ಶ್ರೀ ಕಾಶಿ ಮಠಾಧೀಶ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೊ ವಿಶ್ವಾವಸು ನಾಮ ಸಂವತ್ಸರಾಚೆ ಚಾತುರ್ಮಾಸಾಚೆ ಸಾಮಾಜಿಕ ಕಾರ್ಯಕ್ರಮ ನಿಮಿತ್ತ್ಯ ಆಯೋಜಿತ ಕೋಟೇಶ್ವರ ವರದರಾಜ ಎಂ ಶೆಟ್ಟಿ ಸರಕಾರಿ ಪ್ರಥಮ ದರ್ಜೆ ಕಾಲೇಜಾಕ ದಿಲೀಲೆ ಸುಮಾರು ರೂ. ೧.೬ ಲಾಕ ಮೌಲ್ಯಾಚೆ ಕಂಪ್ಯೂಟರ್ ಹಸ್ತಾಂತರ ಕಾರ್ಯಕ್ರಮ ಆರತಾಂ ಚಲ್ಲೆ. ಮುಖೇಲ ಸೊಯರೆ ಜಾವ್ನು ಕೋಟೇಶ್ವರ ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳಾಚೆ ಆಡಳಿತ ಧರ್ಮದರ್ಶಿ ತಶೀಚಿ ೨೦೨೫ ಚಾತುರ್ಮಾಸ ಸಮಿತಿಚೆ ಅಧ್ಯಕ್ಷ ದಿನೇಶ್ ಕಾಮತ್ ಆಯಲೀಲೆ. ತಾನ್ನಿ ಉಲೋನು “ಶಿಕ್ತಾನಾ ಚರಡುಂವಾನಿ ಶಿಕ್ಷಣ ಬರಶಿ ಸರ್ವ ರಂಗಾಂತೂ ವಾಂಟೊ ಘೇವ್ನು ಸರ್ವತೋಮುಖ ಉದರ್ಗತಿ ಪಾವ್ಕಾ ಮ್ಹೊಣು ಸಾಂಗ್ಲೆ.
ಸಮಿತಿಚೆ ಗೌರವಾಧ್ಯಕ್ಷ ಶ್ರೀಧರ್ ಕಾಮತ್ ತಾನ್ನಿ ಉಲೋನು ಆಜಿ ಶಿಕ್ವಣಾಕ ಬರಪೂರ ಅವಕಾಶ ಆಸ್ಸಾ. ತಾಕ್ಕಾ ಅವಶ್ಯ ಆಸ್ಸುಚೆ ವಾತಾವರಣ, ಕಲಿಕಾ ಪರಿಕರ ಮೆಳಯತಾತಿ, ಹಾಜ್ಜೆ ಸದುಪಯೋಗ ವಿದ್ಯಾರ್ಥಿ ಲೋಕಾನಿ ಘೆವ್ಕಾ ಮ್ಹಳ್ಳೆ. ಮಾತ್ರಮುಖಾವಯ್ಲೆ ದಿವಸಾಂತುತುಮ್ಮಿ ಉದ್ಯೋಗ, ವೇಪಾರಾಕ ದೇಮವ್ನು ಚಾಂಗ ಸ್ಥಾನಾಕ ಘೆಲೀಲ ತೆದ್ದನಾ ತುಮ್ಮಿ ಶಿಕ್ಕೆಲೆ ಇಸ್ಕೂಲ್, ಕಾಲೇಜಾಕ ಭೆಟ್ಟಿತಾ ವ್ಹರ್ಕಾ, ಆನಿ ಆಪಣಾಚಾನ ಸಾಧ್ಯ ಜಾಲೀಲೆ ಮದತ್ ದಿವನು ಸಹಾಯ ಕೊರನು, ಕೃತಜ್ಞತಾ ಪಾವಯಕಾ ಮ್ಹೊಣು ಸಾಂಗ್ಲೆ.
