ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀ ಶ್ರೀ ವಿದ್ಯಾಧೀಶತೀರ್ಥ ವಡೇರ ಸ್ವಾಮ್ಯಾನಿಂ ಜಿಎಸ್ಬಿ ಸಮಾಜ ಹಿತರಕ್ಷಣಾ ವೇದಿಕೆ (ರಿ.),ಉಡುಪಿ ಜಿಲ್ಲಾ ಹಾಂಗೆಲೆ ಮಹತ್ವಾಕಾಂಕ್ಷಿ ಯೋಜನಾ ” ವಯೋವಂದನಾ ಆತಿಥ್ಯ ಗೃಹಾಚೆ” ಇಮಾರತ್ತಾಚೆ ವಿನ್ಯಾಸ ಆನಿ ಸಮಗ್ರ ವಿವರ ಆಸ್ಸುಚೆ ಸಚಿತ್ರ ಸಂಚಿಕಾಚೆ ಉಗ್ತಾವಣ ಡಿಸೆಂಬರ್ ೨೧ಕ ಆಯ್ತವಾರ ದಿವಸು ಗೋವಾಚೆ ಶ್ರೀ ಸಂಸ್ಥಾನ ಪರ್ತಗಾಳಿ ಗೋಕರ್ಣ ಜೀವೋತ್ತಮ ಮಠಾಂತು ಆಶೀರ್ವಾದ ಪೂರ್ವಕ ಲೋಕಾರ್ಪಣ ಕೆಲ್ಲಿ.
“ಸಮಾಜ ಸಂಘಟನಾ ಆನಿ ಸಮಾಜಮುಖಿ ಯೋಜನಾ ಸಮಾಜಾಚೊ ಅಖೇರಿಚೆ ಮನುಷ್ಯಾ ಪರ್ಯಂತ ಪಾವಯಚೆ ಗುರುತರ ಜವಾಬ್ದಾರಿ ಒಟ್ಟು, ಗರಜ ಆಸ್ಸುಚೆ ಸಮಾಜ ಬಾಂಧವಾಂಕ ಜಿ ಎಸ್ ಬಿ ಸಮಾಜ ಹಿತರಕ್ಷಣಾ ವೇದಿಕೆ ” ವಯೋವಂದನ ಆತಿಥ್ಯ ಗೃಹ ನಿರ್ಮಾಣಾಚೆ ಮುಖಾಂತರ ಮ್ಹಾಲ್ಗಡ್ಯಾಂಕ ಶಾಂತಿ ಸಮಾಧಾನ ಬರಶಿ ತಾಂಗೆಲೆ ಜೀವನಾಕ ಆಧಾರ ಜಾವ್ನು ಶಾಂತಿ ಸಮಾಧಾನ ದಿವಚೆ ತಾಣ ಜಾಂವೊ ಮ್ಹೊಣು ಸ್ವಾಮ್ಯಾನಿ ತಾಂಕಾಂ ಬರೇಂ ಮಾಗಲೇಂ..
ಜನ್ಮದಾತಾಂಗೆಲೆ ಮಾನಾಚೆ ಜೀವನಾಕ ಅಖೇರಿ ಪರಿಯಂತ ಖಾಂದೊ ದಿವಸು ರಾಬಚೆ ತಾಂಗತಾಂಗೆಲೆ ಚರಡುಂವಾಲೊ ಆದ್ಯ ಕರ್ತವ್ಯ ಜಾವ್ನಾಸ್ಸಾ, ಚರಡುಂವ ನಾತ್ತಿಲೆ ಮಾಂತಾರ್ಯಾಂಕ ಮಾಂತಾರಪಣಾಂತು ಗೌರವ ಪೂರ್ವಕ ಜೀವನ ಚಲಯಚಾಕ ಸಮಾಜಾಚಾನ ಸಹಾಯ ಹಸ್ತ ದೀವ್ನು, ಅಗತ್ಯ ಸೌಲಭ್ಯ, ಪ್ರಶಾಂತ ಪರಿಸರಾಂತು ನಿರ್ಮಾಣ ಕೊರಚಾಕ ಠರಯಿಲೆ ಯೋಜನಾ ಶ್ರೀ ಗುರುದೇವತಾ ಅನುಗ್ರಹ ಆನಿ ಸಮಾಜಾಚೆ ದಾನಿಂಗೆಲೆ ಮದತ್ತಾನಿ ಬೆಗ್ಗೀ ಸಂಪನ್ನ ಜಾಂವೊ ಮ್ಹೊಣು ಆಶೀರ್ವಾದ ದೀವ್ನು, ತಾಂಕಾಂ ಬರೇಂ ಮಾಗಲೇಂ.
