ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನಿ ಸಿದ್ದಿ ಸಮಾವೇಶ ಮಾರ್ಚ್ ೧೫ ಆನಿ ೧೬ದಿವಸು ಉತ್ತರ ಕನ್ನಡ ಜಿಲ್ಲ್ಯಾಚೆ ಮುಂಡುಗೋಡಾಂತು ಸಂಪನ್ನ ಜಾಲ್ಲೆ. ಮಾರ್ಚ್ ೧೫ಕ ವಿಧಾನಪರಿಷತ್ ಶಾಸಕ ಶಾಂತರಾಮ ಸಿದ್ದಿ, ಸಿದ್ದಿ ತಾನ್ನಿ ಬಾವುಟ ದಾಖೋನು ಕಾರ್ಯಕಮಾಕ ಚಾಲನಾ ದಿಲ್ಲಿ. ವಾಲ್ಮೀಕಿ ಪ್ರಶಸ್ತಿ ಪುರಸ್ಕೃತೆ ಶ್ರೀಮತಿ ಲಕ್ಮೀ ಸಿದ್ದಿ ತಾನ್ನಿ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಪುಸ್ತಕ ವಿಕ್ರಯ ಆನಿ ಪ್ರದರ್ಶನದ ದುಖಾನ, ಸಿದ್ದಿ ವಸ್ತು ಪ್ರದರ್ಶನಾಚೆ ಸ್ಟಾಲ್ ಆನಿ ಸಿದ್ದಿ ಆಯರ್ವೇದಿಕ್ ಸ್ತಾಲಾಂಚೆ ಉದ್ಘಾಟನ ಕೆಲ್ಲಿ. ಸಮಾರಂಭಾಚೆ ಅಧ್ಯಕ್ಷಪಣ ಘೆತ್ತಿಲೆಂ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಜಾಲೀಲೆ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ದಮಾಮ್ ಆನಿ ಗುಮಟ್ ವಾಜ್ಜೊಚೆ ಮೂಖಾಂತರ ಸಿದ್ದಿ ಸಮಾವೇಶ ಕಾರ್ಯಕ್ರಮ ಉದ್ಘಾಟನ ಕೆಲ್ಲೆ. ಸಮಾರಂಭಾಂತು ಸೊಯರೆ ಜಾವನು ಸಿದ್ದಿ ಮುಖಂಡ ಶ್ರೀ ಅಲ್ಲಿಸಾಬ್ ಮೆಹಬುಬಸಾಬ್ ದೇಸಾಯಿ, ಹಸನಬಾಬ ಮೊದಿನಸಾಬ ಹುಲಕೊಪ್ಪ, ಗೌರಿ ಸಿದ್ದಿ ಕಲ್ಲೇಶ್ವರ, ಲೊಯೊಲಾ ವಿಕಾಸ ಕೇಂದ್ರಾಚೆ ನಿರ್ದೇಶಕ ಫಾ. ಮೆಲ್ವಿನ್ ಲೋಬೊ, ಅಕಾಡೆಮಿ ರಿಜಿಸ್ಟ್ರಾರ್ ಶ್ರೀ ರಾಜೇಶ್ ಜಿ. ಉಪಸ್ಥಿತ ವ್ಹರಲೀಲೆ. ಸಮಾರಂಭಾಂತು ಸದಸ್ಯ ಶ್ರೀ ನವೀನ್ ಲೋಬೊ, ಶ್ರೀ ಪ್ರಮೋದ್ ಪಿಂಟೊ ಹಾಜರ ಆಶ್ಶಿಲೆ. ಅಕಾಡೆಮಿ ಅಧ್ಯಕ್ಷರು ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಯೇವ್ಕಾರ ಕೆಲ್ಲಿ. ಅಖೇರಿಕ ರಿಜಿಸ್ಟ್ರಾರ್ ರಾಜೇಶ್ ಜಿ. ತಾನ್ನಿ ಆಬಾರ ಮಾನಲೆ. ಶ್ರೀ ಮೊಯ್ಜೇಶ್ ಸಿದ್ದಿ ತಾನ್ನಿ ಸ್ವರಸಂಚಾಲನ ಕೆಲ್ಲಿ.
