ಪ್ರಕೃತೀಚೆ ಕೆಲವು ನೇಮು ಆಸ್ತಾ. ಸೂರ್ಯಾನಿ ಉದ್ದೆಚೆ, ಕಂತೂಚೆ, ಚಂದ್ರಾ ತಾಕೂನು ಪುನ್ನವ, ಅಮಾಸ ಘಡ್ಚೆ, ಗ್ರಹಣ, ಪಾವ್ಸಾಡಿ, ವೈಶಾಕ, ಶೀ…. ಅಶ್ಶಿ ಸಾಂಗ್ತಾ ಘೆಲಯಾರಿ ತ್ಯಾಂಚಿ ಏಕ ಗ್ರಂಥ ಜಾತ್ತಾ. ಭೂಂಯ್ಚೆ ವೈಚೆ ಜೀವಿಂಗೆಲೆ ಸುಖಕರ ಜೀವನಾಕ, ಆಹಾರ, ಆರೋಗ್ಯಾಕ ಹೇ ಅನಿವಾರ್‍ಯ ಜಾಲೀಲೆ ಕಾಲಾಚೆ ಗಡಿಯಾರ. ಕಾಲಾಚೆ ಗಡಿಯಾರಾಂತು ಮನೀಷು ವರೇನ ಏಕ ಅಂಗ. ಕೇವಲ ಪ್ರಕೃತಿಂತು ಆಸ್ಸುಚೆ ಆಪಣೇಲೆ ಸುಖ-ಭೋಗಾ ಖಾತೇರಿ ವಾಪರಚೆ ತಿತ್ತುಲೆಚಿ ತಾಗೆಲೆ ಕಾಮ ನ್ಹಂಹಿ. ಹ್ಯಾ ಪ್ರಕೃತಿಚೆ ಸಂತುಲತೇಕ ತಾಣೆ ಆಪಣೇಲೆ ಯೋಗದಾನ ವರೇನ ದಿವ್ಕಾ. ಪ್ರಕೃತಿಚಾನ ತೋ ಕಸ್ಸಲೆ ವಾಪರತಕಿ, ಮುಖಾವಯಲೆ ಜನಾಂಗಾಕ ತ್ಯಾ ವ್ಹರಚೆ ವರಿ ಕೊರಚೆ ಜವಾಬ್ದಾರಿ ವರೇನ ತಾಜ್ಜೇರಿ ಆಸ್ಸಾ. ತಾಂತು ತಾಗೆಲೆ ಏಕ ಮುಖೇಲ ಜವಾಬ್ದಾರಿ ಮ್ಹಳಯಾರಿ ಸಂತಾನಾಭಿವೃದ್ಧಿ. ಕಾಲಾಚೆ ಉವಾರೆಂತು ಪೋವ್ತಾ ಆಸ್ಸುಚೆ ಆಮ್ಮಿ ಜೀವಿಂಗೆಲೆ ಉವಾರೊ ವರೇನ ನಿರಂತರ ಜಾವನು ಆಸ್ಸುಚೆ ತಶ್ಶಿ ಪಳೋನು ಘೆವ್ಕಾ. ಮ್ಹಳಯಾರಿ ಜನ್ಮಿಲೆ ಹರ್‍ಯೇಕ ಮನುಷ್ಯಾನಿ ಸಂತಾನಾಪೇಕ್ಷಿ ಜಾವ್ನಾಸ್ಸುಕಾ. ಆಪಣೇಲೆ ಸಂತಾನಾಚೆ ಪಾಲನಾ, ಪೋಷಣ ಕೊರನು ವಾಡ್ಡಯಕಾ. ಕಿತಯಾಕ ಮ್ಹಳಯಾರಿ ಪ್ರಕೃತಿ ಮಾತೇನಿ ಆಮ್ಕಾ ತಸ್ಸಾಲೆ ಸಾಮರ್ಥ್ಯ ದಿಲ್ಲ್ಯಾ. ತಾಕ್ಕಾ ಗರಜ ಆಸ್ಸುಚೆ ಸೌಲಭ್ಯ ದಿಲ್ಲ್ಯಾ. ತೆದ್ದನಾ ಮಾತ್ರ ಹೇ ಕಾಲಾಚೆ ಪ್ರವಾಹು ಜೀವಂತ ವ್ಹರತಾ. ಜಗಾ ವೈಚೆ ಹರ್‍ಯೇಕ ಪದಾರ್ಥಾಕ ತಾಜ್ಜೇನ ಮ್ಹೊಲ ಎತ್ತಾ. ಸಂತಾನ ಏಕ ಗೌರವ ಪೂರ್ಣ ಜಾವನು ಘಡ್ಕಾ ಮ್ಹಣ್ಚೆ ಖಾತೇರಿ ಲಗ್ನಾಚೆ ಕಾನ್ಸೆಪ್ಟ ಆರಂಭ ಜಾಲ್ಲೆಶಿ ದಿಸ್ತಾ. ಮಾಗಿರಿ ದಾಂಪತ್ಯ, ಚರ್‍ಡ-ಬಾಳ… ತಾಂಚೇರಿ ಪ್ರೀತಿ, ವ್ಯಾಮೋಹ… ಹೇ ಸಕ್ಕಡ ಪ್ರಕೃತಿದತ್ತ ಜಾವನು ಸೃಷ್ಟಿ ಜಾವಚೆ ಭಾವನಾ.
