80 ವ್ಯಾ ಸ್ವಾತಂತ್ರಯೋತ್ಸವಾಚೆ ಪ್ರಯುಕ್ತ ಪರ್ತಗಾಳಿಚೆ ಶ್ರೀ ಸಂಸ್ಥಾನಾಚೆ ಶ್ರೀ ರಾಮದೇವ ವೀರವಿಠ್ಠಲ ದೇವಾಕ ಪರಮಪೂಜ್ಯ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೊ ದಿವ್ಯ ಕರಕಮಲಾನಿ ವಿಶೇಷ ಅಲಂಕಾರ ತಶೀಚಿ ಭಕ್ತಿ ಶೃದ್ಧೇನಿ ಪೂಜಾ ವಿಧಿವಿಧಾನ ಚಲ್ಲೆ.
‘ಅಸ್ಮಾಕಂ ಭಾರತಮ್’ ಮ್ಹಣ್ಚೆ ರಾಷ್ಟ್ರಭಕ್ತಿಚೆ ಸಂದೇಶ ಭರಶಿ ಚಲೀಲೆ ಹೇ ವಿಶೇಷ ಕಾರ್ಯಕ್ರಮ ಪರ್ತಗಾಳಿ ಚಾತುರ್ಮಾಸ್ಯ ವ್ರತ-೨೬ ಚೆ ಧಾರ್ಮಿಕ ತಶೀಚಿ ಸಾಂಸ್ಕೃತಿಕ ಕಾರ್ಯಕ್ರಮಾಂತು ಆನಿ ಇತ್ಲೆ ಶೋಭಾಯಮಾನ ಹಾಡಲೆ.ಸ್ವಾತಂತ್ರ ಉತ್ಸವಾಚೆ ವೇಳ್ಯಾರಿ ಶ್ರೀ ರಾಮದೇವ ವೀರವಿಠ್ಠಲಾಂಕ ದೇಶಭಕ್ತಿ ಆನಿ ಭಾರತೀಯ ಸಂಸ್ಕೃತಿಚೆ ಪ್ರತೀಕ ಜಾವ್ನು ಸಂಯೋಜಿಲೀಲೆ ವಿಶೇಷ ಜಾವ್ನು ಶೃಂಗಾರ ಕೆಲೀಲೆ ಭಕ್ತಾಂತು ಆಧ್ಯಾತ್ಮಿಕ ಭಾವ ಭರಶಿ ರಾಷ್ಟ್ರಭಕ್ತಿಚೆ ಉಜ್ಜೀಪನೆಕ ಕಾರಣ ಜಾಲ್ಲೆ.
ಪರಮಪೂಜ್ಯ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತಿ ತಶೀಚಿ ದಿವ್ಯ ಕರಕಮಲಾನಿ ಘಡೀಲೆ ಹೇ ವಿಶೇಷ ಅಲಂಕಾರ ಅಪಾರ ಅಂಕಡ್ಯಾಚೆ ಭಕ್ತಾನಿ ಭಕ್ತಿಭಾವಾನಿ ಪಳೋನು ದೋಳೆ ಭೊರನು ಘೆತ್ಲೆ.