ಕಾಪು ಶ್ರೀ ಹಳೇ ಮಾರಿಯಮ್ಮ ದೇವಿಲೇ ಸನ್ನಿಧಿಂತು ಅಧಿಕ ಜ್ಯೇಷ್ಟ ಮಾಸ ಪರ್ವಕಾಲಾರಿ ೧೯ ಮೇ ೨೦೨೬ ಮಂಗಳವಾರ ದಿವಸು ಡಾ. ಸುಷ್ಮಾ ಭಟ್ ಆನಿ ಡಾ. ಸದಾನಂದ ಎಲ್ ಭಟ್, ಕಾಪು ಹಾಂಗೆಲೆ ತರಪೇನಿ ಸೇವಾರ್ಥ ಜಾವನು ಭಕ್ತಿ-ಶ್ರದ್ಧೇರಿ ಆನಿ ವಿಜೃಂಭಣೆರಿ ಚಂಡಿಕಾಯಾಗ ಸೇವಾ, ಮಹಾಪೂರ್ಣಾಹುತಿ ಚಲ್ಲೆ. ತತ್ಸಂಬಂಧ ಕಾಪು ಶ್ರೀ ಹಳೇ ಮಾರಿಯಮ್ಮ ದೇವಿಕ ವಿಶೇಷ ಅಲಂಕಾರ, ಮಹಾಪೂಜಾ, ಮಹಾಮಂಗಳಾರ್ತಿ ತದನಂತರದ ಅನ್ನ ಸಂತರ್ಪಣ ಆದಿ ಕಾರ್ಯಕ್ರಮ ಚಲ್ಲೆ.
ತ್ಯಾಂಚಿ ದಿವಸು ವಿಶೇಷ ಜಾವ್ನು ಸಕ್ಕಾಣಿಚಾನ ಧೋಂಪಾರಾ ಪರಿಯಂತ ಸತತ ಸ ಘಂಟೊ ಕಾಳ ನಿರಂತರ ” ಭಜನಾಮೃತ ” ಕಾರ್ಯಕ್ರಮ ವರೇನ ಆಯೋಜನ ಕೆಲೀಲೆ. ಗಾಂವ್ಚೆ ಪರಗಾಂವ್ಚೆ ಭಜನಾ ಮಂಡಳಿಚಾನ ಹಾಂತು ವಾಂಟೊ ಘೇವ್ನು ಶ್ರೀ ದೇವಿ, ಶ್ರೀ ಹರಿ ಕೃಪೆಕ ಪಾತ್ರ ಜಾಲ್ಲೆ. ತಶೀಚಿ ಗಾಂವ್ಚೆ, ದೇವಳಾಚೆ ಗಣ್ಯ ಲೋಕ, ಸಮಾಜ ಬಾಂದವ, ಸೇವಾದಾರಾಂಗೆಲೆ ಕುಟುಂಬಾಚಿ ವ್ಹಡ ಅಂಕಡ್ಯಾರಿ ಉಪಸ್ಥಿತ ವ್ಹರಲೀಲೆ.