ಏಕ ಸಾಠ-ಸತ್ತರ ವರಸಾ ಮಾಕಶಿ ಚೆಲ್ಲಿ ನಾವಚಾಕ ಲಾಗ್ಗೂನು ಚಾರ್‍ಪಾಂಚ ವರಸಾ ಭಿತ್ತರಿ ಲಗ್ನ ಕರತಾಲೆ. ತಿಕ್ಕಾ ತೀಸ- ಪೈಂತೀಸ ವರ್ಷ ಭೊರಚೆ ಭಿತ್ತರಿ ತೀ ಸಾತಾಠ, ಧಾ ಚರಡುಂವಾಲೆ ಆವಯಿ ಜಾತ್ತಾಲಿ. ನಂತರ ಪಂಚವೀಸ-ತೀಸ ವರಸಾ ಮಾಗಶಿ ವೀಸ-ಬಾವೀಸ ವರಸಾ ಭಿತ್ತರಿ ಚೆಲಿಯಾಂಕ ಲಗ್ನ ಜಾತ್ತಾಲೆ. ತೆದ್ನಾ ಚಾಲ್ಲ್ಯಾಂಕ ಪಂಚವೀಸ-ತೀಸ ವರಸ ಜಾವ್ನಾಸ್ತಾಲೆ. ತ್ಯಾ ಚೆಲ್ಲಿಯೋ ದೋನ್ತೀನಿ ಚರಡುವಾಂಕ ಬಾಳಂತಿ ಜಾವಚೆ ಭಿತ್ತರಿ ಠಕ್ಕ ಮಾರನು ವತ್ತಾಲೆ. ಆರತಾಚೆ ಏಕ ಅಧ್ಯಯನ ಪ್ರಕಾರ ಆಜಿ ಹಿಂದೂಸ್ಥಾನಾಂತು ಹಿಂದೂ ಲೋಕಾಂಗೆಲೆ ೯೪ % ಬಾಳಾಂತಿರೆ ಸಿಸೇರಿಯನ್ ಮೂಖಾಂತರ ಜಾತ್ತ ಕಂಯಿ. ಆರತಾಚೆ ಧಾ-ಪಂದ್ರ ವರಸಾ ಹೆಕ್ಕಡೆಚೆ ಪರಿಸ್ಥಿತಿ ಆನ್ನೀಕೆ ಬಿಗಡ್ಲ್ಯಾ. ಪಂಚವೀಸ-ತೀಸ ವರಸ ಭರಲ್ಯಾರಿಚಿ ಚೆಲ್ಲಿಯಾ ಚರಡುಂವ ನಾಕ್ಕ ನಾತ್ತಿಲೆ ಕರಾರು ಘಾಲ್ನು ವ್ಹರಡಿಕ ಮುಖಾರ್‍ಸಿತಾ ಆಸ್ಸಾತಿ. ಆಮ್ಮಿ ಕಾವಚೆ ಆಹಾರಾಂತು, ವಿಹಾರಾಂತು ಅನಾರೋಗ್ಯ, ವಿಷ ಭೊರನು ಘೆಲ್ಲ್ಯಾ. ತೆದ್ನಾ ಸಹಜ ಜಾವನು ಚೆಲ್ಲಿಯೇಲೆ ಗುರ್ಭಿಣೆ ಜಾವ್ನು, ಬಾಳಾಂತಿ ಜಾವಚೆ ತ್ರಾಣಾಂತು ಮಸ್ತವಾಂಟೊ ನಾಶ ಜಾವನು ಆಸ್ತಾ.
