ಭದ್ರಗಿರಿಂತು ಸಂತ ಭದ್ರಗಿರಿ ಅಚ್ಯುತದಾಸಾಂಗೆಲೊ ಪುಣ್ಯತಿಥಿ

ಉಡುಪಿ ಲಾಗ್ಗಿಚೆ ಭದ್ರಗಿರಿ ಶ್ರೀ ವೀರವಿಠ್ಠಲ ದೇವಳಾಂತು ಕೀರ್ತನಾಗ್ರೇಸರ ಸಂತ ಭದ್ರಗಿರಿ ಅಚ್ಯುತದಾಸಾಂಗೆಲೊ 12 ವೇಂ ಪುಣ್ಯತಿಥಿ ಸಂಸ್ಮರಣೆ ಪ್ರಯುಕ್ತ ಆಯ್ತವಾರ ತಾ.೨೬.೧೦.೨೦೨೫ ದಿವಸು ಪ್ರಭಾಕರ ಭಟ್,ಉಡುಪಿ ಹಾಂಗೆಲೆ ತಾಕೂನು ಗಂಗಾವತರಣ – ಭಗೀರಥ ಆಖ್ಯಾನ ಮ್ಹಣ್ಚೆ ಹರಿಕಥಾ ಕಾಲಕ್ಷೇಪ ಸೇವಾ ಚಲ್ಲೆ. ಹಾರ್ಮೋನಿಯಂತು ಶಂಕರ ಶೆಣೈ ಆನಿ ತಬಲಾಂತು ಗುರುದತ್ತ ನಾಯಕ್ ತಾನ್ನಿ ಸಹಕಾರ ದಿಲ್ಲಿ. ಶ್ರೀ ದೇವಳಾಚೆ ಆಡಳಿತ ಮೊಕ್ತೇಸರ ಭದ್ರಗಿರಿ ಪಾಂಡುರಂಗ ಆಚಾರ್ಯ ಆನಿ ಆಡಳಿತ ಮಂಡಳಿ ಸದಸ್ಯ, ಶ್ರೀ ವೀರವಿಠ್ಠಲ ಭಜನಾ ಮಂಡಳಿ ಸದಸ್ಯ ಆನಿ ಶಂಬರ ಬಽರಿ ಭಕ್ತ ಲೋಕಾನಿ ವಾಂಟೊ ಘೆತ್ತಿಲೆ. ಗಣೇಶ ಜಿ ಪೈ, ಪರ್ಕಳ ತಾನ್ನಿ ಕಾರ್ಯಕ್ರಮಾಚೆ ನಿರೂಪಣ ಕೆಲ್ಲಿ. ಹರಿಕಥಾ ಕಾಲಕ್ಷೇಪಾಚೆ ಸೇವಾದಾರ ಸಂತ ಭದ್ರಗಿರಿ ಅಚ್ಯುತದಾಸಾಂಗೆಲೆ ಚರಡುಂವ ತಾಕೂನು ಅನ್ನಸಂತರ್ಪಣಾ ಸೇವಾ ಚಲ್ಲೆ.