ಕಲಾವಿದ ತಾಕೂನು ಕಲಾಕೃತಿ ರಚನಾ, ಕಲಾ ರಸಿಕಾ ತಾಕೂನು ಕಲಾಕೃತಿ ಆಸ್ವಾದನೇಕ ಸೌಂದರ್ಯ ಪ್ರಜ್ಞಾ ಏಕ್ಕಽಚಿ ಮಾಧ್ಯಮ ಮ್ಹೊಣು ಮ್ಹಾಲ್ಗಡೊ ಕಲಾವಿದ ಪಿ. ಎನ್. ಆಚಾರ್ಯ ತಾನ್ನಿ ಸಾಂಗ್ಲೆ. ತಾನ್ನಿ ಆರತಾಂ ಉಡುಪಿ ಸಿಟಿ ಬಸ್ಸ್ಟ್ಯಾಂಡಾ ಲಾಗ್ಗಿಚೆ ಜಂಗಮ ಮಠಾಂತು ಆಸ್ಸುಚೆ ಚಿತ್ರಕಲಾ ಮಂದಿರಾಚೆ ವಿಭೂತಿ ಆರ್ಟ್ ಗ್ಯಾಲರಿಂತು ದೋನ ದಿವಸು ಚೊಲಚೆ ಚಿತ್ರ ಕಲಾ ಪ್ರದರ್ಶನಾಚೆ ಉದ್ಘಾಟನಾ ಸಮಾರಂಭಾಂತು ಉಲಯತಾಲೆ.
ಆಶಾ ಕಲಾ ನಿಕೇತನ ಗ್ಯಾಲರಿಚೆ ಕೊಲಾಜ್ ಕಲಾವಿದ ಎಂ. ಪ್ರಭಾಕರ ಕಿಣಿ ಪ್ರದರ್ಶನಾಚೆ ಉದ್ಘಾಟನ ಕೆಲ್ಲಿ.
ಬೈಲೂರು ಹೊಸ ಬೆಳಕು ಆಶ್ರಮಾಚೆ ತನುಲಾ ತರುಣ್ , ಚಿತ್ರಕಲಾ ಮಂದಿರಾಚೆ ನಿರ್ದೇಶಕ ಡಾ. ಯು. ಸಿ. ನಿರಂಜನ್ ಉಪಸ್ಥಿತ ವ್ಹರಲೀಲೆ.
ಮ್ಹಾಲಗಡೆ ಕಲಾವಿದ ಪಿ. ಎನ್. ಆಚಾರ್ಯ ತಶೀಚಿ ವೆಂಕಟರಮಣ ಭಟ್ ತಾಂಕಾ ಹೇ ವೇಳ್ಯಾರಿ ಸನ್ಮಾನ ಕೆಲ್ಲಿ.
ಕಲಾವಿದೆ ಶಕುಂತಳಾ ಶೆಣೈ ತಾನ್ನಿ ಕಾರ್ಯಕ್ರಮಾಚೆ ನಿರೂಪಣ ಕೆಲ್ಲಿ. ಕಲಾವಿದ ರವಿ ಹಿರೇಬೆಟ್ಟು ತಾನ್ನಿ ಆಬಾರ ಮಾನಲೆ. ಹೇ ವೇಳ್ಯಾರಿ ಎಂ. ಪ್ರಭಾಕರ ಕಿಣಿ, ಶಕುಂತಳಾ ಶೆಣೈ, ರವಿ ಹಿರೇಬೆಟ್ಟು ತಾಂಗೆಲೆ ಕಲಾಕೃತಿ ಪ್ರದರ್ಶನ ವೀಕ್ಷಣ ಕೊರನು ವೀಕ್ಷಕಾನಿ ಆನಂದ ಪಾವ್ನು ತಾರೀಪು ಕೆಲ್ಲಿ.