ಮಣಿಪಾಲದ ಉದ್ಭವ್ ಡೆವಲಪರ್ಸ್ ಸಂಸ್ಥೆಚೆ ಇಂಜಿನಿಯರ್ ಕುಂದಾಪುರ್ಚೆ ಶ್ರೀ ಸಚಿತ್ ಪೈ ತಾನ್ನಿ ವಯೋ ವಂದನ ಇಮಾರತ್ ಸಮುಚ್ಛಯಾಚೆ ವಾಸ್ತು ವಿನ್ಯಾಸ, ಪರಿಸರ ಸ್ನೇಹಿ ಆನಿ ಮ್ಹಾಲ್ಗಡೆ ನಾಗರಿಕಾಂಕ ಅಗತ್ಯ ಸೌಕರ್ಯ ಆಸ್ಸ ಕೊರಚೆ ಯೋಜನಾ ಮಾಹಿತಿ ಹೇ ವೇಳ್ಯಾರಿ ಪ್ರಸ್ತುತ ಕೆಲ್ಲಿ.
“ಉಡುಪಿ ಜಿಲ್ಲೆಚೆ ಬ್ರಹ್ಮಾವರ ತಾಲೂಕಾಚೆ ಉಪ್ಪೂರು ಗ್ರಾಮ ಪಂಚಾಯತ್ ವ್ಯಾಪ್ತಿಂತು ಖರೀದಿ ಕೆಲೀಲೆ ೧.೧೧ ಎಕ್ರೆ ಜಾಗೆಂತು ” ವಯೋವಂದನ ಆತಿಥ್ಯ ಗೃಹಾಚೆ ” ನಿರ್ಮಾಣಾಕ ಭೂಮಿ ಪೂಜಾ ಆನಿ ಧಾರ್ಮಿಕ ವಿಧಿ ವಿಧಾನ ಪರಮಪೂಜ್ಯ ಕಾಶಿ ಮಠಾಧೀಶ ಜಾಲೀಲೆ ಶ್ರೀ ಶ್ರೀ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಜನ್ಮ ನಕ್ಷತ್ರ(ಸ್ವಾತಿ ನಕ್ಷತ್ರ)ಚೆ ದಿವಸು ೦೮-೦೨-೨೦೨೬ ಆಯ್ತವಾರು ಚಲಯಚೆ ಮ್ಹೊಣು ತೀರ್ಮಾನ ಘೆತ್ಲ್ಯಾ ಮ್ಹೊಣು ಜಿಎಸ್ಬಿ ಸಮಾಜ ಹಿತ ರಕ್ಷಣಾ ವೇದಿಕೆ (ರಿ .)ಹಾಜ್ಜೆ ಸಂಚಾಲಕ ಜಾಲೀಲೆ ಶ್ರೀ ಆರ್ ವಿವೇಕಾನಂದ ಶೆಣೈ ತಾನ್ನಿ ಕಳಯಿಲೆ.
