ಅಕ್ಟೋಬರ್ ೨೨,೨೦೨೬ ದಿವಸು ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ತಶೀಚಿ ಕೊಂಕಣಿ ಕಲಾ ಸಾಹಿತ್ಯ ಸಾಂಸ್ಕೃತಿಕ ಸಂಘಟನ, ಕಾರವಾರ ಹಾಂಚೆ ಮೇಲಾವಟ್ಟಾರಿ ಶಿವಾಜಿ ಶಿಕ್ಷಣ ಸಂಸ್ಥೆಚೆ ಶಂಕರ ಬಾಬಿ ಸಾಮಂತ ಸಭಾಭವನ, ಬಾಡ, ಕಾರವಾರಾಂತು ಉತ್ತರ ಕನ್ನಡ ಜಿಲ್ಲಾಸ್ತರಾಚೆ ‘ಕೊಂಕ್ಣಿ ಸಂಭ್ರಮ್’ ಕೊಂಕಣಿ ಸಮ್ಮೇಳನ ವೈಭವಾರಿ ಚಲ್ಲೆ. ಸಮ್ಮೇಳನಾಧ್ಯಕ್ಷ ಜಾವನು ಡಾ. ಉದಯ್ ರಾಯ್ಕರ್ ಉಪಸ್ಥಿತ ವ್ಹರಲೀಲೆ. ಕಾರ್ಯಕ್ರಮಾಚೆ ಸಂಘಟಕ ಜಾಲೀಲೆ ಡಾ. ವಸಂತ್ ಬಾಂದೇಕರ್ ತಾನ್ನಿ ಸಕಟ್ಯಾಂಕ ಯೆವಕಾರ ಕೆಲ್ಲಿ. ಅಕಾಡೆಮಿ ಸದಸ್ಯ ಶ್ರೀ ಸುನಿಲ್ ಸಿದ್ಧಿ ತಾನ್ನಿ ಅಧ್ಯಕ್ಷಪಣ ಘೇವ್ನು ಅಕಾಡೆಮಿಚೆ ಕಾರ್ಯಕ್ರಮಾಚೆ ಮಾಹಿತಿ ದಿಲ್ಲಿ.
ಮುಖೇಲ ಸೊಯರೆ ಫಾ. ಥಾಮಸ್ ಫೆರ್ನಾಂಡಿಸ್ ತಾನ್ನಿ ಉಲೋನು `ಆಮ್ಕಾ ಆಮ್ಗೆಲೆ ಕೊಂಕಣಿ ಭಾಷೆ ಮ್ಹಳಯಾರಿ ಗರ್ವ ಆಸ್ಸುಕಾ ಮ್ಹೊಣು ಸಾಂಗ್ಲಿಂತಿ ವೇದಿಕೆರ್‍ಲಿ ಖ್ಯಾತ ಸಂಗೀತ ಮಾಸ್ತರ ಜಾಲೀಲೆ ಪಂಡಿತ್ ಚಂದ್ರಕಾಂತ ವಿಶ್ವನಾಥ ಗಡ್ಕರ್ ತಶೀಚಿ ಸೈಂಟ್ ಮಿಲಾಗ್ರಿಸ್ ಕ್ರೆಡಿಟ್ ಕೊ-ಅಪರೇಟಿವ್ ಸೊಸೈಟಿ ಅಧ್ಯಕ್ಷ ಶ್ರೀ ಜೋರ್ಜ್ ಎಸ್. ಫೆರ್ನಾಂಡಿಸ್ ತಾನ್ನಿ ಮಾನಾಚೆ ಸೊಯರೆ ಜಾವನು ಉಪಸ್ಥಿತ ವ್ಹರಲೀಲೆ. ಸಭಾ ಕಾರ್ಯಕ್ರಮಾಚೆ ಮಾಗಿರಿ ‘ಕೊಂಕಣಿ ಕಾಲಿ, ಆಜಿ ಆನಿ ಫಾಯಿ ಮ್ಹಣ್ಚೆ ವಿಷಯಾಚೆ ವಯ್ರಿ ಡಾ. ಅರವಿಂದ ಶಾನಭಾಗ ಆನಿ ಶ್ರೀ ಸ್ಟೀವನ್ ಕ್ವಾಡ್ರಸ್ ಹಾಂಗೆಲೆ ತಾಕೂನು ವಿಚಾರ ಸಂಕಿರಣ ಚಲ್ಲೆ.
ಕಾರ್ಯಕ್ರಮಾಚೆ ಅಖೇರಿಕಸಿದ್ಧಿ ದಮಾಮಿ ನೃತ್ಯ, ಕೊಂಕಣಿ ಖಾರ್ವಿ ನೃತ್ಯ, ಕೊಂಕಣಿ ಬಾವಲ್ಯಾ ಖೇಳ (ಗೊಂಬೆಯಾಟ) ತಶೀಚಿ ಕೊಂಕಣಿ ಮಿಮಿಕ್ರಿಚೆ ಸಾಂಸ್ಕೃತಿಕ ಕಾರ್ಯಕ್ರಮ ಚಲ್ಲೆ. ಡಾ. ವಸಂತ್ ಬಾಂದೇಕರ್ ತಾನ್ನಿ ಕಾರ್ಯಕ್ರಮಾಚೆ ನಿರೂಪಣ ಕೊರನು, ಆಬಾರ ಮಾನಲೆ.