ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚ್ಯಾ ವತೀನ ಅಕಾಡೆಮಿ ಸಭಾಂಗಣಾಂತ್ ಆಗಸ್ಟ್ ೧, ೨೦೨೬ ದಿಸಾ ಕಾವ್ಯಾಂ ವ್ಹಾಳೊ-೧೭ ಹ್ಯಾ ಶೀರ್ಷಕಾಖಾಲಿ ಕವಿಗೋಷ್ಟಿ ಜಾಲಿ.
ಅಕಾಡೆಮಿಚೆ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ಹ್ಯಾನಿ ಕಾರ್ಯಕ್ರಮಾಚೆ ಅಧ್ಯಕ್ಷಸ್ಥಾನ ಘೇವ್ನು ಪ್ರಾಸ್ತಾವಿಕ ಉಲೊವಪ ಉಲಯತಾ “ಕೊಂಕಣಿ ಅಕಾಡೆಮಿ ಕೊಂಕಣಿಚ್ಯಾ ಸಗ್ಳ್ಯಾ ಆಯಾಮಾಂತ್ ಕಾಮ್ ಕರೀತ್ ಆಯ್ಲಾ. ಕೊಂಕಣಿಚ್ಯಾ ಸಗ್ಳ್ಯಾ ಸಮುದಾಯಾಂಚೆ ಲೋಕ ಅಕಾಡೆಮಿಚ್ಯಾ ಸಂಗಾತ್ ಸಂಪರ್ಕ್ ಕರತಾ ಆಯ್ಲ್ಯಾತ. ಕೊಂಕಣಿ ಸಾಹಿತ್ಯಾಂಕ ಆನಿ ಕಲಾವಂತಾಂಕ ಸತತ ಸಹಕಾರ ದಿವ್ಚೆಂ ಹ್ಯಾ ಅಕಾಡೆಮಿಚೆ ಬದ್ಧತ ಆಸ್ಸಾ ಅಶೆಂ ತಾಂಣಿ ಉಲೊವನು ಹಾಜರ ಆಸಲ್ಲ್ಯಾ ಸಗ್ಳ್ಯಾಂಚೆ ಯೆವಕಾರ ಕೆಲೆಂ.
ಮುಖೇಲ ಸೊಯರೆ ಜನಪ್ರಿಯ ಮಿಮಿಕ್ರಿ ಕಲಾವಂತ ಡಾ. ವಸಂತ್ ಎಸ್. ಬಾಂದೇಕರ್ ಹ್ಯಾನಿ ಉಲೊವಪ ಉಲಯತಾ “ಕೊಂಕಣಿ ಅಕಾಡೆಮಿಚೆ ಅಧ್ಯಕ್ಷ ಆನಿ ಸದಸ್ಯ ಸತತ ಚಾಂಗ ಕಾಮ ಕರೀತ ಆಸಾತಿ. ಹಾಂವ ಸುದಾಂ ದೋನ ಅವಧಿಂತ ಅಕಾಡೆಮಿಚೊ ಸದಸ್ಯ ಜಾವ್ನು ಕಾಮ್ ಕೆಲೆಂ. ಕೊಂಕಣಿ ಅಕಾಡೆಮಿ ಸಾಹಿತ್ಯಾಂಕ ಸಹಕಾರ್ ದಿತಾ, ತಶೆಂಚ ಕೊಂಕಣಿಚ್ಯಾ ಉರ್ಲ್ಯಾ ಕ್ಷೇತ್ರಾಂತ ಕಾಮ ಕೆಲ್ಲ್ಯಾ ವ್ಯಕ್ತಿಂಚಿ ಮಾಹಿತಿ ಘೆವ್ನ್ ತಾಂಕಾ ಸನ್ಮಾನ ದಿವಪಾಚೆಂ ಕಾಮ್ ಖೂಬ ಅಭಿನಂದನೀಯ ಆಸ್ಸಾಮ್ಹೊಣು ತಾಂಣಿ ಸಾಂಗ್ಲೆಂ.