ಗೋಂಯ್ಚೆ ಶ್ರೀ ಪರ್ತಗಾಳಿ ಮಠಾಂತು ಉಡುಪಿ, ದ.ಕ ,ಉತ್ತರ ಕನ್ನಡ ಆನಿ ಶಿವಮೊಗ್ಗ ಜಿಲ್ಲೆಚೆ ಹಜಾರ ಬಽರಿ ಲೋಕ ಹಿತ ರಕ್ಷಣಾ ವೇದಿಕೆಚೆ ಕಾರ್ಯಕರ್ತ, ಸಮಾಜ ಬಾಂದವ ಆನಿ ಭಕ್ತಾದಿ ಲೋಕ ಶ್ರೀ ಗುರುವರ್ಯಾಂಗೆಲೆ ಭಿಕ್ಷಾ ಸೇವೆಂತು ಶ್ರದ್ಧಾ ಭಕ್ತಿನಿ ವಾಂಟೊ ಘೇವ್ನು ಫಲಮಂತ್ರಾಕ್ಷತ ಘೆತ್ಲೆ.
ಈ ವೇಳ್ಯಾರಿ ಜಿಎಸ್ಬಿ ಸಮಾಜ ಹಿತರಕ್ಷಣಾ ವೇದಿಕೆಚೆ ಅಧ್ಯಕ್ಷ ಶ್ರೀ ಜಿ .ಸತೀಶ್ ಹೆಗ್ಡೆ, ಕೋಟ, ಪ್ರಧಾನ ಕಾರ್ಯದರ್ಶಿ ಶ್ರೀ ಸಾಣೂರು ನರಸಿಂಹ ಕಾಮತ್, ಕೋಶಾಧ್ಯಕ್ಷ ಶ್ರೀ ಕಲ್ಯಾಣಪುರ ವಿನೋದ್ ಕಾಮತ್, ವಿದ್ಯಾಪೋಷಕ ನಿಧಿ ಅಧ್ಯಕ್ಷ ಸಿಎ ಎಸ್ ಎಸ್ ನಾಯಕ್, ಸಂಚಾಲಕ ಶ್ರೀ ವಿಜಯಕುಮಾರ್ ಶೆಣೈ, ಸಮಾಜಾಚೆ ಮುಖೇಲ ಜಾಲೀಲೆ ಶ್ರೀ ನಾಗೇಶ್ ಕಾಮತ್, ಶ್ರೀ ಉಪೇಂದ್ರ ಕಾಮತ್, ಶ್ರೀ ಅನಂತ ಪೈ, ಶ್ರೀ ಸಿದ್ದಾಪುರ ವಾಸುದೇವ ಪೈ, ಶ್ರೀ ಪಾಂಡುರಂಗ ಪೈ, ಶ್ರೀ ಮೋಹನ್ ದಾಸ್ ಶಾನ್ಭಾಗ್, ಕಾರ್ಕಳ ಗೋಪಾಲಕೃಷ್ಣ ಜೋಶಿ, ಮಣೇಲ್ ವಾಮನ್ ನಾಯಕ್ ಆದಿ ಲೋಕ ಉಪಸ್ಥಿತ ವ್ಹರಲೀಲೆ.
ಚಡ್ತೆ ಮಾಹಿತಿಕ ಸಂಪರ್ಕು ಕರಾ. +91 94487 60380
पर्तगाळिंतु जि ऎस् बि.समाज हितरक्षणा वेदिकॆ( रि.)चॆ “वयो वंदन आतिथ्य गृह सचित्र संचिका लोकार्पण.
श्री संस्थान गोकर्ण पर्तगाळि जीवोत्तम मठाधीश श्री श्री विद्याधीशतीर्थ वडेर स्वाम्यानिं जिऎस्बि समाज हितरक्षणा वेदिकॆ (रि.),उडुपि जिल्ला हांगॆलॆ महत्वाकांक्षि योजना ” वयोवंदना आतिथ्य गृहाचॆ” इमारत्ताचॆ विन्यास आनि समग्र विवर आस्सुचॆ सचित्र संचिकाचॆ उग्तावण डिसॆंबर् २१क आय्तवार दिवसु गोवाचॆ श्री संस्थान पर्तगाळि गोकर्ण जीवोत्तम मठांतु आशीर्वाद पूर्वक लोकार्पण कॆल्लि.
