ಹಿಂದೂ ಧಾರ್ಮಿಕ ಪ್ರಚಾರ ಆನಿ ಪ್ರಗತಿಕ ಮಾಕಸೀಚೆ ಸಬಾರ ವರಸಾಚಾನಿ ನಾನಾ ನಮೂನ್ಯಾನಿ ವಾವರೋ ಕರತಾ ಆಶ್ಶಿಲೆ ಉಡುಪಿ ಒಳಕಾಡಾಂತು ಆಸ್ಸುಚೆ ಅನಂತವೈದಿಕ ಕೇಂದ್ರಾಂತು ವೇದಮೂರ್ತಿ ಚೇಂಪಿ ರಾಮಚಂದ್ರ ಭಟ್ ನೇತೃತ್ವಾರಿ ಆರತಾಂ ಏಕ ಆಠ್ವಡೆ ಕಾಲಾಚೆ ನವೀನ ಜಾವ್ನು ಮೂಂಜಿ ಜಾಲೀಲೆ ವಟುಂಕ ಸಂದ್ಯಾವಂದನಾ ಶಿಬಿರ ಉಚಿತ ಜಾವನು ಆಯೋಜನ ಕೆಲೀಲೆ. ನೂತನ ವಟುಂಕ ಮಂತ್ರ ಪಠಣ, ದೇವತಾ ಪೂಜಾ ವಿಧಿ ವಿಧಾನ ಆದಿ ಮಾಹಿತಿ ಮನಾಕ ವಚ್ಚೆ ವರಿ ಕೊಳೋನು ದಿಲ್ಲಿ. ಅಸ್ಸಾಲೆ ಶಿಬಿರ ತಾಕೂನು ಚರಡುಂವಾಲೆ ವಿದ್ಯಾಭ್ಯಾಸ ತಶೀಚಿ ಬೌದ್ಧಿಕ ವಾಡಪಣಾಕ ಮದತ್ ಮೆಳ್ಚೆ ಆಸ್ಸುನು ಪರತ ಮೇ ಮ್ಹಹಿನ್ಯಾಂತು ಅಸ್ಸಲೇಚಿ ಸಂದ್ಯಾವಂದನಾ ಶಿಬಿರ ಆಯೋಜನ ಕರತಾತಿ ಮ್ಹೊಣು ಕಳಯಿಲಾ.