ಅಸ್ಸಾಲೆ ಸಂದರ್ಭಾರಿ ಅಸಹಜ ಜಾವನು ಚರಡುಂವ ಕೊರನು ಘೆವ್ಚೆ ಸಬಾರ ವಿಧಾನ ವಿಜ್ಞಾನಾನಿ ಸೊದಲಾ. ತಾಂತು ಏಕ ವಿಧಾನ ಐವಿ‌ಎಫ್. Iಗಿ‌ಈ (Iಟಿ ಗಿiಣಡಿo ಈeಡಿಣiಟizಚಿಣioಟಿ) ಮ್ಹಳಯಾರಿ ಕೃತಕ ಗರ್ಭಧಾರಣೆ ಮುಖಾಂತರ ಗುರ್ಭಿಣಿ ಜಾವಚೆ. ತಾಜ್ಜ ಬರಶಿ IUI (Iಟಿಣಡಿಚಿuಣeಡಿiಟಿe Iಟಿsemiಟಿಚಿಣioಟಿ) ಮುಖಾಂತರ ವರೇನ ಗುರ್ಭಿಣಿ ಜಾವಚಾಕ ಜಾತ್ತಾ, ದೊನ್ನೀಯಿ ಕೃತಕ ಗರ್ಭಧಾರಣೆಚೆ ವಿಧಾನ ಜಾಲಯಾರೀಚಿ. ವಿಧಾನಾಂತು ಮಸ್ತ ಫರಕ ಆಸ್ಸಾ. IUI ಮ್ಹಳಯಾರಿ ಗರ್ಭಾಶಯಾಚೆ ಗರ್ಭಧಾರಣ (Iಟಿಣಡಿಚಿuಣeಡಿiಟಿe Iಟಿsemiಟಿಚಿಣioಟಿ) ಆನಿ Iಗಿ‌ಈ ಮ್ಹಳಯಾರಿ ಇನ್ ವಿಟ್ರೊ ಫಲೀಕರಣ (Iಟಿ ಗಿiಣಡಿo ಈeಡಿಣiಟizಚಿಣioಟಿ). ಗರ್ಭಾಶಯಾಚೆ ಗರ್ಭಧಾರಣ IUI ಆರೋಗ್ಯಪೂರ್ಣ ವೀರ್ಯ ಘೇವ್ನು ಬಾಯ್ಲಮನ್ಶೆಲೆ ಅಂಡೋತ್ಪತ್ತಿ ವೇಳ್ಯಾರಿ ಗರ್ಭಾಶಯ ಭಿತ್ತರಿ ಕ್ಯಾತಿಟರ ಮೂಖಾಂತರ ಸೇರ್‍ಸಿತಾತಿ. ನಂತರ ತಿಗೇಲೆ ಆಂಗಾಂತು ನಿರ್ದಿಷ್ಟ ಜಾವನು ಫಾಲೋಪಿಯನ್ ಟ್ಯೂಬಾಂತು ಫಲೀಕರಣ ಸ್ವಯಂಪ್ರೇರಿತ ಜಾವನು ಘಡ್ತಾ. ಬಾಯ್ಲಮನಶೆಲೆ ಅಂಡಾಣುಂತು ಫಲ ಯವಚಾಕ ವೀರ್ಯ ಗರ್ಭಕಂಠ ಮೂಖಾಂತರ ವಚ್ಚುನು ಫಾಲೋಪಿಯನ್ ಟ್ಯೂಬಾಕ ಪಾವ್ಕಾ. ಹೇ ಚಿಕಿತ್ಸಾ ವಿಧಾನ Iಗಿ‌ಈ ಪಶಿ ಕಮ್ಮಿ ಖರ್ಚಾಚೆ ಜಾವ್ನಾಸ್ಸಾ.
