ಹುಬ್ಬಳ್ಳಿಂತು ಮಸ್ತ ವರ್ಷಾಚಾನ ಭಾಂಗ್ರಾಚೆ ಆನಿ ರುಪ್ಪೆಚೆ ಕಾಮಗಾರಾಲೆ ಸಂಘಟನಾ (ಗೋಲ್ಡಸ್ಮಿತ್ ಅಸೋಶಿಯೇಶನ್) ಅಸ್ತಿತ್ವಾಂತು ಆಸ್ಸುನು ಆಭರಣ ವ್ಯವಹಾಹಾರಾಚೆ ಪ್ರಮುಖ ಸಹಾಯಕ ಆನಿ ಪಾಟಿಬಳ (ಬೆಂಬಲಿಗ) ಜಾವನು ಸೇವಾ ಪಾವಯತಾ ಆಸ್ಸಾ. ಸಂಘಟನೆಂತು ೪೫೦ ಪಶಿ ಚ್ಹಡ ಸದಸ್ಯ ಆಸ್ಸಾತಿ ಹೇ ಸಂಸ್ಥೊ ಉದ್ಯಮಾಚೆ ನಿಯಮಿತ, ಆರೋಗ್ಯಕರ ಅಭಿವೃದ್ಧಿಕ ವಾವರೋ ಕರತಾ ಆಯಲಾ. ಆನಿ ಆಭರಣ ವ್ಯಾಪಾರಿ ತಶೀಚಿ ಆಭರಣ ತಯಾರ ಕೊರಚೆ ಕುಶಲಕರ್ಮಿ ಲೋಕಾಂಗೆಲೆ ಹಕ್ಕ ರಾಕಚೆ ಧ್ಯೇಯ ದವರೂನು ಘೇವ್ನು ಹುಬ್ಬಳ್ಳಿಚೆ ಆಭರಣ ವ್ಯಾಪಾರಿ ಲೋಕಾಂಗೆಲೆ ಸಮಸ್ಯೆ ಜಾಂವೊ ತಾಂಚೇರಿ ಜಾವ್ಚೆ ದೌರ್ಜನ್ಯ, ತಾಂಕಾ ಅನಗತ್ಯ ಜಾವ್ನು ಕೋಣತರಿ ತ್ರಾಸು ದಿಲಯಾರಿ ತ್ವರಿತ ಜಾವನು ಪರಿಹಾರ ಕೊರಚಾಂತು ನಾಂವ ಪಾವಲಾ.
ಹೇ ಸಂಘಟನೆಚೆ ಆತ್ತಾಚೆ ಅಧ್ಯಕ್ಷ ಶ್ರೀ ವಿಷ್ಣು ರತ್ನಾಕರ ರಾಯ್ಕರ. ಮೂಲತಃ ಹಾನ್ನಿ ಉತ್ತರ ಕನ್ನಡಾಚೆ ಕುಮಟೇಚಿ, ೪೦ ವರಸಾ ಫಾಟ್ಟಿ(ಮಾಕಶಿ) ಹಾನ್ನಿ ಹುಬ್ಬಳ್ಳಿಕ ಯವ್ನು ಬಾಂಗ್ರಾ ವೇಪಾರು ಶೂರ ಕೆಲ್ಲಿ. ಶ್ರೀ ವಿಷ್ಣು ರಾಯ್ಕರ ಮಾಮ್ಮಾನಿ ಅಧ್ಯಕ್ಷಪಣ ಘೆತ್ಲೆ ಮಾಗಿರಿ ಚ್ಹಡ ಲೋಕಾಂಕ ಸಂಘಾಕ ಸದಸ್ಯ ಜಾವ್ನು ಕೆಲ್ಲ್ಯಾ. ವ್ಹರೆತು-ವ್ಹಕಲ್ಯಾಲೆ ಸಮಾವೇಶ ಚಲೋನು ದೈವಜ್ಞ ಸಮಾಜ ಬಾಂದವಾಂಕ ತಾಜ್ಜೆ ಮುನಾಪೋ ಮೆಳ್ಚೆ ವರಿ ಕೆಲ್ಲ್ಯಾ. ಸಂಘ ತರಪೇನಿ ಪ್ರತಿ ವರ್ಷ ಕ್ರಿಕೆಟ್ ಟೂರ್ನಿ ಚಲಯತಾ ಎತ್ತಾ ಆಸ್ಸಾತಿ. ಹಾನ್ನಿ ದೈವಜ್ಞ ಸೊಸೈಟಿಚೆ ಉಪಾಧ್ಯಕ್ಷ ವರೇನ ಜಾಲ್ಲಿಂತಿ. ಶ್ರೀ ವಿಷ್ಣು ರತ್ನಾಕರ ರಾಯ್ಕರ ಹಾಂಕಾ ಅಭಿನಂದನ ಪಾವಯತಾ ಹಾಂಗೆಲೆ ಕಾಲಾರಿ ಹೇ ಸಂಘ ಆನ್ನೀಕೆ ಮಸ್ತ ಅಭಿವೃದ್ಧಿ ಪಾವೋ ಮ್ಹೊಣು ಆಶಯ ಕೊರ್ಯಾ.