೧೯೯೧ ಇಸ್ವೆಂತು ಸಾರಸ್ವತ ಲೋಕಾಂಗೆಲೆ ಉದ್ಯಮಶೀಲತೆಕ ಜೋರ ದಿವಚೆ ಖಾತ್ತಿರಿ ಕೆಲವ ಮ್ಹಾಲ್ಗಡೆ ಲೋಕಾನಿಂ ಕೆಲೀಲೆ ಕಲ್ಪನಾ ೨೦೧೯ ಇಸ್ವೆಂತು ಫೂಲ್ನು ಸಾಕಾರ ಜಾಲ್ಲೆ. ತ್ಯಾಂಚಿ ಸಾರಸ್ವತ ಛಂಬರ್. ಸಾರಸ್ವತ್ ಚೇಂಬರ್ ಆಫ್ ಕಾಮರ್ಸ್, ಸಾರಸ್ವತ್ ವ್ಯಾಪಾರ ಸಮುದಾಯಾಚೆ ವಾಡಪಣ ಆನಿ ಸಮೃದ್ಧಿಚೆ ವಕಾಲತ್ತ ಘೆವ್ಚೆ ಬರಶಿ ಸೇವಾ ಪಾವಯಚಾಕ ಸಮರ್ಪಿತ ಜಾಲೀಲೆ ಮುಖೇಲ ಸಂಸ್ಥೊ ಜಾವ್ನಾಸ್ಸಾ. ಅವಕಾಶ ಆನಿ ಸಂಪನ್ಮೂಲಾಂಕ ಪರಿಣಾಮಕಾರಿ ಪ್ರವೇಶ, ಸಾಮರ್ಥ್ಯ ವೃದ್ಧಿ, ಆರ್ಥಿಕ ಅಭಿವೃದ್ಧಿ, ಸಂಪರ್ಕ ಆನಿ ವೇಪಾರ ಶಿಕ್ಷಣ ದಿವಚೆ ಹೇ ಸಂಸ್ಥೋ ಸಕ್ರಿಯ ಕರತಾ.
ತಾಜ್ಜೆ ಗ್ಲೋಬಲ್ ಚೇಂಬರ್ ಆಫ್ ಸಾರಸ್ವತ್ ಎಂಟರ್ಪ್ರೆನ್ಯುವರ್ಸ ಬೆಂಗಳೂರು ಹಾನ್ನಿ ಜಿ.ಎಸ್.ಬಿ. ಸಮಾಜ ಹುಬ್ಬಳ್ಳಿ ಹಾಂಗೆಲೆ ಮೇಳಾವಟ್ಟಾರಿ ಹುಬ್ಬಳ್ಳಿಚೆ ಸರಸ್ವತಿ ಸದನಾಂತು ಆರತಾಂ ಆಯೋಜನ ಕೆಲೀಲೆ ಎಂ.ಎಸ್. ಎಂ.ಇ. ಸ್ಟಾರ್ಟಪ್ ಸಮಾವೇಶಾಂತು ಕೃಷಿ ಉದ್ಯಮ ಕ್ಷೇತ್ರಾಂತು ಕೆಲೀಲೆ ಸಾಧನಾ ಮಾನೂನು ಶಿರಸಿಚೆ ಶ್ರೀ ರಾಮ ಹರಿ ಕಿಣಿ ಹಾಂಕಾ “ಕೃಷಿ ಕ್ಷೇತ್ರಾಚೆ ಅತ್ಯುತ್ತಮ ಉದ್ಯಮಶೀಲತಾ” ಪ್ರಶಸ್ತಿ ದಿವನು ಸನ್ಮಾನ ಕೆಲ್ಲಿ. ಹೇ ವೇಳ್ಯಾರಿ ಹಾಂಗ್ಯೂ ಐಸ್ಟೀಮ್ ಅಧ್ಯಕ್ಷ ಶ್ರೀ ದಿನೇಶ ಪೈ, ಶ್ರೀ ಸುರೇಂದ್ರನಾಥ ಕಾಮತ ಕೊಚ್ಚಿ, ಜಿ.ಎಸ್.ಬಿ.ಸಮಾಜ ಹುಬ್ಬಳ್ಳಿ ಅಧ್ಯಕ್ಷ ಶ್ರೀ ರಮೇಶ ನಾಯಕ, ಸಾರಸ್ವತ ಚೇಂಬರ್ ಮುಂಬೈ ಅಧ್ಯಕ್ಷ ಶ್ರೀ ಸಿದ್ದಾರ್ಥ ಸಿಂಕರ್, ಸಿಎ ಸಂಕೇತ ನಾಯಕ, ಸಿ.ಎ. ಪ್ರತೀಕ್ಷಾ ಪೈ ಉಪಸ್ಥಿತ ವ್ಹರಲೀಲೆ.
ಈ ಸಮಾವೇಶಾಂತು ಖ್ಯಾತ ಉದ್ಯಮ ತರಬೇತುದಾರ ಜಾಲೀಲೆ ಶ್ರೀ ಉಲ್ಲಾಸ ಕಾಮತ, ಆರ್. ಶ್ರೀ ಎಸ್. ಶಾನಭಾಗ, ಶ್ರೀ ಅನುಪ ಪೈ, ಶ್ರೀ ಸುಹಾಸ ಪ್ರಭು, ಶ್ರೀ ಅರವಿಂದ ಬಾಳೇರಿ, ಸಿಎ ಸಂಕೇತ ನಾಯಕ ತಶೀಚಿ ಸಿಎ ಪ್ರತೀಕ್ಷಾ ಪೈ ಆದಿ ಲೋಕಾನಿ ಸ್ಟಾರ್ಟಪ್ ಕೊರಚಾಕ ಇಚ್ಛಾ ಕೊರಚೆ ನವ ಉದ್ಯಮಿಂಕ ಮಾಗದರ್ಶನ ದಿಲ್ಲಿ. ದೇಶಪಾಂಡೆ ಸ್ಟಾರ್ಟಪ್ ಸಿಇಓ ಶ್ರೀ ಮನಿಶ ಜೈಸ್ವಾಲ್, ಧಾರ್ತಿ ಫೌಂಡೇಶನ್ ಸಿ.ಇ.ಓ. ರಕ್ಷಿತ್ ಕಲ್ಯಾಣಿ, ಡಾ.ಎಸ್. ಎಸ್.ದೊಳ್ಳಿ ಆದಿ ಅನುಭವಿ ಲೋಕಾನಿ ಶಿಬಿರಾರ್ಥಿಂಕ ಸಲ್ಲೋ, ಮಾಹಿತಿ ದಿಲ್ಲಿ. ಪ್ರತೀಕ್ಷಾ ಪೈ ತಾನ್ನಿ ಯೆವಕಾರ ಕೆಲ್ಲಿ. ಧಾರವಾಡ, ಉತ್ತರ ಕನ್ನಡ, ಹಾವೇರಿ ತಶೀಚಿ ಗೋಂಯ್ಚೆ ಅನೇಕ ಉದ್ಯಮ ಆಕಾಂಕ್ಷಿ ಲೋಕಾನಿ ಶಿಬಿರಾಂತು ವಾಂಟೊ ಘೆತ್ಲೆ.