ಜಾಲಯಾರಿ Iಗಿ‌ಈ ಂತು ಫಲೀಕರಣ ಶರೀರಾಚೆ ಭಾಯ್ರಿ ಲ್ಯಾಬಾಚೆ ಪರಿಸರಾಂತು ಚಲ್ತಾ. ತ್ಯಾ ಕಶ್ಶಿ ಮ್ಹೊಣು ಆತ್ತ ಪಳೋವ್ಯಾ. ಪಯಲೇಕ ಬಾಯ್ಲಮನ್ಶೆಕ ಇಂಜೆಕ್ಷನ್ ದಿವನು ತಿಗೆಲೆ ಅಂಡಾಶಯ ತಾಕೂನು ಅಂಡಾಣು ಭಾಯರ ಕಾಡತಾತಿ. ಯೋಗ್ಯ ದಾರ್‍ಲಮನ್ಶಾಲೆ ವೀರ್ಯ ಘೆತ್ತಾತಿ. ಪ್ರಯೋಗಾಲಯಾಂತು ಅಂಡಾಣು ಆನಿ ವೀರ್ಯ ಮೇಳಾವಟ್ ಕರತಾತಿ. ತೆದ್ನಾ ಫಲೀಕರಣ ಘಡ್ತಾ. ತಶ್ಶೀ ಅಂಡಾಣು ಫಲೀಕರಣ ಜಾವ್ನು ಭ್ರೂಣ ಜಾವನು ಬದಲ ಜಾಲ್ಲ ನಂತರ ತ್ಯಾ ವ್ಹರ್ನು ಬಾಯ್ಲಮನ್ಶೆಲೆ ಗರ್ಭಾಶಯಾಂತು ದವರತಾತಿ. ಥಂಯಿ ತ್ಯಾ ಯಥಾಪ್ರಕಾರ ವಾಡಚಾಕ ಲಾಗ್ತಾ. ಐವಿ‌ಎಫ್ ತಾಕೂನು ಬಾಯ್ಲಮನ್ಶೆಲೆ ಬಂಜೆತನ ನಿವಾರಣ ಕೊರಚಾಕ ಮಾತ್ರನ್ಹಂಹಿ ವಂಶವಾಹಿ ಕಾಯ್ಲೋ ರಾಬಯಚಾಕ ವರೇನ ವಾಪರೇತ. ತಶ್ಶಿ ಜಾಲಯಾರಿ ಹಾಜ್ಜೆ ವಿವಿಧ ಹಂತ ಕಸ್ಸಲೆ ಮ್ಹೊಣು ಆತ್ತ ಪಳೋವ್ಯಾ.
ಬಾಯ್ಲಮನ್ಶೆಂಕ ಸಹಜ, ನಿಸರ್ಗದತ್ತ ಜಾವನು ಗುರ್ಭಿಣೆ ಜಾವಚಾಕ ಕಷ್ಟ ಜಾಂವೊ ಅಸಾಧ್ಯ ಜಾವ್ನಾಸ್ಸುಚೆ, ಬಂಜೆತನ, ಫಾಲೋಪಿಯನ್ ಟ್ಯೂಬಾಂತು ಆಡಬಳ ಜಾವ್ನಾಸ್ಸಲೇರಿ ಜಾಂವೊ ಗುರ್ಭಿಣ ಜಾವಚಾಕ ಅಸಾಧ್ಯ ಜಾವಚೆ ಸಮಸ್ಯಾ ಆಸಲೇರಿ ತಶೀಚಿ ದಾರ್‍ಲಮನ್ಶಾಲೆ ವೀರ್ಯಾಣಚೆ ಅಂಕಡೊ ಕಮ್ಮಿ ಆಸ್ಸುಚೆ, ಜಾಂವೊ ತಾಜ್ಜೆ ಚುರ್‍ಕಪಣ, ವೇಗಾಂತು ಸಮಸ್ಯಾ ಆಸಲೇರಿ ಮಸ್ತ ಲೋಕ ಗರ್ಭಧಾರಣೆಕ ಹೇ Iಗಿ‌ಈ ವಿಧಾನ ವೆಂಚುನು ಘೆತ್ತಾತಿ.
ಹರ್‍ಯೇಕ ಬಾಯ್ಲಮನಶೆಕ ಪ್ರತಿ ಮ್ಹಹಿನೋ ಏಕ್ಕೇಕ ಅಂಡಾಣು ತಯಾರ ಜಾತ್ತಾ. ತ್ಯಾ ಸೀಮಿತ ವೇಳ್ಯಾ ಭಿತ್ತರಿ ವೀರ್ಯಾಣುಚೆ ಸಂಪರ್ಕಾಕ ಆಯಲೇರಿ ತ್ಯಾ ಭ್ರೂಣ ಜಾವ್ನು ಬದಲ್ತಾ. ಜಾಲಯಾರಿ Iಗಿ‌ಈ ತುಮ್ಮಿ ವೆಂಚುನು ಘೆತಲೇರಿ ವಾಕ್ಕದ, ಇಂಜೇಕ್ಷನ್ ಮೂಖಾಂತರ ಅಂಡಾಶಯಾಚೆ ಪ್ರಚೋದನ ಕೊರನು ಏಕ್ಕಾ ವೇಳ್ಯಾರಿ ಫಲಿತ ಜಾವಚೆ ಏಕ್ಕಾಪಶಿ ಚ್ಹಡ ಅಂಡಾಣು ತಯಾರ ಜಾವಚೆ ವರಿ ಕರತಾತಿ.
