ವಿಶ್ವ ಕೊಂಕಣಿ ಕೇಂದ್ರದ ವತೀನ 2024-25 ವರಸಾಕ “ಡಾ. ಪಿ ದಯಾನಂದ ಪೈ ವಿಶ್ವ ಕೊಂಕಣಿ ರಂಗಶ್ರೇಷ್ಟ
ಪುರಸ್ಕಾರ 2025” ಆನಿ “ಡಾ. ಪಿ ದಯಾನಂದ ಪೈ ವಿಶ್ವ ಕೊಂಕಣಿ ಅನುವಾದ ಪುರಸ್ಕಾರ 2025”, ದೋನಿ
ಪ್ರಶಸ್ತಿ ಪ್ರದಾನ ಸಮಾರಂಭ ಆನಿ ವಿಶ್ವ ಕೊಂಕಣಿ ನಾಟಕೋತ್ಸವ 2025 ಫೆಬ್ರವರಿ 8 ತಾರಿಕೆರ ಚಲಚಾ ಆಸಾ.
ಪ್ರಶಸ್ತಿ ಏಕ ಲಾಖ ರೂಪಯಿ ಸಮ್ಮಾನಧನ ಆನಿ ಫಲಕ ರೂಪಾರ ಆಸತಾ.
ರಂಗಶ್ರೇಷ್ಟ ಪುರಸ್ಕಾರಾಕ ಸಾಠ್ (೬೦) ವರಸಾಕಯ್ ಚಡ ಪ್ರಾಯೆಚೆ ಮ್ಹಾಲ್ಗಡೆ, ಕೊಂಕಣಿ ಮಾತೃಭಾಷಿಕ,
ರಂಗಭೂಮಿಚೆ ಉದರಗತೀಕ ಸಿನೆಮಾ-ನಾಟಕ, ನಟನ, ನಿರ್ದೇಶನ, ನಾಟಕ ರಚನ ಕ್ಷೇತ್ರಾಂತ ನಿರಂತರ
ಜಾವನು ವಾವರ ಕೆಲ್ಲ್ಲೆಲೆ ಆನಿ ಸಮರ್ಪಣಾ ಭಾವಾನ ಜೀವಮಾನ ಸೇವಾ ದಿಲೆಲೆ ರಂಗಕರ್ಮಿಂನಿ ವಾ
ಕಲಾಸಕ್ತಾಂನಿ ಅರ್ಜಿ ಧಾಡೂಯೆತ.
ತಶೀಂಚಿ ಭಾಷಾಂತರ ಕ್ಷೇತ್ರಾಂತ, ವಿಶೇಷ ಜಾವನು ಕೊಂಕಣಿ ಸಾಹಿತ್ಯ ಕೃತಿಂಕ ವಿಂಗಡ ಭಾಷೆಕ ಅನುವಾದ
ಕರನು ಸೇವಾ ದಿಲ್ಲೆಲೆ ಅನುವಾದಕಾರಾಂನಿ ಯಾ ಸಾಹಿತ್ಯಾಸಕ್ತಾಂನಿ ಅರ್ಜಿ ಘಾಲೂಯೆತ.
ಅರ್ಜಿದಾರಾಂನಿ ಪಯಲೆಂ www.vishwakonkani.org ವೆಬ್ ಸೈಟಾರಿ ತಾಂಗೆಲೆ ನಾಂವ ನೋಂದ
ಕರನು, ಉಪರಾಂತು ವಿವರ ಜಾಲೆಲೆ ಪ್ರಸ್ತಾವನ ಅರ್ಜಿ ಅಧ್ಯಕ್ಷ, ವಿಶ್ವ ಕೊಂಕಣಿ ಕೇಂದ್ರ, ಶಕ್ತಿನಗರ, ಮಂಗಳೂರು
575016 ಹಾಂಗಾಕ 2025 ಜನವರಿ 10 ತಾರೀಕೆಚೆ ಭಿತರಿ ಪೋಸ್ಟ್ ಮುಖಾಂತರ ಧಾಡುನ ದಿವಕಾ ಅಶಿಂ
ವಿನಂತಿ.
