“ಬಸ್ರೂರು ಶ್ರೀ ಮಹಾಲಸಾ ನಾರಾಯಣೀ ದೇವಳಾಂತು ಸೋಲಾರ್ ವಿದ್ಯುತ್ ಘಟಕಾಚೊ ಅವಶ್ಯಕತಾ ಆಸ್ಸುಚೆ ಸಮಜೂನು ಕೆನರಾ ಬ್ಯಾಂಕಾಚೆ ಸಿ‌ಎಸ್‌ಆರ್ ನಿಧಿ ತರಪೇನ ಸೋಲಾರ್ ವಿದ್ಯುತ್ ಘಟಕ ಇನಾಮು ಜಾವ್ನು ದಿಲ್ಲ್ಯಾ. ಹಾಜೇನ ದೇವಳಾಕ ಅನ್ಕೂಲ ಜಾತ್ತಾ. ಮ್ಹೊಣು ಕೆನರಾ ಬ್ಯಾಂಕ್ ಹಾಜ್ಜೆ ಮಣಿಪಾಲ ವೃತ್ತ ಕಚೇರಿಚೆ ಮಹಾಪ್ರಬಂಧಕ ಎಚ್. ಕೆ. ಗಂಗಾಧರ್ ತಾನ್ನಿ ಸಾಂಗ್ಲೆ.
ತಾನ್ನಿ ಆರತಾಂ ಬಸ್ರೂರು ಶ್ರೀ ಮಹಾಲಸಾ ನಾರಾಯಣೀ ದೇವಳಾಂತು ಕೆನರಾ ಬ್ಯಾಂಕ್ ಹಾಜ್ಜೆ ಸಿ‌ಎಸ್‌ಆರ್ ನಿಧಿಚೆ ಮುಖಾಂತರ ಘಾಲಯಿಲೆ ೨೬ ಕಿಲೋವ್ಯಾಟ್ ಪೀಕ್ ಸಾಮರ್ಥ್ಯಾಚೆ ಹೈಬ್ರಿಡ್/ಆನ್-ಗ್ರಿಡ್ ಸೌರ ಮೇಲ್ಛಾವಣಿ ವಿದ್ಯುತ್ ಘಟಕಾಚೊ ಉದ್ಘಾಟನ ಕೊರನು ಉಲಯತಾಲೆ.
ದೇವಳದ ಧರ್ಮದರ್ಶಿ ಮಂಡಳಿ ಅಧ್ಯಕ್ಷ ಟಿ.ನಾರಾಯಣ ಪೈ ತಾನ್ನಿ ಉಲಯಿಲೆ. ದೇವಳಾಚೆ ಧರ್ಮದರ್ಶಿ ಮಂಡಳಿ ಸದಸ್ಯ ಕೆ.ಗಣೇಶ ಪ್ರಭು, ಸೂರ್‍ನಳ್ಳಿ ಗೋಪಾಲಕೃಷ್ಣ ಪೈ, ಕೆನರಾ ಬ್ಯಾಂಕ್ ಮಣಿಪಾಲ ವೃತ್ತ ಕಚೇರಿಚೆ ಮ್ಹಾಲ್ಗಡೆ ಆಫೀಸರ್‍ಸ್, ಸಮಾಜಬಾಂಧವ, ಭಜಕ ಆದಿ ಲೋಕ ಉಪಸ್ಥಿತ ವ್ಹರಲೀಲೆ.
ಧರ್ಮದರ್ಶಿ ಮಂಡಳಿಚೆ ಡಾ.ಕಾಶೀನಾಥ ಪೈ ತಾನ್ನಿ ಪ್ರಾಸ್ತಾವಿಕ ಉತ್ರ ಉಲೋನು, ಕಾರ್ಯಕ್ರಮಾಚೆ ನಿರ್ವಹಣ ಕೆಲ್ಲಿ. ಕೆ.ಗೋಕುಲದಾಸ ಪೈ ಮಣಿಪಾಲ ತಾನ್ನಿ ಯೇವ್ಕಾರ ಕೆಲ್ಲಿ. ಪ್ರಭಾಕರ ಪೈ ಆಬಾರ ಮಾನ್ಲೆ.