ತ್ಯಾ ಕಾರಣಾನಿ ಇಂಜೇಕ್ಷನ್ ಮುಖಾಂತರ ಹಾರ್ಮೋನ್ ವಾಕ್ಕದ ದಿತ್ತಾತಿ. ಹಾಜೇನ Iಗಿ‌ಈ ಚಕ್ರಾಂತು ಅಂಡಾಣುಚೆ ಪೂರ್ತಿ ತಂಡ ಪಕ್ವ ಜಾವಚಾಕ ಸಾಧ್ಯ ಆಸ್ಸಾ. ಹೇ ಹಾರ್ಮೋನ್ ವಾಕ್ದ ದಿವಚೆ ಪಯ್ಲೆ ತುಮಗೆಲೆ ವೈದ್ಯಕೀಯ ಇತಿಹಾಸ, ಪ್ರಾಯು, ಎ‌ಎಮ್‌ಎಚ್(ಆಂಟಿ-ಮುಲ್ಲೇರಿಯನ್ ಹಾರ್ಮೋನ್) ಪ್ರಮಾಣ, ಆನಿ ಮಾಕಶಿ ಪಂತಾ ವಾಕ್ದಾನಿ ಅಂಡಾಶಯಾಚೆ ಪ್ರಚೋದನ ಜಾಲೀಲೆ ಪ್ರಮಾಣ ನಜರಾಕ ಘೇವ್ನು ವಕದಾಚೆ ಪ್ರಮಾಣ ತಜ್ಞ ಶಿಪಾರಸ್ ಕರತಾತಿ. ಆನಿ ನಿರಂತರ ಜಾವನು ಅಲ್ಟ್ರಾಸೌಂಡ್ ಆನಿ ಇತರ ವಿಧಾನಾನಿ ತಪಾಸ ಕರತಾ ವ್ಹರತಾತಿ. ೮ ತಾಕೂನು ೧೪ ದಿವಸಾ ಭಿತ್ತರಿ ಅಂಡಾಶಯಾಕ ಪ್ರಚೋದನ ಮೆಳ್ತಾ. ಹೇ ಸಕ್ಕಡ ಮಾಹಿತಿ ಅಲ್ಟ್ರಾಸೌಂಡ್ ಆನಿ ರಗತ ತಪಾಸ ಕೊರನು ಕೋಳ್ನು ಘೆತ್ತಾತಿ. ಅಂಡಾಶಯಾಂತು ಸಾನಚೀಲಾ ಭಿತ್ತರಿ ಅಂಡಾಣು ಆಸ್ತಾ. ತ್ಯಾ ಚಿಲ್ಲಾಚೆ ಗಾತ್ರ ತಾಜ್ಜೆ ಭಿತ್ತವೈಲೆ ಅಂಡಾಣುಚೆ ಪಕ್ವತೆಚೆ ಮಾಹಿತ ದಿತ್ತಾ. ೧೪ ಮಿ.ಮಿ. ಪಶಿ ವ್ಹಡಾಸ್ಸುಚೆ ಚಿಲ್ಲಾಂತುಲೆ ಅಂಡಾಣು ಪಕ್ವ ಆನಿ ಪ್ರಬುದ್ಧ ಜಾವ್ನಾಸ್ತಾ. ಲ್ಹಾನ ಗಾತ್ರಾಚೆ ಅಂಡಾಣು ಅಪಕ್ವ ಜಾವ್ನಾಸ್ಸುಕ ಪುರೊ! ತಾಜೇನ ಭ್ರೂಣ ಫಲಿತ ಜಾವಚ್ಯಾ ಸಾಧ್ಯತಾ ಮಸ್ತ ಕಮ್ಮಿ. ಅಖೇರಿಕ ಅಂಡಾಣುಚೆ ಪಕ್ವತಾ ಪೂರ್ತಿ ಕೊರಚಾಕ “ಟ್ರಿಗ್ಗರ್ ಶಾಟ್” ದಿತ್ತಾತಿ. ಮಾಗಿರಿ ಯೋನಿ ಮುಖಾಂತರ ವಿಶೇಷ ಸೂ ವಾಪರೂನು ಆಲ್ಟಾಸೌಂಡ್ ತಾಕೂನು ಮೇಲ್ವಿಚಾರಣ ಕರತಾ (ಶಸ್ತ್ರ ಚಿಕಿತ್ಸಾ ಮುಖಾಂತರ) ಅಂಡಾಣು ಭಾಯ್ರಿ ಕಾಡ್ನು