-ಖಂಯ್ಚೆಯ್ ಭಾಷೆಕ ಭಾರತ ಸಂವಿಧಾನಾಚ್ಯಾ 8ವೆ ಪರಿಚ್ಛೆದಾಂತ್ ಸ್ಥಾನ್ ದೆಶಾಚೊ ಸಂಸ್ತ್ತ್ ದಿತಾ ಕಿತ್ಯಾಕ ಮ್ಹಳ್ಯಾರ ತ್ಯ್ ಭಾಶೀಕಾನ್ ತಾಂಚಿ ಭಾಸೆಚಿ ಉದ್ರಗತೀಕ ಖೂಬ್ ವಾವಾರ ಕರೂಂಕ ಜಾಯ್. ಕೊಂಕ್ಣೀಕ್ ಹೆಂ ಸ್ಥಾನ್ ಮೆಳೂಂಕ್ ಖೂಬ್ ಲೊಕಾನಿಂ ಪರಿಶ್ರಮ್ ಘೆತ್ಲಾ, ತಾಂಕಾ ಆಮಿ ಆಭಾರ ಆಸಾತಿ. ಆಯ್ಚೆ ಪೀಳೀಗೆನ್ ಕೊಂಕ್ಣೀಂತ ಶಿಕ್ಷಣ ಆನಿ ಸಾಹಿತ್ಯಾಚೆ ಉದ್ರಗತೀಕ್ ವಾವ್ರ್ ಕರೂಂಕ ಜಾಯ್” ಅಶೆಂ ಮ್ಹಣು ಮಂಗ್ಳೂರ ವಿಶ್ವ್ ಕೊಂಕ್ಣಿ ಕೆಂದ್ರಾಂತ ‘ಕೊಂಕ್ಣಿ ಮಾನ್ಯತಾಯ್ ದೀಸ್’ ಚೆ ಸುವಾಳ್ಯಾಂತ್ ದಿವೊ ಪೆಟೊವುನ್ ಮುಖೈಲ್ ಸೊಯ್ರೊ ಡೊ.ಟಿ.ಎಮ್.ಎ ಪೈ ಉತ್ಕೃಷ್ಟ್ ಕೊಂಕ್ಣಿ ಪುಸ್ತಕ್ ಪುರ್ಸ್ಕಾರ್ ವಿಜೆತ್, ಕೊಂಕ್ಣಿ ಸಾಹಿತಿ, ಅಂಕಣಕಾರ್ ಗೊಂಯ್ಚೊ ಅನಂತ್ ಅಗ್ನಿ ಹಾನಿಂ ಸಾಂಗ್ಲೆಂ.
ಸಮಾರಂಭಾಚೆ ಪಯ್ಲೆಂ ರಾಷ್ಟ್ರದ್ವಜ್ ಉಬೊವುನ್ ವಿಶ್ವ್ ಕೊಂಕ್ಣಿ ಕೆಂದ್ರ್ ಅಧ್ಯಕ್ಷ ನಂದ್ಗೊಪಾಲ ಶೆಣೈ ಹಾನಿಂ ಯೆವ್ಕಾರ ಕೆಲೆಂ. ಕೊಂಕ್ಣಿ ವಾಚನ ಸತ್ರಾಂಚೆ ವಾಂಗ್ಡ್ಯಾನ ಕೊಂಕ್ಣಿ ಅಭಿಮಾನ ಗೀತ ಮ್ಹಣೂನ ‘ಕೊಂಕ್ಣಿ ಅಂತರ್ಧ್ವನಿ’ ನಾಟಕ ಪ್ರದ್ರ್ಶನ ಕೆಲೆಂ. ಸಚಿವ್ ಡೊ.ಕಸ್ತೂರಿ ಮೊಹನ್ ಪೈ ಹಾನಿಂ “ವಿಶ್ವ್ ಕೊಂಕ್ಣಿ ಕೆಂದ್ರಾಚೆ ಫಾಟಿಂಬಾನ್ 4500 ವಿದ್ಯಾರ್ಥಿಯೊ ಆಯ್ಜ್ ಮೆರೆನ ಕೊಂಕ್ಣಿ ಶಿಕ್ಲ್ಯಾತ್, ತುಮಿ ತುಮ್ಚ್ಯಾ ಶಾಳೆಂತ್ ಕೊಂಕ್ಣಿ ಶಿಕೊವ್ಪಾಕ್ ಮಾಗ್ಣಿ ದವ್ರಾ” ಮ್ಹಣು ಸಲ್ಲ್ ದಿಲ್ಲೊ. ಧಾವೆ ವರ್ಗಾಂತ್ ಕೊಂಕ್ಣೀಂತ್ 100 ಅಂಕಾಂ ಜೊಡಿಲ್ಯಾ ಕೌಸ್ಲ್ಯಾಕ್ 7000 ರೂಪ್ಯೆಚೆಂ ಶಿಶ್ಯ್ ವೆತನ್ ಉಷಾ ಮೊಹನ್ ಪೈ ಹಾನಿಂ ದಿಲ್ಲೆಂ. ಸಾಹಿತ್ಯ್ ಅಕಾದೆಮೀಚೊ ಕೊಂಕ್ಣಿ ಸಲ್ಲಾಗಾರ ಮೆಲ್ವಿನ ರೊಡ್ರಿಗಸ ಹಾನಿಂ “ತುಮಿ ಕಿತೆಲೆಂಯ್ ಚಡ ಶಿಕ್ಲೆಯತರ ಆವಾಯ ಭಾಸ ಕೊಂಕ್ಣಿ ವಿಸ್ರೂಂಕ ನ್ಹಯ್” ಮ್ಹಣು ಸಂದೆಶ್ ದಿಲೊ. ಜಮಿಲ್ಯಾ 100
ಪೆಕ್ಷ್ ಚಡ ವಿಧ್ಯಾರ್ಥಿಯಾನ ವೆಗ ವೆಗ್ಳ್ಯಾ ತರಾಂಚಿ ಸಾಂಸ್ಕೃತಿಕ್ ಕಾರ್ಯಾವಳಯೊ ಪ್ರದ್ರ್ಶನ ಕೆಲ್ಯೊ ಆನಿ ಖೂಬ್ ಇನಾಮ ಜೊಡ್ಲ್ಯೊ. ಖಜಾಂಚಿ ಬಿ.ಆರ್.ಭಟ್ಟ್ ಹಾನಿಂ ಧನ್ಯವಾದ್ ಕರೂನ್ ದೆವ್ ಬರೆಂ ಕರುಂ ಮ್ಹಳ್ಳೆಂ. ಎಮ್.ಆರ್. ಕಾಮತ ಹಾನಿಂ ಸೂತ್ರ್ ಸಂಚಾಲನ ಕೆಲೆಂ. ಉಪಾಧ್ಯಕ್ಷ್ ರಮೆಶ್ ನಾಯ್ಕ್, ವಿಲಿಯ್ಮ್ ಡೀಸೊಜ್, ವಿಶ್ವಸ್ಥ್ ಮಂಡ್ಳೀಚಾ ಕುಡ್ಪಿ ಜಗ್ದೀಶ್ ಶೆಣೈ, ಗೊಕುಲನಾಥ್ ಪ್ರಭು, ಪ್ರಶಾಂತ್ ಶೇಟ್, ವತಿಕಾ ಕಾಮತ್ ಪೈ, ಶಿವಶಂಕರ್ ಎಸ್ ನಾಯ್ಕ್ ಆನಿ ಸಬಾರ್ ಕೊಂಕ್ಣಿ ಮೊಗಿ ಉಪ್ಸ್ಥಿತ್ ಆಶಿಲೆ.