“समाज संघटना आनि समाजमुखि योजना समाजाचॊ अखेरिचॆ मनुष्या पर्यंत पावयचॆ गुरुतर जवाब्दारि ऒट्टु, गरज आस्सुचॆ समाज बांधवांक जि ऎस् बि समाज हितरक्षणा वेदिकॆ ” वयोवंदन आतिथ्य गृह निर्माणाचॆ मुखांतर म्हाल्गड्यांक शांति समाधान बरशि तांगॆलॆ जीवनाक आधार जाव्नु शांति समाधान दिवचॆ ताण जांवॊ म्हॊणु स्वाम्यानि तांकां बरें मागलें..
जन्मदातांगॆलॆ मानाचॆ जीवनाक अखेरि परियंत खांदॊ दिवसु राबचॆ तांगतांगॆलॆ चरडुंवालॊ आद्य कर्तव्य जाव्नास्सा, चरडुंव नात्तिलॆ मांतार्यांक मांतारपणांतु गौरव पूर्वक जीवन चलयचाक समाजाचान सहाय हस्त दीव्नु, अगत्य सौलभ्य, प्रशांत परिसरांतु निर्माण कॊरचाक ठरयिलॆ योजना श्री गुरुदेवता अनुग्रह आनि समाजाचॆ दानिंगॆलॆ मदत्तानि बॆग्गी संपन्न जांवॊ म्हॊणु आशीर्वाद दीव्नु, तांकां बरें मागलें.
मणिपालद उद्भव् डॆवलपर्स् संस्थॆचॆ इंजिनियर् कुंदापुर्चॆ श्री सचित् पै तान्नि वयो वंदन इमारत् समुच्छयाचॆ वास्तु विन्यास, परिसर स्नेहि आनि म्हाल्गडॆ नागरिकांक अगत्य सौकर्य आस्स कॊरचॆ योजना माहिति हे वेळ्यारि प्रस्तुत कॆल्लि.
“उडुपि जिल्लॆचॆ ब्रह्मावर तालूकाचॆ उप्पूरु ग्राम पंचायत् व्याप्तिंतु खरीदि कॆलीलॆ १.११ ऎक्रॆ जागॆंतु ” वयोवंदन आतिथ्य गृहाचॆ ” निर्माणाक भूमि पूजा आनि धार्मिक विधि विधान परमपूज्य काशि मठाधीश जालीलॆ श्री श्री सुधींद्र तीर्थ स्वाम्यांगॆलॆ जन्म नक्षत्र(स्वाति नक्षत्र)चॆ दिवसु ०८-०२-२०२६ आय्तवारु चलयचॆ म्हॊणु तीर्मान घॆत्ल्या म्हॊणु जिऎस्बि समाज हित रक्षणा वेदिकॆ (रि .)हाज्जॆ संचालक जालीलॆ श्री आर् विवेकानंद शॆणै तान्नि कळयिलॆ.
गोंय्चॆ श्री पर्तगाळि मठांतु उडुपि, द.क ,उत्तर कन्नड आनि शिवमॊग्ग जिल्लॆचॆ हजार बऽरि लोक हित रक्षणा वेदिकॆचॆ कार्यकर्त, समाज बांदव आनि भक्तादि लोक श्री गुरुवर्यांगॆलॆ भिक्षा सेवॆंतु श्रद्धा भक्तिनि वांटॊ घेव्नु फलमंत्राक्षत घॆत्लॆ.
ई वेळ्यारि जिऎस्बि समाज हितरक्षणा वेदिकॆचॆ अध्यक्ष श्री जि .सतीश् हॆग्डॆ, कोट, प्रधान कार्यदर्शि श्री साणूरु नरसिंह कामत्, कोशाध्यक्ष श्री कल्याणपुर विनोद् कामत्, विद्यापोषक निधि अध्यक्ष सिऎ ऎस् ऎस् नायक्, संचालक श्री विजयकुमार् शॆणै, समाजाचॆ मुखेल जालीलॆ श्री नागेश् कामत्, श्री उपेंद्र कामत्, श्री अनंत पै, श्री सिद्दापुर वासुदेव पै, श्री पांडुरंग पै, श्री मोहन् दास् शान्भाग्, कार्कळ गोपालकृष्ण जोशि, मणेल् वामन् नायक् आदि लोक उपस्थित व्हरलीलॆ.