ಫೋಲಿಕ್ಯುಲರ್ ದ್ರಾವಣಾಂತು ದವರತಾತಿ. ತೆದ್ನಾ ಬಾಯ್ಲಮನ್ಶೆಕ ಧೂಖಿ, ಸುಸ್ತ ಆನಿ ತ್ರಾಸ ಜಾವಚಾಕ ನಜ್ಜ ಮ್ಹೊಣು ವಿಶೇಷ ವಾಕ್ಕದ, ಇಂಜೇಕ್ಷನ್ ಮುಖಾಂತರ ಮಸ್ತ ಹಗೂರ ಜಾವನು ನೀದ ಯವಚೆ ವರಿ ಕರತಾತಿ. ತೆದ್ನಾ ೧೦ ತಾಕೂನು ೨೦ ಅಂಡಾಣು ಭಾಯ್ರಿ ಕಾಡತಾತಿ. ತಾಂತು ೬೦ ತಾಕೂನು ೭೦% ಅಂಡಾಣು ಮಾತ್ರ ಪ್ರಬುದ್ಧ ಜಾವನು ಆಸತಾ. ತಶ್ಶಿ ಕಾಡಲೀಲೆ ಚಾಂಗ ಪರಿಪಕ್ಷತಾ ಆನಿ ಗುಣಮಟ್ಟಾ ಆಸ್ಸುಚೆ ಅಂಡಾಣು ಸೊದ್ದುನು ಕಾಡಲೀಲೆ ಥೊಡೆ ಕಾಲಾ ಭಿತ್ತರಿ ತಾಕ್ಕಾ ವೀರ್ಯಾಣು ಸಂಯೋಗ ಜಾವಚೆ ವರಿ ಕರತಾತಿ. ಹೆರ್‍ದೀಸು ಸಕ್ಕಾಣಿ ತಜ್ಞ ಫಲೀಕರಣ ಜಾಲೀಲೆ ತಪಾಸ ಕರತಾತಿ. ಏಕ ತಾಕೂನು ೨ ಮ್ಹಹಿನ್ಯಾ ಭಿತ್ತರಿ ಗರ್ಭಾಶಯಾಕ ತ್ಯಾ ಭ್ರೂಣ ವರ್ಗಾವಣ ಚಲ್ತಾ. ಆನಿ ಥಂಯಿ ಭ್ರೂಣ ವಾಡಚಾಕ ಲಾಗ್ತಾ. ಕಿತ್ಲಕಿ ಪಂತಾ ಏಕ್ಕಾ ಪಶಿ ಚ್ಹಡ ಭ್ರೂಣ ವರ್ಗಾವಣ ಕೊರಚೆ ಪದ್ಧತಿ ಆಶ್ಶಿಲೆ. ಕಿತಯಾಕ ಮ್ಹಳಯಾರಿ ಏಕ ಭ್ರೂಣಾಕ ಖಾಂಯತರಿ ಅಡಚಣ ಜಾಲಯಾರೀಚಿ ಆನ್ನೇಕ ಭ್ರೂಣ ವಾಡಚೆ ವರಿ ಜಾಂವೊ ಮ್ಹಣ್ಚೆ ಕಾರಣಾನಿ ತಶ್ಶಿ ಕರತಾಲೆ. ಜಾಲಯಾರಿ ತಾಜೇನ ದೋನಿ ಜಾಂವೊ ತಾಜ್ಜ ಪಶಿ ಚ್ಹಡ ಚರಡುಂವ ಜನ್ಮುತೆ ಸಾಧ್ಯತಾ ಆಸ್ತಾ. ಹಾಜೇನ ಗುರ್ಭಿಣ ಬಾಯ್ಲಮನ್ಶೆಕ ಮಸ್ತ ತ್ರಾಸು ಜಾತ್ತಾ. ತ್ಯಾ ಖಾತ್ತಿರಿ ಆತ್ತ ಏಕ್ಕಽಚಿ ಆರೋಗ್ಯ ಪೂರ್ಣ ಭ್ರೂಣ ವರ್ಗಾವಣ ಕೊರಚೆ ತಂತ್ರಜ್ಞಾನ ವಾಡಲಾ ಮ್ಹಣಚೆ ಸಮಾಧಾನಾಚೆ ವಿಷಯು ಜಾವ್ನಾಸ್ಸ. ಚಡ್ತೆ ಆಶ್ಶಿಲೆ ಪ್ರಬುದ್ಧ ಅಂಡಾಣು ರಾಕ್ಕುನು ದವರತಾತಿ.