मंगळूर विश्व कोंकणी केंद्रांत ‘कोंकणी मान्यताय दीस’-2026
खंयचेय भासेक भारत संविधानाच्या ८वे परिच्छेदांत स्थान देशाचो संसत्त दिता कित्याक म्हळ्यार त्य भाशीकान तांची भासेची उदरगतीक खूब वावार करूंक जाय. कोंकणीक हें स्थान मेळूंक खूब लोकानीं परिश्रम घेतला, तांका आमी आभार आसाती.
आयचे पीळीगेन कोंकणींत शिक्षण आनी साहित्याचे उदरगतीक वावर करूंक जाय” अशें म्हणु मंगळूर विश्व कोंकणी केंद्रांत ‘कोंकणी मान्यताय दीस’ चे सुवाळ्यांत दिवो पेटोवुन मुखैल सोयरो म्हणुन डॉ.टी.एम.ए पै उत्कृष्ट कोंकणी पुस्तक पुरस्कार विजेत, कोंकणी साहिती, अंकणकार गोंयचो अनंत अग्नी हानीं सांगलें. समारंभाचे पयलें राष्ट्रद्वज उबोवुन विश्व कोंकणी केंद्र अध्यक्ष नंदगोपाल शेणै हानीं येवकार भाषण केलें. कोंकणी वाचन सत्रांचे वांगड्यान कोंकणी अभिमान गीत म्हणून ‘कोंकणी अंतर्ध्वनी’ नाटक प्रदर्शन केलें. सचिव डॉ.कस्तूरी मोहन पै हानीं “विश्व कोंकणी केंद्राचे फ़ाटिंबान ४५०० विद्यार्थियो आयज मेरेन कोंकणी शिकल्यात, तुमी तुमच्या शाळेंत कोंकणी शिकोवपाक मागणी दवरा” म्हणु सल्ल दिल्लो.
धावे वर्गांत कोंकणींत १०० अंकां जोडिल्या कौसल्याक ७००० रूपयेचें शिश्य वेतन उष मोहन पै हानीं दिल्लें. साहित्य अकादेमीचो कोंकणी सल्लागार मेल्विन रोड्रिगस हानीं “तुमी कितेलेंय चड शिकलेयतर आवाय भास कोंकणी विसरूंक न्हय” म्हणु संदेश दिलो. जमिल्या १०० पेक्ष चड विध्यार्थियान वेग वेगळ्या तरांची सांस्कृतिक कार्यावळयो प्रदर्शन केल्यो आनी खूब इनाम जोडल्यो. खजांची बि.आर.भट्ट हानीं धन्यवाद करून देव बरें करूं म्हळ्ळें. एम.आर. कामत हानीं सूत्र संचालन केलें. उपाध्यक्ष रमेश नायक, विलियम डीसोज, विश्वस्थ मंडळीचा कुड्पी जगदीश शेणै, गोकुलनाथ प्रभु, प्रशांत शेट, वतिका कामत पै, शिवशंकर एस नायक आनी सबार कोंकणी मोगी उपस्थित आशिले.