ಕಾರ್ಯಕ್ರಮಾಚೆ ಅಧ್ಯಕ್ಷ ಪಣ ಕಾಲೇಜಾಚೆ ಪ್ರಾಂಶುಪಾಲ ಜಾಲೀಲೆ ಪ್ರೊ. ರಾಮರಾಯ ಆಚಾರ್ಯ ತಾನ್ನಿ ಘೆತ್ತಿಲೆ. ವಿದ್ಯಾರ್ಥಿ ಕ್ಷೇಮಪಾಲನಾ ಅಧಿಕಾರಿ ನಾಗರಾಜ್ ವೈದ್ಯ ಎಂ ತಾನ್ನಿ ಪ್ರಾಸ್ತಾವಿಕ ಉತ್ರ ಉಲೋನು ಸರ್ವಾಂಕ ಯೇವ್ಕಾರ ಕೆಲ್ಲಿ. ವಾಣಿಜ್ಯ ಶಾಸ್ತ್ರ ವಿಭಾಗಾಚೆ ಮುಖ್ಯಸ್ಥ ಡಾ. ಶೇಖರ್ ಬಿ ತಾನ್ನಿ ಆಬಾರ ಪತ್ರ ವಾಚ್ಲೆ ಆನಿ ವಾಣಿಜ್ಯ ಶಾಸ್ತ್ರಾಚೆ ಪ್ರಾಧ್ಯಾಪಕ ಜಾಲೀಲೆ ಡಾ. ಉದಯ್ ಕೆ ಶೆಟ್ಟಿ ತಾನ್ನಿ ಆಬಾರ ಮಾನ್ಲೆ.
ವೇದಿಕೆರಿ ಕಾಲೇಜಾಚೆ ಅಭಿವೃದ್ಧಿ ಸಮಿತಿಚೆ ಸದಸ್ಯ ಜೆ.ಪಿ.ಶೆಟ್ಟಿ ಕಟ್ಕೆರೆ, ಸಂಚಾಲಕ ನಾಗರಾಜ ಯು, ಚಾತುರ್ಮಾಸ ವೃತ ಸಮಿತಿ ಕಾರ್ಯದರ್ಶಿ ಶಂಕರ್ ಕಾಮತ್, ಕೋಶಾಧಿಕಾರಿ ಆಟಕೆರೆ ವಿಶ್ವನಾಥ್ ಪೈ, ವಿದ್ಯಾರ್ಥಿ ಸಂಘಾಚೆ ಅಧ್ಯಕ್ಷ ಕೃತಿಕ್ ಉಪಸ್ಥಿತ ವ್ಹರಲೀಲೆ.
ಕಾರ್ಯಕ್ರಮಾಂತು ಕಾಲೇಜಾಚೆ ಅಭಿವೃದ್ಧಿ ಸಮಿತಿ ಸದಸ್ಯ ರಂಗನಾಥ್ ಭಟ್, ಸೂರ್ಯಕಾಂತಿ, ಕಾಲೇಜಾಚೆ ಬೋಧಕ ತಶೀಚಿ ಬೋಧಕೇತರ ಸಿಬ್ಬಂದಿ ಆನಿ ಗಾಂವ್ಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜ ಭಾಂದವ ಉಪಸ್ಥಿತ ವ್ಹರಲೀಲೆ.
ಸುಧಾ ಆನಿ ಪಂಗ್ಡಾಚಾನ ಪ್ರಾರ್ಥನ ಕೆಲ್ಲಿ. ರಶ್ಮಿ ಉಡುಪ ಕಾರ್ಯಕ್ರಮಾಚೆ ನಿರೂಪಣ ಕೆಲ್ಲಿ. ಗ್ರಂಥಪಾಲಕ ರವಿಚಂದ್ರ ಎಚ್.ಎಸ್ ತಾನ್ನಿ ಕಾರ್ಯಕ್ರಮ ಸಂಘಟನ ಕೆಲೀಲೆ.