ವಿಶ್ವ ಕೊಂಕಣಿ ಕೇಂದ್ರಾಂತ ಸಿ.ಎ. ಪವರ್ 25- ಸಿ.ಎ ಇಂಟರ್ ಸೀಸನ್-9 – ನೌವಾಚೆ ಶಿಬಿರ ಉಗ್ತಾವಣ ಸುವಾಳೊ 20-10-2026 ತಾರ್ಕೆರ ಚಲ್ಲೆ.
“ಸಿ.ಎ. ಪವರ್ 25” ತರ್ನಟೆಂಕ ಸಿ.ಎ. ಪರೀಕ್ಷಾಪೂರ್ವ ತರಬೇತ ಆನಿ ಆತ್ಮವಿಶ್ವಾಸ ವಾಡೊವಚಾಕ, ಆನಿ ಆಸಕ್ತ ಆಶಿಲ್ಯಾಂಕ ಮುಫತ ರಾವಪಾಚೆ ಸುವಿಧಾ ಆಸುಚೆ, ವಿಶೇಷ ತರಬೇತ ದಿವಚೆ ಶಿಬಿರ ಜಾವನು ಆಸಾ.
ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ.ಎ. ನಂದಗೋಪಾಲ ಶೆಣೈ ಹಾನ್ನಿ ಹೆಂ ತರಬೇತ ಶಿಬಿರ ದಿವೊ ಲಾವನು ಉಗ್ತಾವಣ ಕರನು ಸೊಯರೆಂಕ ಸ್ವಾಗತ ಕರತಚಿ “ತ್ರಿಶಾ ಸಂಸ್ಥೊ ವಿಶ್ವ ಕೊಂಕಣಿ ಕೇಂದ್ರಾಚೆ ಜೋಡ ಆಶ್ರಯಾರ ಸೂಕ್ತ ಸಂಪನ್ಮೂಲ ವ್ಯಕ್ತಿಂಕ ಆಪೊವನು ತರಬೇತ ದಿವಚಾಕ ಪ್ರೊತ್ಸಾಹ ದಿತ್ತ ಆಸತಿ ಹೆಂ ಶಿಬಿರ ಸಿ.ಎ. ಶಿಕಪಾಚೆ ಛಾತ್ರಾಂಕ ಮಸ್ತ ಉಪಯುಕ್ತ ಜಾವನು ಆಸಾ. ತಶೀಂಚಿ ಆತ್ಮವಿಶ್ವಾಸ ಆನಿ ಕ್ರಮಾಚೆ ಅಭ್ಯಾಸ ನಿಮಿತ್ತ ಶಿಬಿರಾಚೆ ಪೂರ್ಣಪ್ರಮಾಣಾರ್ ಉಪಯೋಗ ಘೆವನು ಜೀವನಾಂತ ಯಶ ಪಾವಕಾ ಅಶಿಂ ಮ್ಹೊಣು ಶುಭ ಸಾಂಗಲೆಂ.
ಮುಖೇಲ ಸೊಯರೆ ಜಾವನು ತ್ರಿಶಾ ಗ್ರೂಪ್ ಆಫ್ ಇನ್ಸ್ಟಿಟ್ಯುಶನ್ ಚೆ ಡಾ. ನಾರಾಯಣ್ ಕಾಯರ ಕಟ್ಟೆ, ಹಾನ್ನಿ ಸಿ.ಎ. ಪರೀಕ್ಷಾ ಎದುರಸುಚಾಕ ಪರೀಕ್ಷಾರ್ಥಿಂಕ ಅವಶ್ಯಕ ಜಾಲೆಲೆ ಮೌಲ್ಯ ಬದ್ದಲ ಸಲಹಾ ದಿಲ್ಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ರಮೇಶ್ ಡಿ ನಾಯಕ್ ಆನಿ ಸಿಎಒ ಡಾ ಬಿ ದೇವದಾಸ ಪೈ, ತ್ರಿಶಾ ಸಂಸ್ಥೆಚೆ ಪ್ರೊ ಗೌರಿ ಕಾಮತ ಹಾನ್ನಿ ವೇದಿರಿ ಉಪಸ್ಥಿತ ಆಶಿಲಿಂ.
ಶಿಬಿರಾರ್ಥಿ ರಿಯಾ ಸಿಂಗ ನ್ ಕಾರ್ಯಾವಳ ಸತ್ರ ಸಂಚಲನ ಕರನು, ಲಕ್ಷ್ಮೀ ಕಿಣಿನ ಪ್ರಾರ್ಥನ ಕೆಲೆಂ. ೨೦- ವೀಸ ದಿವಸಾಚೆ ಹೆಂ ಮುಫತ, ರಾವಪಾಚೆ, ಖಾಣ, ಜೆವಾಣ ಆನಿ ಸುವ್ಯವಸ್ಥಾ ಆಸುನ ವಿಶೇಷ ಜಾಲೆಲೆ ತರಬೇತಿಂತ ಭಾಯಲ ಗಾಂವಾತಾಕುನ ಸಂಪನ್ಮೂಲ ಮಾನೆಸ್ತ ಲೋಕ ಸೆರವುನು ಅನುಭವೀ ಉಪನ್ಯಾಸಕ ತರಬೇತ ದಿತ್ತಾತ್. ಆನಿ ಸಿ.ಎ. ಉಲ್ಲಾಸ್ ಕಾಮತ್ ಹಾಂಗೆಲೆ ಯು.ಕೆ. ಆಂಡ್ ಕೊ ಆನಿ ತ್ರಿಶಾ ಕ್ಲಾಸಸ್ ಸಂಸ್ಥೊ ವಿಶ್ವ ಕೊಂಕಣಿ ಕೇಂದ್ರ ಸಾಂಗಾತಾಕ ಹೆಂ ತರಬೇತಿ ಯೋಜನಾಚೆ ಹಾತ ಮೆಳೊವನು ಆಸಾತಿ.