ಮುಲ್ಕಿಂತು ಸಬಾರ ವರ್ಷಾಚಾನ ಪ್ರತಿವರ್ಷ ಜಿ.ಎಸ್.ಬಿ. ವೈವಾಹಿಕ ಸಮಾವೇಶ ಚಲ್ತಾ ಆಸ್ಸುಚೆ ಸಕಡ್ಯಾಂಕ ಗೊತ್ತಾಶ್ಶಿಲೆ ವಿಷಯೂಚಿ ಜಾವ್ನಾಸ್ಸ. ಅವುಂದು ಮುಲ್ಕಿಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಭಾ (ರಿ ) ಹಾಂಗೆಲೆ ಮುಖಾಲಪಣಾರಿ ಅಗಸ್ಟ್ ೨೩, ೨೦೨೬ಕ ಶ್ರೀ ವ್ಯಾಸ ಮಹರ್ಷಿ ವಿದ್ಯಾಪೀಠ,ಕಿಲ್ಪಾಡಿ-ಮುಲ್ಕಿ ಹಾಂಗಾ ಜಿ.ಎಸ್.ಬಿ ಸಮಾಜಾಚೆ ವ್ಹರೆತು-ವ್ಹಕಲ್ಯಾಲೆ ಅನ್ವೇಷಣೆ ಸಂಬಂಧ ವೈವಾಹಿಕ ಸಮಾವೇಶ ಆಯೋಜನ ಕೆಲ್ಲ್ಯಾ ಮ್ಹೊಣು ಮಾಹಿತಿ ಮೆಳ್ಳಾ. ತ್ಯಾ ದಿವಸು ಸಕ್ಕಾನಿ ೯-೦೦ ಘಂಟ್ಯಾಕ ತಾಕೂನು ಸಾಂಜವಾಳಾ ೪-೦೦ ಘಂಟ್ಯಾ ಪರಿಯಂತ ಸಮಾವೇಶ ಚಲ್ತಾ. ಚಾಂಗ ಸೊಯರಿಕ ಜಾವ್ಕಾ ಮ್ಹೊಣು ಸೊದ್ದಿತಾ ಆಸ್ಸುಚೆ ವ್ಹರಡಿಕೇಕ ವಾಡ್ಡಿಲೆ ಚರಡುವಾನಿ ಆನಿ ತಾಂಗೆಲೆ ಆವಯಿ-ಬಾಪಯಿನ ಹೇ ಸಮಾವೇಶಾಂತು ವಾಂಟೊ ಘೇವ್ನು ಹಾಜ್ಜೆ ಮುನಾಪೋ ಘೆವಯೇತ.
ಆನ್ಲೈನ್ ನೋಂದಣಿಕ ಮಾತ್ರ ಅವಕಾಶ ಆಸ್ಸುನು, ತಾಕ್ಕಾ ರೂ. ೫೦೦/- ಶುಲ್ಕ, ನಾಂವ ನೋಂದ ಕೊರಚಾಕ ೨೦೨೬ಚೆ ಅಗಸ್ಟ್ ೧ಕ ಅಖೇರಿಚೆ ದಿವಸು ಜಾವ್ನಾಸ್ಸ. ಸಮಾವೇಶ ಚೊಲ್ಚೆ ದಿವಸು ನಾಂವ ನೋಂದ ಕೊರಚಾಕ ಅವಕಾಶ ನಾ. ಖಂಚೇಯಿ ವ್ಹರೆತು, ವ್ಹಕಲ್ಯಾ ಕಡೇಚಾನ ತಿಗ್ಗ ಲೋಕಾಂಕ ಮಾತ್ರ ಅವಕಾಶ ಆಸ್ಸುನು ತಾಂಕಾ ಸಕ್ಕಾಣಿಚೆ ತಾನ್ನಿಕ, ಧೋಂಪಾರಾಚೆ ಜವಣ ಆನಿ ಸಾಂಜವಾಳಾಚೆ ಚಹಾಚೆ ವ್ಯವಸ್ಥಾ ಆಸ್ತಾ. ಚಡ್ತೆ ಮಾಹಿತಿಕ ಆನಿ ನಾಂವ ನೋಂದ ಕೊರಚಾಕ ಸತ್ಯೇಂದ್ರ ಶೆಣೈ – ೮೮೬೧೨೭೬೭೭೭, ನರಸಿಂಹ ಭಟ್ – ೯೪೪೯೮೨೧೯೯೮, ಪ್ರವೀಣ್ ಕಾಮತ್ – ೯೮೪೫೫೨೧೭೩೫, ವಿಶ್ವನಾಥ್ ಶೆಣೈ – ೯೦೩೫೭೮೨೫೨೦ (ವಾಟ್ಸಾಪ್ ಮಾತ್ರ) ಹಾಂಕಾ ಸಂಪರ್ಕ ಕೊರಯೇತ.