ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನಿ, ಅಕಾಡೆಮಿ ಸಭಾಂಗಣಾಂತು ಮಾರ್ಚ್ ೧೪, ೨೦೨೬ ದಿವಸು ‘ಕಾವ್ಯಾಂ ವ್ಹಾಳೊ-೧೨’ ಶೀರ್ಷಿಕೇರಿ ಕವಿಗೋಷ್ಟಿ ಚಲ್ಲಿ. ಅಕಾಡೆಮಿ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಅಧ್ಯಕ್ಷಪಣ ಘೆತ್ತಿಲೆ. ತಾನ್ನಿ ಪ್ರಾಸ್ತಾವಿಕ ಉತ್ರ ಉಲಯತಾ ಪಯಲೇನ ೨೦೨೫ ಇಸ್ವೆಂತು ಅಂತರಾಷ್ಟ್ರೀಯ ಬಾಯಲಾಲೊ ದಿನಾಚರಣೆ ವೇಳ್ಯಾರೊ ಶೂರ ಕೆಲೀಲೆ ಆಸ್ಸುನು, ಆಜಿಽಕ ಕಾವ್ಯಾಂ ವ್ಹಾಳೊ ಹಾಜ್ಜೆ ಬಾರಾವೇಂ ಆವೃತ್ತಿಕ ಯವ್ನು ಪಾವ್ಲಿಂತಿ ಮ್ಹೊಣು ಆನಂದ ವ್ಯಕ್ತ ಕೊರನು, ಸಕಡಾಂಕ ಯವಕಾರ ಕೆಲ್ಲಿ. ಮುಖೇಲ ಸೊಯರೆಂ ಕೊಂಕಣಿಚೆ ನಾಮಾಧಿಕ ಮ್ಹಾಲ್ಗಡೆ ನಟ ಶ್ರೀ ಎಡೊಲ್ಫಸ್ ಕುಟಿನ್ಹಾ(ಡೊಲ್ಲಾ ಮಂಗಳೂರು) ಹಾನ್ನಿ ಉಲೋನುನಟನೇಂತು ವಿಶಾಲ ಶ್ರೇಣಿಚೆ ಕುಶಲತಾ ಮೇಳ್ನು ಆಸ್ಸುನು, ಹಾಂತು ಉದರ್ಗತಿ ಪಾವ್ವಿಲೆ `ಕಲ್ಪನಾ, ಭಾವನಾತ್ಮಕ ಮೇಳಾಯಿ, ದೈಹಿಕ ಅಭಿವ್ಯಕ್ತತಾ, ಗಾಯ್ಚೆ ಆನಿ ಸ್ಪಷ್ಟ ಉತ್ರ ತಶೀಚಿ ನಾಟಕ ಕೋಳ್ನು ಘೆವ್ಚೆ ಸಾಮರ್ಥ್ಯ ಮೆಳ್ಳಾ.ಆನಿ ಕೊಂಕಣಿಚೆ ಕಲಾರಾಧಕಾಂಕ ಸರ್ವ ಕ್ಷೇತ್ರಾಚೆ ಅನುಭವಿ ಕೊಂಕಣಿ ಮನುಷ್ಯಾಕ ಸೊದ್ದುನು ತಾರೀಪು ಕೊರ್ಚೆ ತಸ್ಸಾಲೆ ಕಾಮ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಕರ್ತಾ ಆಸ್ಸಾ. ಹಾಂಕಾ ದೇವು ಬರೆಂ ಕೊರೊಂ ಮ್ಹಳ್ಳೆ.
ಕೊಂಕಣಿ ಭಾಷೆಚೆ ಮ್ಹಾಲ್ಗಡಿ ಕಾರ್ಯಕರ್ತೆ ತಶೀಚಿ ನಾಮಾಧಿಕ ನಟಿ, ಕವಯತ್ರಿ ಶ್ರೀಮತಿ ಗೀತಾ ಸಿ ಕಿಣಿ ಹಾಂಕಾ ಸನ್ಮಾನ ಕೆಲ್ಲಿ. ಹೇ ವೇಳ್ಯಾರಿ ಕವಯತ್ರಿ ಶ್ರೀಮತಿ ಸಲೋಮಿ ಡಿಸೋಜಾ ತಾನ್ನಿ ಕವಿಗೋಷ್ಟಿ ಚಲೋನು ಕವಿ, ಕಾವ್ಯಾ ಖಾತ್ತಿರಿ ಸವಿಸ್ತಾರ ವಿವರ ದಿಲ್ಲೆ. ವಲೇರಿಯನ್ ಸಿಕ್ವೇರಾ, ಮೆಲ್ವಿನ್ ವಾಸ್ ನೀರ್ಮಾರ್ಗ, ಪ್ಲಾವಿಯಾ ಕ್ಯಾಸ್ತಲಿನೊ, ಆಂಟನಿ ಲುವಿಸ್ ಮಣಿಪಾಲ, ರೋಶನ್ ಕ್ಯಾಸ್ತಲಿನೊ, ಶೈಲಾ ಮಂಗ್ಳೂರ್ಕರ್, ಸ್ಟ್ಯಾನಿ ಡಿಸೋಜಾ, ಸತ್ಯವತಿ ಕಾಮತ್, ಸುವರ್ಣ ಗಾಡ ಹೊನ್ನಾವರ ಮತ್ತು ಪೂರ್ಣಿಮಾ ಸುರೇಶ್ ನಾಯಕ್ ತಾನ್ನಿ ಸ್ವರಚಿತ ಕಾವ್ಯ ವಾಚನ ಕೆಲ್ಲಿ. ಅಕಾಡೆಮಿ ಸದಸ್ಯ ಶ್ರೀ ರೊನಾಲ್ಡ್ ಕ್ರಾಸ್ತಾ ತಾನ್ನಿ ಕಾರ್ಯಕ್ರಮಾಚೆ ಸ್ವರಸಂಚಲನಾ ಕೊರನು ಆಬಾರ ಮಾನಲೆ. ಸದಸ್ಯ ಶ್ರೀ ಸಮರ್ಥ್ ಭಟ್, ಶ್ರೀ ನವೀನ್ ಲೋಬೊ, ಶ್ರೀಮತಿ ಅಕ್ಷತಾ ನಾಯಕ್ ಉಪಸ್ಥಿತ ವ್ಹರಲೀಲೆ.