಚೆ ಕಾರ್ಯಾಕ ಶ್ಲಾಘನ ಕೆಲ್ಲಿ. ಹೇಂಚಿ ವೇದಿಕೆರಿ ಕೊಂಕಣಿಚೆ ಮ್ಹಾಲಗಡೆ ಬ್ರಾಸ್ ಬ್ಯಾಂಡ್ ಕಲಾವಿದ ಶ್ರೀ ಮೆಲ್ವಿನ್ ಡಿಸೋಜಾ ಹಾಂಕಾ ಆತ್ಮೀಯ ಜಾವ್ನು ಸತ್ಕಾರು ಕೆಲ್ಲೊ.
ಖ್ಯಾತ ಕವಯಿತ್ರಿ ಶ್ರೀಮತಿ ಡಾ.ಡಿಂಪಲ್ ಜೆನಿಫರ್ ಫೆರ್ನಾಂಡಿಸ್ ತಾನ್ನಿ ಕವಿಗೋಷ್ಟಿ ಚಲೋವನು ದಿವನು ಕವಿ, ಕವಿತಾ ಖಾತ್ತಿರಿ ಸವಿಸ್ತಾರ ಜಾವ್ನು ಸಾಂಗ್ಲೆ. ಎಡಿ ಕಾಡ್ದೊಸ್ ತಾಕೊಡೆ, ಜಯಶ್ರೀ ಶೆಣೈ, ರಾಮಚಂದ್ರ ಪೈ, ಜೆನೆಲಿಯಾ ಡಿ ಅಲ್ಮೇಡಾ, ಗ್ರೇಶಿಯನ್ ಪಾಲಡ್ಕ, ಸೋನಿಯಾ ಡಿಕೋಸ್ತ, ರಾಘವೇಂದ್ರ ಪ್ರಭು ಕರ್ವಾಲು, ಜ್ಯೂಲಿಯೆಟ್ ಫೆರ್ನಾಂಡಿಸ್, ರೇಮಂಡ್ ಡಿಕೂನಾ, ತಾಕೊಡೆ, ಅಲನಿ ಡಿಸೋಜ, ವಿಲಿಯಂ ಮಾಡ್ತಾ ಅಲ್ಲಿಪಾದೆ ಆನಿ ಅಜಯ್ ಡಿಸೋಜ ಹಾನ್ನಿ ಆಪಣೇಲೆ ಕವಿತಾ ವಾಚನ ಕೆಲ್ಲಿ. ಅಕಾಡೆ ಸದಸ್ಯ ಜಾಲೀಲೆ ಶ್ರೀಮತಿ ಸಪ್ನಾ ಮೇ ಕ್ರಾಸ್ತಾ ತಾನ್ನಿ ಕಾರ್ಯಕ್ರಮ ನಿರೂಪಣ ಕೊರನು ಆಬಾರ ಮಾನಲೆ. ಸದಸ್ಯ ಜಾಲೀಲೆ ಶ್ರೀ ರೊನಾಲ್ಡ್ ಕ್ರಾಸ್ತಾ, ಶ್ರೀ ನವೀನ್ ಲೋಬೊ ಉಪಸ್ಥಿತ ವ್ಹರಲೀಲೆ.