ಭ್ರೂಣ ಗರ್ಭಾಶಯಾಕ ವರ್ಗಾವಣ ಜಾಲೀಲೆ ೧೨ ದಿವಸಾ ನಂತರ ರಗತಾಚೆ ಗರ್ಭಧಾರಣೆಚೆ ಪರೀಕ್ಷಾ ಕರತಾತಿ. ತೆದ್ನಾ ಗರ್ಭಧಾರಣ ಜಾಲೀಲೆ ಖಾತ್ರಿ ಜಾಲಯಾರಿ ರಕ್ತ ಪರೀಕ್ಷಾ ಆನಿ ಗರ್ಭಾಶಯಾಂತು ಬಹುಗರ್ಭ ಆಸ್ಸುಚೆ ಕೋಳ್ನು ಘೆವಚಾಕ ಆಲ್ಟ್ರಾಸೌಂಡ ಪರೀಕ್ಷಾ ಕರತಾತಿ. ಸುಮಾರ ೭೦ ತಾಕೂನು ೮೦ ದಿವಸ ಕಾಳ ಗರ್ಭಧಾರಣ ಪ್ರಕ್ರಿಯಾ ಸಾಮಾನ್ಯ ಜಾವನು ಆಸಲೇರಿ ಮಾಗಿರಿ ಬಾಳಾಂತಿರೆಚೆ ಡಾಕ್ಟ್ರಾಲೆಂ ಪೆಟೋನು ದಿತ್ತಾತಿ. ಹಾಂಗಾಕ Iಗಿ‌ಈ ಚಿಕಿತ್ಸಾ ಮುಕ್ತಾಯ ಜಾವನು ಸಹಜ ಗುರ್ಭಿಣಪಣಾಚೆ ಚಿಕಿತ್ಸಾ ಆರಂಭ ಜಾತ್ತಾ. ಜಾಲಯಾರಿ ಏಕ ವಿಷಯು ಯಾದಾಂತು ದವರೂನು ಘೆವ್ಚೆ ಚಾಂಗ Iಗಿ‌ಈ ಹಾಜ್ಜೆ ಯಶಸ್ಸಾಚೆ ಪ್ರಮಾಣ ಗುರ್ಭಿಣ ಜಾವ್ಚೆ ವಯಾ ಪ್ರಮಾಣೆ ಬದಲ ಜಾತ್ತಾ ವತ್ತಾ. ೩೫ ವರ್ಷಾ ಭಿತ್ತವೈಲೆ ತರ್ನಟೆ ಬಾಯ್ಲಮನಶೆಕ Iಗಿ‌ಈ ಚಿಕಿತ್ಸೆ ನಿಮಿತ್ತ್ಯಾನ ೩೫-೫೦ % ಯಶ ಮೆಳಚಾಕ ಪುರೊ. ತ್ಯಾಂಚಿ ೪೦ ವರ್ಷಾ ವಯಚೆ ವಯಾಚೆ ಬಾಯ್ಲಮನಶೆಂಕ ಯಶಸ್ಸಾಚೆ ಪ್ರಮಾಣ ೧೦-೧೫ % ಮಾತ್ರ ಕಂಯಿ.
ಹೇ ಪ್ರಕ್ರಿಯಾ ಮಾರಗ, ಖರ್ಚು ಸುಮಾರ ಕಿತ್ಲೆ ಯವಚಾಕ ಪುರೊ ಮ್ಹಣ್ಚೆ ಪ್ರಶ್ನೋ ಸಕಡಾಂಕ ಆಸ್ಸಾ. ತಶ್ಶಿ ಮ್ಹೊಣು Iಗಿ‌ಈ ಚಿಕಿತ್ಸೆಕ ಇತ್ಲೆಚಿ ಖರ್ಚು ಎತ್ತಲೆ ಮ್ಹೊಣು ಖಡಾಖಂಡಿತ ಜಾವನು ಸಾಂಗಚಾಕ ಜಾಯ್ನಾ. ಕೆಲವ ಲೋಕ ಅಡ್ಡೇಸ ಲಾಕ ಲಾಗಚಾಕ ಪುರೊ ಮ್ಹಳಯಾರಿ, ಆನಿ ಕೆಲವ ಕಡೇನ ಪಾಂಚ ಲಾಕ ರೂಪ್ಪಯಾ ವರೇಕ ಸಾಂಗತಾತಿ. ನೈಸರ್ಗಿಕ ಐವಿ‌ಎಫ್ ಮ್ಹಳಯಾರಿ ಅಂಡಾಣು ಆನಿ ವೀರ್ಯಾಣುಕ ಖಂಚೇಯಿ ವಾಕ್ಕದ, ಇಂಜೇಕ್ಷನ್ ಚಿಕಿತ್ಸಾ ವಾಪರನಾಶಿ ಆಸಲೇರಿ ಖರ್ಚು ಕಮ್ಮಿ ಕಂಯಿ.
ಪ್ರಪ್ರಥಮ ಜಾವನ ರಗತ ತಪಾಸ ಕೊರಚೆ ಪ್ರಕ್ರಿಯೆಕ ೬ ತಾಕೂನು ಧಾ ಹಜಾರ ರೂಪ್ಪಯಿ, ಅಂಡಾಣು ವೃದ್ಧಿ ಖಾತೆರಿ ದಿವಚೆ ಹಾರ್ಮೋನಲ್ ಇಂಜೆಕ್ಷನ್ನಾಕ ಸುಮಾರ ಏಕ ಲಾಕ ರೂಪಯಿ, ಅಂಡಾಶಯ ತಾಕೂನು ಅಂಡಾಣು ಭಾಯ್ರಿ ಕಾಡಚಾಕ ಸುಮಾರ ೧೫ ಹಜಾರ ರೂಪಯಿ, ಪ್ರಯೋಗಾಲಯಾಚೆ ಖರ್ಚು ಸುಮಾರ ೫೦ ಹಜಾರ ರೂಪ್ಪಯಿ, ಭ್ರೂಣಾಕ ಗರ್ಭಕೋಶಾಕ ವರ್ಗಾವಣ ಕೊರಚೆ ಪ್ರಕ್ರಿಯಾಕ ಸುಮಾರ ೨೦ ಹಜಾರ ರೂಪಾಯಿ, ಒಟ್ಟಾರೆ ಚ್ಹಡ ಕಮ್ಮಿ ಅಡ್ಡೇಸ ತಾಕೂನು ಚಾರ ಲಾಕ ರೂಪ್ಪಯಿ ಪರ್ಯಂತ ಖರ್ಚು ಯವಚಾಕ ಪುರೊ ಮ್ಹೊಣು ಅಂದಾಜ ಕೊರಯೇತ. ಮಾಗಿರ ಗುರ್ಭಿಣಪಣ ಆನಿ ಬಾಳಾಂತಿರೆ ಖರ್ಚು ದುಸರೆ! ತ್ಯಾಂಚಿ ನಿಗದಿತ ಪ್ರಾಯಾಂತು ಗುರ್ಭಿಣ ಜಾವನು ತೀಸ ವರಸಾ ಭಿತ್ತರಿ ಸಂತಾನ ಕೊರನು ಘೆತಲೇರಿ ಸಂತಾನಾ ಖಾತ್ತಿರಿ ಮಾನಸಿಕ ದಬಾವ, ಕೃತಕ ಗರ್ಭಧಾರಣೆ ವೇಳ್ಯಾರಿ ಭೊಗಕಾ ಜಾಲೀಲೆ ಕಷ್ಟ, ಸೈಡ್ ಎಪೆಕ್ಟ್, ದುಡವಾ ಖರ್ಚು ಕಸಲೇಯಿ ಆಸ್ಸಾನಾ. ಹೇ ಖಾತೇರಿ ಚೆಲ್ಲಿಯಾ ಚರಡುವಾನಿ ಅಗತ್ಯ ಜಾವ್ನು ವಿಚಾರ ಕೊರಚೆ ಚಾಂಗ.
ತಾಜ್ಜ ಬರಶಿ ಹೇ ಪ್ರಕ್ರಿಯಾ ಮಸ್ತ ಮಾರಗ ಜಾವ್ನಾಸ್ಸುಚೆ ನಿಮಿತ್ತ್ಯಾನಿ ಸರಕಾರಾನಿ, ಆರೋಗ್ಯ ವಿಮಾ ಕಂಪನಿಚಾನ ವರೇನ ಅಸ್ಸಾಲೆ ಚಿಕಿತ್ಸೆಕ ಮದತ್ ಕೊರಚಾಕ ಮುಖಾರಿ ಯವಕಾ ಮ್ಹೊಣು ಮಾಕ್ಕಾ ದಿಸ್ತಾ. ತುಮ್ಮ ಕಸ್ಸಲೆ ಮ್ಹಣತಾತಿ?