ಕೊಂಕಣಿ ಅಕಾಡೆಮಿಚೊ ಸನ್ಮಾನ ಸ್ವೀಕಾರ್ ಕರೂನ ಉಲೆಯಿಲ್ಲೆ ಮ್ಹಾಲಗಡೆ ಫೋಟೊ ಜರ್ನಲಿಸ್ಟ್ ಶ್ರೀ ರಾಮಚಂದ್ರ ಭಟ್ ಉಳ್ಳಾಲ ಹ್ಯಾನಿ “ಹಾಂವ ಸಾಹಿತಿ ನ್ಹಯ,ಕಳೋ ಕೊಂಕಣಿಗ್. ಮಾಜಾ ವೃತ್ತಿಂತ ಘೆಲ್ಲ್ಯಾ ಕಿತ್ಲ್ಯಾಕ್ ವರುಸಾಂತು ಸೇವಾ ಕೆಲ್ಲ್ಯಾ. ತಾ ಸೇವೆಚಿ ದಾಖಲ ಘೆವ್ನ ಆಜ ಮಾಝೊ ಸನ್ಮಾನ ಕೆಲ್ಲ್ಯಾಬದ್ದಲ್ ಅಕಾಡೆಮಿಚ್ಯಾ ಅಧ್ಯಕ್ಷಾಂಕ ಆನಿ ಸಗ್ಳ್ಯಾ ಸದಸ್ಯಾಂಕ ಮಾಝ್ಯಾ ಅಂತಃಕರಣಾತ್ಲ್ಯಾನ ಧನ್ಯವಾದಾಂ ದಿತಾಂ ಮ್ಹೊಣು ಸಾಂಗ್ಲೆಂ.
ಅಕಾಡೆಮಿಚ್ಯಾ ವತೀನ್ ಪ್ರಕಾಶಿತ ಕೆಲ್ಲೆಂ `ಕಾವ್ಯಾಂ ವ್ಹಾಳೊ ಭಾಗ ೨ ಹೆಂ ಪುಸ್ತಕ ಮುಖೇಲ ಸೊಯರ್ಯಾನಿ ಲೋಕಾರ್ಪಣ ಕೆಲೆಂ. ತ್ರೈಮಾಸಿಕ ಪತ್ರಿಕೆ ಸಿರಿಸಂಪದ ಸನ್ಮಾನಿತ ವ್ಯಕ್ತಿನಿ ಉಗ್ತಾವಣ ಕೆಲೆಂ.
ಖ್ಯಾತ್ ಕವಿ ಶ್ರೀ ವಿಲ್ಫ್ರೆಡ್ ಲೋಬೊ ಪಡೀಲ್ ಹ್ಯಾನಿ ಕವಿಗೋಷ್ಟಿ ಚಲಯ್ತಾ ಕವೀ ಆನಿ ಕವಿತಾಂಚ್ಯಾ ವಿಶಯಾಂತ ಸವಿಸ್ತರ ಮಾಹಿತಿ ದಿಲೀ.
ಜೊಸ್ಸಿ ಪಿಂಟೊ ಕಿನ್ನಿಗೋಳಿ, ಶೈಲಾ ಮಂಗ್ಳೂರ್ಕರ, ಚೆಲ್ಸಿಯಾ ಪರ್ಲ್ ಕ್ಯಾಸ್ತೆಲಿನೊ, ರಿಚ್ಚಿ ಪಿರೇರಾ, ಮಾರ್ಸೆಲ್ ಡಿಸೋಜ (ಮಾಚ್ಚಾ ಮಿಲಾರ್), ಜಗದೀಶ್ ಭಂಡಾರಿ, ರೋನ್ ಮಾಯ್ಕಲ್ ವಾಸ್, ಜೋಯ್ಸ್ ಪಿಂಟೊ ಕಿನ್ನಿಗೋಳಿ ಆನಿ ಲೊರೆನ್ಸ್ ಬ್ಯಾಪ್ಟಿಸ್ಟ್ ಜೆಪ್ಪು ಹ್ಯಾನಿ ಆಪ್ಲ್ಯಾ ಕವಿತಾಂಚೆ ವಾಚನ ಕೆಲೆಂ.
ಅಕಾಡೆಮಿಚೆ ಸದಸ್ಯ ಶ್ರೀ ರೊನಾಲ್ಡ್ ಕ್ರಾಸ್ತಾ ಹ್ಯಾನಿ ಕಾರ್ಯಕ್ರಮಾಚೆ ನಿರೂಪಣ್ ಕರೂನ್ ಬಾರ ಮಾನಲೆಂ. ಸದಸ್ಯ ಸಮರ್ಥ ಭಟ್ ಆನಿ ನವೀನ್ ಲೋಬೊ ಹಾಜರ ಆಸಲೀಲೆ.