ಬಸ್ರೂರು ಶ್ರೀ ಮಹಾಲಸಾ ನಾರಾಯಣೀ ದೇವಳಾಚೆ ಪುನಃಪ್ರತಿಷ್ಠಾ ೨೬ವೇಂ ವರ್ಧಂತಿ ಉತ್ಸವು ಮೇ. ೧೨ ತಾರಿಖೇಕ ಚಲ್ತಾ ಮ್ಹಣಚೆ ಮಾಹಿತಿ ಮೆಳ್ಳಾ. ತತ್ಸಂಬಂಧ ಮೇ ೧೧ಕ ಶ್ರೀ ದೇವಳಾಚೆ ಪರಿಸರಾಂತು ಆಸ್ಸುಚೆ ಶ್ರೀ ನಾಗದೇವಾಲೆ ಆನಿ ಜಟ್ಟಿಗ ದೈವಾಚೆ ಪುನಃ ಪ್ರತಿಷ್ಠಾ ವರ್ಧಂತ್ಯುತ್ಸವು ಚಲ್ತಾ. ತಶೀಚಿ ಮೇ ೧೨ಕ ದೇವಮಾಗಣಿ, ಸಾನ್ನಿಧ್ಯ ಹವನ, ಶತಕಲಶಾಭಿಷೇಕ, ಶ್ರೀ ನಾಗದೇವಾಕ ಆನಿ ಜಟ್ಟಿಗ ದೈವಾಕ ವಿಶೇಷ ಪೂಜಾ, ಭಜನಾ ಕಾರ್ಯಕ್ರಮ, ಹರಕೇಕ ಆಯಲೀಲೆ ಕಾಪ್ಪಡ ಏಲಂ, ಮಹಾಮಂಗಳಾರ್ತಿ, ದರ್ಶನ ಸೇವಾ, ಮಹಾ ಸಂತರ್ಪಣ ಚಲ್ತಾ. ಸಾಂಜೇರಿ ಭಜನಾ ಕಾರ್ಯಕ್ರಮ, ರುಪ್ಯಾ ಪಾಲ್ಕಿ ಉತ್ಸವು, ಅಷ್ಟಾವಧಾನ, ವಸಂತ ಪೂಜಾ ಆದಿ ಕಾರ್ಯಕ್ರಮ ಚಲ್ತಾ ಮ್ಹಣಚೆ ಮಾಹಿತಿ ಮೆಳ್ಳಾ.