ಮೈಸೂರ್ಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಭಾ (ರಿ.)ಚೆ ೬೦ವೇಂ ವಾರ್ಷಿಕ ಮಹಾಸಭಾ ೨೦೨೫ವೇಂ, ಜುಲೈ ೨೭ಕ ಆಯ್ತವಾರು ಸಕ್ಕಾಣಿ ೧೦.೩೦ ಘಂಟ್ಯಾಕ ಸಮ್ಮ ಜಾವನು ಮೈಸೂರ್ಚೆ ಗೋವಿಂದರಾವ್ ಮೆಮೋರಿಯಲ್ ಸಭಾಂಗಣಾಂತು ಏರ್ಪಾಟ ಜಾಲ್ಲ್ಯಾ. ತಾಜ್ಜಪಶಿ ಪಯ್ಲೆ ೧೦-೦೦ ಘಂಟ್ಯಾಕ ಹೇ ಮ್ಹಹಿನ್ಯಾಚೆ ಶ್ರೀ ಸತ್ಯನಾರಾಯಣ ಪೂಜಾ ಚಲ್ತಾ. ಧೋಂಪಾರಾ ೧-೦೦ ಘಂಟ್ಯಾಕ ಮಹಾಮಂಗಳಾರ್ತಿ ಚೋಲ್ನು ಮಾಗಿರಿ ಪ್ರಸಾದ ವಾಂಟಪ, ಸಮಾರಾಧನ ಚಲ್ತಾ. ಉಪರಾಂತ ಧೋಂಪಾರಾ ೨-೩೦ ಘಂಟ್ಯಾಚಾನ ವೈಶಿಷ್ಠ್ಯಪೂರ್ಣ ಆದರ್ಶ ದಂಪತಿ ಕಾರ್ಯಕ್ರಮ ಚಲ್ತಾ.
ಸಾಂಜವಾಳಾ ೫-೩೦ ಘಂಟ್ಯಾಕ ವಾರ್ಷಿಕೋತ್ಸವ ಕಾರ್ಯಕ್ರಮ ಚಲ್ತಾ. ಬೆಂಗಳೂರ್ಚೆ ಯುಕೆ & ಕಂಪನಿ ಹಾಜ್ಜೆ ಸಂಸ್ಥಾಪಕ ಶ್ರೀ ಉಲ್ಲಾಸ ಕಾಮತ್ ಹಾನ್ನಿ ಮುಖೇಲ ಸೊಯರೆ ಜಾವ್ನು ಸಭಾ ಕಾರ್ಯಕ್ರಮಾಂತು ವಾಂಟೊ ಘೆತ್ತಾತಿ. ಮೈಸೂರ್ಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಭಾ (ರಿ.)ಚೆ ಗೌರವಾಧ್ಯಕ್ಷ ಡಾ|| ಎಂ. ಜಗನ್ನಾಥ ಶೆಣೈ ಮಾಮು ಆನಿ ಅಧ್ಯಕ್ಷ ಶ್ರೀ ಪಿ. ಸುರೇಶ ನಾಯಕ್ ಮಾಮು ಅಧ್ಯಕ್ಷಪಣ ಘೆತ್ತಾತಿ. ಹೇ ಸಂದರ್ಭಾರಿ ಪ್ರಾರ್ಥನಾ, ಯೇವಕಾರ, ಬಹುಮಾನ ವಾಂಟಪ, ಸನ್ಮಾನು, ಭಾಷಣ, ಪ್ರತಿಭಾವಂತ ಸಮಾಜ ಬಾಂದವ ತಾಕೂನು ಸಾಂಸ್ಕೃತಿಕ ಕಾರ್ಯಾವಳಿ, ವಂದನಾರ್ಪಣ ಆದಿ ಕಾರ್ಯಾವಳಿ ಚಲ್ತಾ.
ತಾಜ್ಜೆ ಫುಳ್ದೀಸು ಮ್ಹಳಯಾರಿ ಜುಲೈ 26ಕ ಸಾಂಜವಾಳಾ ಮೈಸೂರು ಜಿ.ಎಸ್.ಬಿ. ಸಭಾ(ರಿ)ಚೆ ಮಹಿಳಾ ದಿನಾಚರಣ ಚಲ್ಲೆ. ಹೇ ಸಮಾರಂಭಾಕ ಮುಖೇಲ ಸೊಯರೆ ಜಾವನು ಶ್ರೀ ಉಲ್ಲಾಸ ಕಾಮತ್ ಹಾಂಗೆಲೆ ಬಾಯ್ಲ ಶ್ರೀಮತಿ ಗಾಯತ್ರಿ ಕಾಮತ್ಹಾನ್ನಿ ಆಯ್ಯಿಲೆ. ಸಮಾರಂಭಾಚೆ ಅಧ್ಯಕ್ಷಪಣ ಶ್ರೀಮತಿ ಕುಸುಮಾ ಜಗನ್ನಾಥ ಶೆಣೈ ಆನಿ ಶ್ರೀಮತಿ ಪುಷ್ಪಲತಾ ಸುರೇಶ ನಾಯಕ್ ಹಾನ್ನಿ ಘೆತ್ತಾತಿ. ಹೇ ಸಂದರ್ಭಾರಿ ಪ್ರಾರ್ಥನಾ, ಯೇವಕಾರ, ಭಾಷಣ, ಆಬಾರ, ಸಮಾಜಾಚೆ ಬಾಯ್ಲಮನ್ಶೆ ತಾಕೂನು ಸಾಂಸ್ಕೃತಿಕ ಕಾರ್ಯಾವಳಿ ಚಲ್ತಾ.
ಮೈಸೂರ್ಚೆ ಜಿ.ಎಸ್.ಬಿ. ಸಮಾಜ ಬಾಂದವಾನಿ ಚಡ್ತೆ ಅಂಕಡ್ಯಾರಿ ಉಪಸ್ಥಿತ ವ್ಹರಕಾ ಮ್ಹೊಣು ವಿನಂತಿ ಆಸ್ಸಾ.