ಮಾಕಶಿ ಬಂಧನಾಪುರ ಮ್ಹಣಚೆ ನಾಂವ ಆಶ್ಶಿಲೆ ಕಟಪಾಡಿ ಗೌಡಸಾರಸ್ವತ ಸಮಾಜಾಚೆ ಸುಮಾರ ೨೮೦ ವರ್ಷ ತಿತ್ತುಲೆ ಪುರಾತನ ದೇವಳಾಂತು ಏಕ ಜಾಲೀಲೆ ಕೆಳಗಿನ ಮಠ, ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಳಾಂತು ನಿತ್ಯ ಪೂಜಾ (ಪಂಚ ಪರ್ವ) ಶ್ರೀ ರಾಮ ನವಮಿ, ಸಂಪ್ರೋಕ್ಷಣ, ಶ್ರೀ ಕೃಷ್ಣ ಜನ್ಮಾಷ್ಟಮಿ ವೃತ, ಅನಂತ ವೃತ, ಕಾರ್ತಿಕ ಮಾಸಾಂತು ದೀಪಾರಾಧನ, ತುಳಸಿ ಕಟ್ಟೆ ಪೂಜಾ, ಸಕ್ಕಾಣಿ ವೇಳ್ಯಾರಿ ಬಾದರಾಯಣ ಸುಪ್ರಭಾತ ತಶೀಚಿ ಕಲ್ಲೋಕ್ತ ಪ್ರತಿಷ್ಠಾ ವರ್ಧಂತಿ ಮಹೋತ್ಸವು ಶ್ರೀ ದೇವಾಲೊ ತಶೀಚಿ ಆಮ್ಗೆಲೆ ಸಮಾಜಾಚೆ ಗುರುವರ್ಯಾಂಗೆಲೊ ಆಶೀರ್ವಾದಾನಿ ಸಮಾಜ ಬಾಂಧವಾಂಕ ಮೆಳೋನು ಶ್ರದ್ಧಾ-ಭಕ್ತಿನಿ ಚಲಾಯಸೂನು ಘೇವ್ನು ಎತ್ತಾ ಆಸ್ಸಾತಿ. ಹೇ ದೇವಳಾಚೆ ಪವಿತ್ರ ಗರ್ಭಗೃಹಾಂತು ವಿರಾಜಮಾನ ಜಾಲೀಲೊ ಪಟ್ಟಾಚೆ ಪ್ರಧಾನ ದೇವು ಜಾಲೀಲೊ ಶ್ರೀ ಲಕ್ಷ್ಮೀ ವೆಂಕಟೇಶ ದೇವು, ಮಧ್ಯಾಚೆ ಪೀಠಾರಿ ಗರುಡವಾಹನ ಶ್ರೀ ಲಕ್ಷ್ಮೀನಾರಾಯಣ ದೇವು ಆನಿ ಸಕಲ್ಚೆ ಪೀಠಾರಿ ಉತ್ಸವ ಮೂರ್ತಿ ಶ್ರೀನಿವಾಸ ದೇವಾಲೆ ಸಹಿತ ಶ್ರೀದೇವಿ ಭೂದೇವಿ ವಿಗ್ರಹ ಆಸ್ಸಾ. ಮೂಲಬಿಂಬ ಜಾವ್ನಾಸ್ಸುಚೆ ಸಂಪುಷ್ಪ ಕರಡೆಂತು ಮಹಾವಿಷ್ಣುಲೆ ಸಾನಿಧ್ಯ ಆಸ್ಸುಚೆ ೨೦ ತೇಜೋಮಯ ಸಾಲಿಗ್ರಾಮ ಆಸ್ಸಾ. ಆಲ್ತಾಪೆಲ್ತಾಂತು ಪರಿವಾರ ದೇವು ಜಾಲೀಲೆ ಶ್ರೀ ವೀರ ವಿಠಲ, ಶ್ರೀ ಜನಾರ್ಧನ, ಶ್ರೀ ಮಹಾವಿಷ್ಣು, ಬಾಲಗೋಪಾಲ, ಗೋಪಾಲಕೃಷ್ಣ, ಶ್ರೀ ಮಹಾಗಣಪತಿ, ನವಗ್ರಹ ಮಹಾಯಂತ್ರ, ಶ್ರೀ ಆಂಜನೇಯ-ಗರುಡ-ನಾಗ ದೇವಾಂಗೆಲೊ ಮೂರ್ತಿ ವಿರಾಜಮಾನ ಜಾವ್ನಾಸ್ಸಾ. ಮಾತ್ರ ನ್ಹಂಹಿಸಿ ಪೂರ್ವಾಂತುದೇವಳಾಚೆ ಭಟ್ಮಾಮಾ ತಾಕೂನು ಪೂಜಾ ಕೊರಚೆ ಆನಿ ಇತರ ಲೋಕಾನಿ ನಂಬ್ಗಿಲೀಲೆ ನಾಗದೇವಾಲೊ ಸಾನಿಧ್ಯ ಆಸ್ಸಾ.
ಸುಮಾರು ೨೮೦ ವರ್ಷಾಚೊ ಇತಿಹಾಸ ಆಸ್ಸುಚೊ ಹೇ ದೇವಳಾಚೆ ಗರ್ಭಗುಡಿ ಜೀರ್ಣೋದ್ಧಾರ ಜಾಲಯಾರೀಚಿ ಸುತ್ತಾ ಪೌಳಿ ಪೂರ್ತಿ ಅಜೀರ್ಣಾವಸ್ಥೆಂತು ಆಸ್ಸುಚಾ ವೊಚ್ಚುನು ಹೇ ಪುರಾತನ ದೇವಳಾಂತು ನವೀಕರಣ ಕೊರಚಾಕ ಅಂದಾಜು ಸುಮಾರ ರೂ. ೬೦,೦೦,೦೦೦/- (ರೂಪಾಯಿ ಸಾಠ ಲಾಕ್)ಚೆ ಗರಜ ಆಸ್ಸಾ. ಹೇ ದೇವಳಾಚೆ ಖಂಚೇಯಿ ನಮೂನ್ಯಾಚೆ ಆದಾಯ ನಾಶ್ಶಿಲೆ ನಿಮಿತ್ತ್ಯಾನಿ ಹೇ ಅಭಿವೃದ್ಧಿ ಕಾಮ್ಮಾಕ ಆಸ್ತಿಕ ಭಕ್ತಾಭಿಮಾನಿ ಜಾಲೀಲೆ ಸಮಾಜ ಬಾಂದವಾನಿ ಸರ್ವ ನಮೂನ್ಯಾಚೆ ದುಡವಾ ಮದತ್ ಗರಜ ಆಸ್ಸಾ.
ಚಡ್ತೆ ಮಾಹಿತಿಕ ಬಿ. ನರಸಿಂಹ ಭಟ್ – ೯೮೪೫೨ ೦೫೨೮೭, ಬಿ. ರಾಘವೇಂದ್ರ – ೯೮೪೪೯ ೯೩೪೫೨, ಬಿ. ಲಕ್ಷ್ಮೀನಾರಾಯಣ ಭಟ್ ೯೮೪೪೫ ೫೦೪೨೩ ಸಂಪರ್ಕ ಕರಾ.