ಪುರಾಣ ಪ್ರಸಿದ್ಧ ಗಂಗೊಳ್ಳಿಚೆ ಮಲ್ಯರಮಠ ಶ್ರೀ ವೆಂಕಟರಮಣ ದೇವಳಾಂತು ಕಾಲಂಪ್ರತಿ ಚೊಲಚೆ ಬ್ರಹ್ಮರಥೋತ್ಸವು ಅವುಂದು ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೊ ಉಪಸ್ಥಿತಿ ತಶೀಚಿ ಮಾರ್ಗದರ್ಶನಾರಿಫೆ.೨೪ಕ ವಿಜೃಂಭಣೆರಿ ಚಲ್ಲೆ.
ಸಕ್ಕಾಣಿ ಶ್ರೀ ದೇವಾಕ ಪಂಚಾಮೃತ ಅಭಿಷೇಕ, ತುಲಾಭಾರ ಸೇವಾ ಚಲ್ಲೆ. ಧೋಂಪಾರಾ ಮಹಾಪ್ರಾರ್ಥನಾ, ಉಪರಾಂತ ಬಲಿಪೂಜಾ, ಮಾರ್ಗ ಬಲಿ ಚಲ್ಲೆ. ಸಾಂಜವಾಳಾ ರಥಾರೋಹಣ, ಮಹಾಮಂಗಳಾರತಿ ಆದಿ ಧಾರ್ಮಿಕ ಕಾರ್ಯಕ್ರಮ ಸಂಪನ್ನ ಜಾಲ್ಲೆ. ದೇವಳಾಚೊ ಪ್ರಧಾನ ಅರ್ಚಕ ವೇದಮೂರ್ತಿ ಎಸ್.ವೆಂಕಟರಮಣ ಆಚಾರ್ಯಆನಿ ದೇವಳಾಚೊ ತಾಂತ್ರಿಕ ವೇದಮೂರ್ತಿ ಜಿ.ವಸಂತ ಭಟ್ ನೇತೃತ್ವಾರಿ ರಥೋತ್ಸವಾಚೆ ವೆಗವೆಗಳೆ ಧಾರ್ಮಿಕ ಕಾರ್ಯಕ್ರಮ ಆನಿ ಅನುಷ್ಠ್ಠಾ ಶಾಸ್ತ್ರೋಕ್ತ ಜಾವ್ನು ಚಲ್ಲೆ.
೩೬೦ ವರ್ಸಾಂ ಪೋರನ್ಯಾ ಪುರಾಣ ಪ್ರಸಿದ್ಧ ಗಂಗೊಳ್ಳಿ ಮಲ್ಯರ ಮಠ ಶ್ರೀ ವೆಂಕಟರಮಣ ದೇವಳಾಂತ ದರ ವರ್ಸಾ ಚೊಲಚೆ ಬ್ರಹ್ಮರಾಥೋತ್ಸವಾಚೇ ಧಾರ್ಮೀಕ ವಿಧಿವಿಧಾನ ಧ್ವಜ ದೇಂವೋವನ ಫೆ.೨೬ ದಿವಸು ಸಮಾಪ್ತಿ ಜಾಲ್ಲೆ.
ಬುಧ್ವಾರ ಸಾಂಜವಾಳಾ ಅವಭ್ರೂತ ಉತ್ಸವ, ಧ್ವಜ ದೇಂವೋವಪ, ಶ್ರೀದೇವೀಚೀ ವಿಶೇಷ ಪೂಜೊಪಾಸನಾ ಆದಿ ಧಾರ್ಮೀಕ ಕಾರ್ಯಾವಳೀ ವಿಧೀಪುರ್ವಕ ಪದ್ದತೀನ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳೀ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ಸ್ವಾಮೀಜೀ ಹಾಂಗೆಲೆ ಮಾರ್ಗದರ್ಶನಾರಿ ಸಂಪನ್ನ ಜಾಲ್ಲೆ. ದೇವಳಾಚೋ ಮುಖೇಲ ಅರ್ಚಕ ಎಸ್. ವೆಂಕಟರಮಣ ಭಟ್ ಆನಿ ದೇವಳಾಚೊ ತಾಂತ್ರಿಕ ಜಿ. ವಸಂತ ಭಟ್ ಹಾಂಗೆಲೆ ನೇತೃತ್ವಾರಿ ಶಾಶ್ತ್ರೋಕ್ತ ಜಾವ್ನು ಚಲ್ಲೆ. ರಾತ್ತಿಕ ಪಂಚಗಂಗಾವಳೀ ನ್ಹಂಯಿಂತ ಶ್ರೀದೇವಾಲೋ ನೀರಾಟ ಉತ್ಸವು ಚಲ್ಲೊ.
ದೇವಳಾಚೇ ವೇವಸ್ಥಾಪನ ಮಂಡಳಾಚೇ ಸದಸ್ಯ, ಅರ್ಚಕ, ಪುರೇತ, ಸಮಾಜ ಬಾಂದವ, ಗಾಂವ್ಚೆ ಧಾ ಲೋಕ ಆದಿ ವ್ಹಡ ಆಂಕಡ್ಯಾರಿ ಉಪಸ್ಥಿತ ವ್ಹರಲೀಲೆ.