ಪುತ್ತೂರು ಸರಕಾರಿ ಪ್ರಥಮ ದರ್ಜೆ ಕಾಲೇಜಾಚೆ ಇತಿಹಾಸ ವಿಭಾಗಾಚೆ ಮುಖೇಲ ಶ್ರೀ ಸ್ಟೀವನ್ ಕ್ವಾಡ್ರಸ್ ಸಮಾವೇಶಾಚೆ ವಿಚಾರಗೋಷ್ಟಿಚೆ ಅಧ್ಯಕ್ಷಪಣ ಘೆತ್ತಿಲೆ. ಕು. ಅನಂತ ಕೇಶವ ಸಿದ್ದಿ- ಸಿದ್ದಿ ಪರಂಪರೆ ಖಾತೇರಿ ಉಲಯಿಲೆ. ಶ್ರೀಮತಿ ವೀಣಾ ಉದಯ್ ಸಿದ್ದಿ ಕಲೆ ಆನಿ ಸಂಸ್ಕೃತಿಂತು ಸಿದ್ದಿ ಜೀವನಾಚೆ ಆಯಾಮಾ ಖಾತೇರಿ, ಶ್ರೀಮತಿ ಪ್ರೇಮಾ ಅಜಯ ಬಿರ್ಜಿ ತಾನ್ನಿ ಸಿದ್ದಿಂಗೆಲೆ ಜೀವನ ಕಾಲಿ, ಆಜಿ ಆನಿ ಫಾಯಿ ಖಾತೇರಿ ಉಲಯಿಲೆ. ೨೧ವೇಂ ಶೇಖಡ್ಯಾಂತು ಸಿದ್ದಿ ಜನಾಂಗಾಚೆ ಸಮಸ್ಯ/ ಸವಾಲು ಆನಿ ಸಕಾರಾತ್ಮಕ ಸಾಧ್ಯತಾ ಹೇ ವಿಷಯಾಚೇರಿ ಶ್ರೀ ವಿಶ್ವನಾಥ ಗಣಪಾ ಸಿದ್ದಿ ಆನಿ ಶ್ರೀ ಸೂರ್ಯ ಪುಟ್ಟಾ ಸಿದ್ದಿ ತಾನ್ನಿ ಉಲಯಿಲೆ.
ದುಸರೇ ದಿವಸು ಜಾಲೀಲೆ ಮಾರ್ಚ್ ೧೬ಕ ಸುರವೇಕ ವೆಗವೆಗಳೆ ಕಲಾತಂಡ ಮೇಳ್ನು ವೈಭವಯುತ ಜಾವನು ಸಾಂಸ್ಕೃತಿಕ ಮೆರ್‍ವಣಿಗಾ ಚಲಾಯಿಸಿಲೆ. ಅಕಾಡೆಮಿ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಕೊಂಕಣಿ ಬಾವುಟ ದಾಖಯಚೆ ಮುಖಾಂತರ ಮೆರ್‍ವಣಿಗೇಕ ಸುರುವಾತ ದಿಲ್ಲಿ. ಮಾಗಿರಿ ಲೊಯೊಲಾ ವಿಕಾಸ ಕೇಂದ್ರಾಚೆ ಸಭಾಂಗಣಾಂತು ನಾಡಗೀತಾ ಗಾಯಚೆ ಮುಖಾಂತರ ಕಾರ್ಯಕ್ರಮ ಶೂರ ಜಾಲ್ಲೆ. ಯಲ್ಲಾಪುರ- ಮುಂಡಗೋಡು ವಿಧಾನಸಭಾ ಕ್ಷೇತ್ರಾಚೆ ಶಾಸಕ ಶ್ರೀ ಶಿವರಾಮ ಹೆಬ್ಬಾರ ತಾನ್ನಿ ಕಾರ್ಯಕ್ರಮ ಉದ್ಘಾಟನ ಕೆಲ್ಲಿ. ಉಪರಾಂತ ಉಲೋನು “ಸಿದ್ದಿ ಕಾರ್ಯಕ್ರಮ ಘಾಲ್ನು ಘೆತ್ತಿಲೆ ನಿಮಿತ್ತ್ಯಾನಿ ಸಮಾಜಾಂತು ಸಿದ್ದಿ ಜನಾಗಾಚೆ ಲೋಕಾಂಕ ಉದರ್ಗತಿ ಪಾವಚಾಕ ಸಾಧ್ಯ ಜಾತ್ತಾ ಮ್ಹಳ್ಳೆ. ಸಮಾರಂಭಾಂತು ಅಕಾಡೆಮಿ ಅಧ್ಯಕ್ಷ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಅಧ್ಯಕ್ಷಪಣ ಘೆತ್ತಿಲೆ. ಮುಖೇಲ ಸೊಯರೆ ಜಾವನು ವಿಧಾನಪರಿಷತ್ ಸದಸ್ಯ ಶ್ರೀ ಶಾಂತರಾಮ ಸಿದ್ದಿ, ಮಾಜಿ ಶಾಸಕ ಬಿ.ಎಸ್. ಪಾಟೀಲ್, ಮುಂಡುಗೋಡು ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಶ್ರೀ ಕೃಷ್ಣ, ಶಿರಸಿಚೆ ಸಹಾಯಕ ಆಯುಕ್ತ ಶ್ರೀಮತಿ ಕಾವ್ಯಾರಾಣಿ, ಲೊಯೋಲಾ ವಿಕಾಸ ಕೇಂದ್ರಾಚೆ ಫಾ. ಅನಿಲ್ ಲೋಬೊ, ಜಿಲ್ಲಾ ಸಂಘಟನೆಚೆ ಉಪಾಧ್ಯಕ್ಷ ಶ್ರೀ ಮೊನು ದೊಡ್ಡಮಣಿ, ಸಿದ್ದಿ ಮುಖಂಡ ಶ್ರೀ ಅಲ್ಲಿಸಾಬ್ ಮೆಹಬುಬಸಾಬ್ ದೇಸಾಯಿ, ಶ್ರೀ ಹಸನಸಾಬ ಮೊದಿನಸಾಬ ಹುಲಕೊಪ್ಪ, ಶ್ರೀ ಯಾಕೊಬ ನಾಯ್ಕ, ಶ್ರೀ ಲಿಲ್ಲಾಭಕ್ಷ ಸಿದ್ದಿ ಸಮಾರಂಭಾಂತು ಉಪಸ್ಥಿತ ವ್ಹರಲೀಲೆ. ಹೇ ಸಮಾರಂಭಾಂತು ಅಕಾಡೆಮಿ ಸದಸ್ಯ ಜಾಲೀಲೆ ಶ್ರೀ ನವೀನ್ ಲೋಬೊ, ಶ್ರೀ ಪ್ರಮೋದ್ ಪಿಂಟೊ ತಾನ್ನಿ ಹಾಜರ ಆಶ್ಶಿಲೆ. ಅಕಾಡೆಮಿ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಯೇವ್ಕಾರ ಕೆಲ್ಲಿ. ಶ್ರೀ ಶಾಂತರಾಮ ಸಿದ್ದಿ ತಾನ್ನಿ ಅಖೇರಿಕ ಆಬಾರ ಮಾನಲೆ. ಶ್ರೀಮತಿ ಅಂಜಲಿ ಸಿದ್ದಿ ತಾನ್ನಿ ಕಾರ್ಯಕ್ರಮ ಸ್ವರಸಂಚಾಲನ ಕೆಲ್ಲಿ. ಸಾಂಸ್ಕೃತಿಕ ಕಲಾತಂಡ ತಾಕೂನು ಸಿದ್ದಿ ಸಾಂಸ್ಕೃತಿಕ ನಾಚ ಜಾಲೀಲೆ ದಮಾಮ್, ಪುಗಡಿ, ಗೊಂಬೆ ನೃತ್ಯ ಆನಿ ವೆಗಳೆ ನೃತ್ಯಗಳ ಪ್ರದರ್ಶಿತ ಜಾಲ್ಲೆ.