ಹುಬ್ಬಳ್ಳಿಚೆ ದೈವಜ್ಞ ಸಮಾಜಾಚೆ ಯುವಕಸಂಘಾಚೆ ಉಪಾಧ್ಯಕ್ಷ ಜಾಲೀಲೆ ಶ್ರೀ ಸಂಜೀವ ನಾಗೇಶ ಪುತ್ಲೇಕರ ಹಾಂಗೆಲೊ ಪೂತು ಚಿ|| ತನ್ಮಯ್ ಸಂಜೀವ ಪುತ್ಲೆಕರ್ ಹಾಣೆ ಕರ್ನಾಟಕ ಸಾರ್ವಜನಿಕ ಶಿಕ್ಷಣ ಇಲಾಖೆಚಾನ ಆಯೋಜನ ಕೆಲೀಲೆ ೨೦೨೫-೨೬ ಸಾಲಾಚೆ ಕ್ರೀಡಾ ಸ್ಪರ್ಧೆಂತು ಚದುರಂಗ ಸ್ಪರ್ಧೆಂತು ವಾಂಟೊ ಘೇವ್ನು ಧಾರವಾಡ ಜಿಲ್ಲೆಕ ಪ್ರಥಮ ಸ್ಥಾನ ಜಿಕ್ಕೂನು ರಾಜ್ಯಮಟ್ಟಾಕ ವಿಂಚೂನು ಆಯಲಾ. ಹೋ ೧೦ಚೆ ಕ್ಲಾಸಾಂತು ಶಿಕ್ತಾ ಆಸ್ಸಾ. ಹಾಗೇಲಿ ಆವಯಿ ಶ್ರೀಮತಿ ಸ್ವಾತಿ ಸಂಜೀವ ಪುತ್ಲೆಕರ್. ಚಿ|| ತನ್ಮಯಾಲೆ ಸಾಧನೆಕ ತಾಗೆಲೆ ಆವಯಿ-ಬಾಪಯಿನ, ತಾಗೆಲೆ ಇಸ್ಕೂಲಾಚೆ ಮುಖ್ಯಾಧ್ಯ್ಯಾಪಕ ಆನಿ ಶಿಕ್ಷಕಾನ, ಸಮಾಜ ಬಾಂದವಾನಿ ತಾಕ್ಕಾ ಅಭಿನಂದನ ಪಾವಯಿಲಾ. ರಾಜ್ಯಮಟ್ಟಾಚೆ ಸ್ಪರ್ಧಾ ಯಾದಗಿರಿ ಜಿಲ್ಲೆಚೆ ಶಹಪುರ್ ಶಹರಾಂತು ಆಯೋಜನ ಜಾಲೀಲೆ. ಮುಖಾವಯ್ಲೆ ದಿವಸಾಂತು ತನ್ಮಯಾಕ ಆನ್ನೀಕೆ ಚ್ಹಡ ಚ್ಹಡ ಯಶ ಮೆಳೊ ಮ್ಹೊಣು ಸರಸ್ವತಿ ಪ್ರಭಾ ಆಶಾ ಕರತಾ.